| ຄະນະຜູ້ແທນກະຊວງປ້ອງກັນປະເທດຫວຽດນາມ ອວຍພອນ 75 ປີແຫ່ງວັນສ້າງຕັ້ງກອງທັບປະຊາຊົນລາວ | |
| ຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ |
ອ່ານສູນທອນພົດທີ່ພິທີມິດຕິງ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ຫວນຄືນປະຫວັດສາດ, ມູນເຊື້ອ 75 ປີແຫ່ງວັນສ້າງສາ, ຕໍ່ສູ້ ແລະ ເຕີບໃຫຍ່ຂອງກອງທັບປະຊາຊົນ ລາວ; ທ່ານໄດ້ເນັ້ນໜັກວ່າ ການສ້າງຕັ້ງ ແລະ ເຕີບໃຫຍ່ຂອງກອງທັບ ລາວ ຕິດພັນກັບການພັດທະນາຂອງປະຕິວັດຂອງຊາດ- ປະຊາທິປະໄຕ ລາວ, ກໍຄືຂະບວນການປະຕິວັດ ແລະ ການຮ່ວມສຳພັນສູ້ຮົບຂອງ 3 ປະເທດ ລາວ - ຫວຽດນາມ - ກຳປູເຈຍ, ບົນຫຼັກການສະເໝີພາບ, ໜູນຊ່ວຍເຊິ່ງກັນ ແລະ ກັນ ແລະ ເຄົາລົບອະທິປະໄຕຂອງກັນ.
 |
| ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ກ່າວຄຳເຫັນທີ່ກອງປະຊຸມ |
ທ່ານເລຂາທິການໃຫຍ່, ປະທານປະເທດ ທອງລຸນ ສີສຸລິດ ເນັ້ນໜັກວ່າ, ພັກ, ລັດ, ກອງທັບ ແລະ ປະຊາຊົນ ລາວ ຍາມໃດກໍ່ຈົດຈຳການໜູນຊ່ວຍ ແລະ ຊ່ວຍເຫຼືອຂອງກຳລັງປະກອບອາວຸດ ແລະ ທະຫານອາສາສະໝັກ ຫວຽດນາມ, ທີ່ໄດ້ຮຽງບ່າຮຽງໄຫຼ່ພ້ອມກັບນັກຮົບປະຕິວັດ ລາວ ເພື່ອຕໍ່ສູ້ຕ້ານສັດຕູຜູ້ດຽວ. ທ່ານຢືນຢັນວ່າ, ທຸກຜົນງານ, ໄຊຊະນະ, ກໍຄືການສ້າງກອງທັບໃຫ້ໝັ້ນຂົງເຂັ້ມແຂງ, ເປັນກຳລັງຫຼວງ, ທັນສະໄໝຂອງກອງທັບ ລາວ ໃນຕະຫຼອດ 75 ປີຜ່ານມາ, ລ້ວນແຕ່ຕິດພັນກັບການໜູນຊ່ວຍ ແລະ ຊ່ວຍເຫຼືອອັນລ້ຳຄ່າຂອງກອງທັບ ແລະ ລັດຖະບານບັນດາປະເທດເພື່ອນມິດ, ພິເສດແມ່ນ, ພັກ, ລັດຖະບານ, ກອງທັບ ແລະ ປະຊາຊົນ ຫວຽດນາມ.
ຢືນຢັນບົນພື້ນຖານນັ້ນ, ບັນດາກຳລັງປະກອບອາວຸດລາວ ໄດ້ສົມທົບກັນຢ່າງແໜ້ນແຟ້ນກັບກອງທັບອາສາສະໝັກ ຫວຽດນາມ ເພື່ອດຳເນີນການເຄື່ອນໄຫວຫຼາຍຢ່າງ, ປົດປ່ອຍຫຼາຍພາກພື້ນໃນທົ່ວປະເທດ; ສົມທົບກັນຢ່າງກົງໄປກົງມາກັບ ຫວຽດນາມ ໃນບັ້ນຮົບສັ່ນສະເທືອນຢູ່ ດ້ຽນບຽນຝູ, ບັງຄັບໃຫ້ບັນດານັກລ່າເມືອງຂຶ້ນຝະລັ່ງ ລົງນາມໃນສັນຍາເຈນີວາ ປີ 1954 ກ່ຽວກັບການຟື້ນຟູສັນຕິພາບຢູ່ບັນດາປະເທດອິນດູຈີນ ແລະ ໄດ້ຮັບຮູ້ເອກະລາດ, ອະທິປະໄຕ ແລະ ຜືນແຜ່ນດິນຂອງລາວ, ຫວຽດນາມ ແລະ ກຳປູເຈຍ.
ຕາງໜ້າໃຫ້ພັກ, ລັດຖະບານ, ກອງທັບ ແລະ ປະຊາຊົນລາວ, ທ່ານເລຂາທິການໃຫຍ່, ປະທານປະເທດ ທອງລຸນ ສີສຸລິດ ໄດ້ສະແດງຄວາມຂອບອົກຂອບໃຈຕໍ່ປະຊາຊົນລາວ, ຊາວຕ່າງປະເທດ ແລະ ເພື່ອນມິດທີ່ຮັກສັນຕິພາບສາກົນ ໄດ້ໃຫ້ການສະໜັບສະໜູນ ແລະ ຊ່ວຍເຫຼືອກອງທັບປະຊາຊົນລາວໃນໄລຍະແຫ່ງຊາດ. ການຕໍ່ສູ້ປົດປ່ອຍ, ພ້ອມທັງປົກປັກຮັກສາ, ສ້າງສາ ແລະ ພັດທະນາປະເທດຊາດ.
ຄຳຮຸ່ງ
