ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ເນັ້ນໜັກວ່າ ພາຍຫຼັງກ່ວາ 75 ປີແຫ່ງການຮັບຮອງເອົາຖະແຫຼງການສາກົນກ່ຽວກັບສິດທິມະນຸດ, 30 ປີແຫ່ງການຮັບຮອງເອົາຖະແຫຼງການ ແລະ ໂຄງການກະທຳ Vienna ກ່ຽວກັບສິດທິມະນຸດ, ມວນມະນຸດ ຍັງປະເຊີນໜ້າກັບການທ້າທາຍຫຼາຍຢ່າງຄື ການແກ່ງແຍ້ງຍຸດທະສາດ, ການປະທະກັນທາງອາວຸດ, ການປ່ຽນແປງຂອງດິນຟ້າອາກາດ, ຂາດຄວາມໝັ້ນຄົງດ້ານອາຫານ, ພະລັງງານ, ແຫຼ່ງນ້ຳ ແລະ ຄວາມບໍ່ຍຸຕິທຳທາງສັງຄົມອື່ນໆ.
ທ່ານລັດຖະມົນຕີ ບຸຍແທງເຊີນ ຖືວ່າ ບັນດາສິດທິມະນຸດມີແຕ່ສາມາດຮັບປະກັນໄດ້ດີທີ່ສຸດເມື່ອສັນຕິພາບ, ໝັ້ນຄົງ, ກົດໝາຍສາກົນໄດ້ຮັບການຮັກສາ ແລະ ເຄົາລົບນັບຖື, ລັດຖືປະຊາຊົນເປັນໃຈກາງຂອງບັນດານະໂຍບາຍ ແລະ ການຮັບປະກັນການພັດທະນາກວມລວມ ແລະ ຍືນຍົງ.
ທ່ານ ເຊີນ ກ່າວຢ່າງຈະແຈ້ງວ່າ ສະພາສິດທິມະນຸດຕ້ອງສຸມໃສ່ຊຸກຍູ້ບັນດາບຸລິມະສິດສູງສຸດໃຫ້ແກ່ປະຊາຊົນ ແມ່ນການຊົມໃຊ້ບັນດາສິດດ້ານເສດຖະກິດ, ສັງຄົມ, ວັດທະນະທຳ, ສິດພັດທະນາ ແລະ ການປົກປັກຮັກສາບັນດາກຸ່ມທີ່ມີຄວາມສ່ຽງງ່າຍ.
 |
|
|
ທ່ານ ເຊີນ ໄດ້ສະເໜີໃຫ້ສະພາສິດທິມະນຸດເອົາໃຈໃສ່ຊຸກຍູ້ການປະຕິບັດມະຕິເລກ 52/19 ໂດຍ ຫວຽດນາມ ເປັນປະທານສະເໜີ, ພິເສດແມ່ນຮຽກຮ້ອງໃຫ້ບັນດາປະເທດຊຸກຍູ້ການເຄົາລົບນັບຖື ແລະ ຄວາມເຂົ້າໃຈເຊິ່ງກັນ ແລະ ກັນ, ຄວາມອະນຸໂລມ, ກວມລວມ, ເປັນເອກະພາບ ແລະ ນັບຖືຄວາມແຕກຕ່າງ, ການໂອ້ລົມສົນທະນາ, ການຮ່ວມມືກັນ.
ທ່ານລັດຖະມົນຕີ ບຸຍແທງເຊີນ ໃຫ້ຮູ້ວ່າ ທີ່ກອງປະຊຸມຂັ້ນສູງຄັ້ງທີ 56 ໃນເດືອນມິຖຸນາຈະມາເຖິງ, ຫວຽດນາມ ຈະສະເໜີມະຕິປະຈຳປີກ່ຽວກັບການຮັບປະກັນສິດທິມະນຸດໃນສະພາບການປ່ຽນແປງຂອງດິນຟ້າອາກາດ. ທ່ານ ເຊີນ ກໍແບ່ງປັນວ່າ ຫວຽດນາມ ໄດ້ສົ່ງບົດລາຍງານລະດັບຊາດຕາມກົນໄກກວດກາຄືນປະຈຳໄລຍະ ໄປທົ່ວ (UPR) ຮອບວຽນທີ IV, ໃນນັ້ນ ກໍໄດ້ປະຕິບັດສຳເລັດເກືອບ 90% ໃນບັນດາຂໍ້ສະເໜີທີ່ໄດ້ຮັບໃນປີ 2019.
ເພື່ອສືບຕໍ່ບັນດາການປະກອບສ່ວນຢ່າງຕັ້ງໜ້າ, ຄຳໝັ້ນໝາຍຢ່າງແຮງ ແລະ ຄວາມກຽມພ້ອມປະກອບສ່ວນຂອງ ຫວຽດນາມ, ທ່ານລັດຖະມົນຕີ ບຸຍແທງເຊີນ ໄດ້ປະກາດ ແລະ ຮຽກຮ້ອງບັນດາປະເທດສະໜັບສະໜູນ ຫວຽດນາມ ທີ່ໄດ້ຮັບເລືອກຕັ້ງເປັນສະມາຊິກສະພາສິດທິມະນຸດ ສປຊ ຄືນໃໝ່ອາຍຸການ 2026 – 2028.
ຕາມນັກຂ່າວສຳນັກຂ່າວສານ ຫວຽດນາມ ແລ້ວ, ກ່າວຄຳປາໄສທີ່ກອງປະຊຸມ, ບັນດາຜູ້ແທນທີ່ມາຈາກທຸກປະເທດເນັ້ນໜັກວ່າ ສະພາບການໂລກສືບຕໍ່ຜັນແປສັບສົນຢ່າງສັບສົນ ດ້ວຍບັນດາສິ່ງທ້າທາຍທີ່ເພີ່ມຂຶ້ນກ່ຽວກັບການຮັບປະກັນສິດທິມະນຸດເຊັ່ນ ການປະທະກັນທາງດ້ານອາວຸດ, ຄວາມບໍ່ສະຫງົບໃນຫຼາຍຂົງເຂດ, ພິເສດແມ່ນຢູ່ເຂດ Gaza, ພ້ອມກັນນັ້ນ ແມ່ນບັນດາສິ່ງທ້າທາຍທົ່ວໂລກທີ່ນັບມື້ນັບສັບສົນເຊັ່ນ ການປ່ຽນແປງຂອງດິນຟ້າອາກາດ, ສະພາບຊຸດໂຊມຂອງສິ່ງແວດລ້ອມ, ຄວາມໝັ້ນຄົງດ້ານສະບຽງອາຫານ.
ບັນດາການນຳ ສປຊ ກ່າວວ່າ ການປະທະກັນທາງດ້ານອາວຸດ, ຄວາມບໍ່ສະຫງົບ ພວມສົ່ງຜົນກະທົບຢ່າງຮ້າຍແຮງເຖິງການຊົມໃຊ້ບັນດາສິດທິມະນຸດ, ພ້ອມກັນນັ້ນ ກໍ່ກ່າວເຕືອນວ່າຈະມີສົງຄາມຕໍ່ຕ້ານຄົນທຸກຍາກ ແລະສິ່ງແວດລ້ອມ 2 ຄັ້ງ, ໃນນັ້ນ ບັນດາກຸ່ມທີ່ມີຄວາມສ່ຽງງ່າຍ ແມ່ນຜູ້ໄດ້ຮັບຜົນສະທ້ອນຮ້າຍແຮງທີ່ສຸດ.
ທ່ານປະທານສະມັດ ຊາໃຫຍ່ສະຫະປະຊາຊາດ Dennis Francis ຮຽກຮ້ອງໃຫ້ສະພາສິດທິມະນຸດຊຸກຍູ້ການໂອ້ລົມສົນທະນາ, ຊອກຫາວິທີແກ້ໄຂຮ່ວມຢ່າງຮອບດ້ານ, ຕອບສະໜອງຜົນປະໂຫຍດຂອງບັນດາປະເທດພວມພັດທະນາ, ໝູ່ເກາະນ້ອຍໃນບັນຫາການປ່ຽນແປງຂອງດິນຟ້າອາກາດ, ຊຸກຍູ້ຄວາມສະເໝີພາບທາງເພດ, ປົກປັກຮັກສາສິດຂອງກຸ່ມທີ່ມີຄວາມາສ່ຽງງ່າຍ, ການໜູນຊ່ວຍດ້ານມະນຸດສະທຳໃຫ້ແກ່ປະຊາຊົນໃນການປະທະກັນ, ແກ້ໄຂສາເຫດກົກຮາກຂອງສະພາບການຂອງການຈຳແນກການປະພຶດ, ການຈຳແນກເຊື້ອຊາດຜິວພັນ ແລະ ບັນດາຜົນສະທ້ອນຂອງລັດທິລ່າເມືອງຂຶ້ນ.
ທ່ານເລຂາທິການໃຫຍ່ ສປຊ António Guterres ເນັ້ນໜັກເຖິງຄວາມຮຽກຮ້ອງເພື່ອຊຸກຍູ້ສັນຕິພາບ ແລະ ປົກປັກຮັກສາສິດທິມະນຸດ, ເສີມຂະຫຍາຍບົດບາດຂອງລັດທິຫຼາຍຝ່າຍ, ເຄົາລົບກົດໝາຍມະນຸດສະທຳສາກົນ ແລະ ສິດທິມະນຸດ, ປົກປັກຮັກສາສາມັນຊົນ, ພື້ນຖານໂຄງລ່າງພົນລະເຮືອນໃນການປະທະກັນ.
ມິງດຶກ
