 |
ເຊີດຊູບັນດາວິສາຫະກິດທ່ອງທ່ຽວແຖວໜ້າຂອງຫວຽດນາມ ປີ 2018
ໃນຂອບເຂດງານຕະຫຼາດນັດທ່ອງທ່ຽວສາກົນຫວຽດນາມ 2019, ໃນຕອນເຊົ້າຂອງວັນທີ 28 ມີນາ, ທີ່ຮ່່າໂນ້ຍ, ສະມາຄົມທ່ອງທ່ຽວຫວຽດນາມ ແລະ ວິທະຍຸກະຈ່າຍສຽງຫວຽດນາມ ໄດ້ສົມທົບກັນໃນການຈັດຕັ້ງພິທີເຊີດຊູບັນດາບຸກຄົນ ແລະ ວິສາຫະກິດທ່ອງທ່ຽວຫວຽດນາມດີເດັ່ນ ປີີ 2018.
ນີ້ແມ່ນການເຄື່ອນໄຫວປະຈໍາປີຂອງສະມາຄົມທ່ອງທ່ຽວຫວຽດນາມເພື່ອແນໃສ່ເຊີດຊູບັນດາບຸກຄົນ ແລະ ວິສາຫະກິດດີເດັ່ນທີ່ມີຜົນງານດີເລີີດໃນບັນດາຂົງເຂດໃຫ້ບໍລິການພັກເຊົາທ່ອງທ່ຽວ, ອາຫານ, ຜູ້ນໍາທ່ຽວ, ພ້ອມທັງປະກອບສ່ວນເຂົ້າໃນການຍູ້ແຮງຂະບວນການແຂ່ງຂັນ, ລັກຊະນະເປັນມືອາຊີບ, ສ້າງເຄື່ອງໝາຍການຄ້າເທື່ອລະກ້າວ, ປະກອບສ່ວນຊຸກຍູ້ການທ່ອງທ່ຽວໃຫ້ພັດທະນາກາຍເປັນຂະແໜງເສດຖະກິດປາຍແຫຼມຂອງປະເທດ.
ປີ 2018, ອົງການຈັດຕັ້ງການທ່ອງທ່ຽວສາກົນໄດ້ຈັດ ຫວຽດນາມ ຢືນອັນດັບທີ 3 ໃນຈໍານວນ 10 ປະເທດເຊິ່ງມີຂະແໜງການທ່ອງທ່ຽວມີການເຕີບໂຕສູງສຸດ, ເລື່ອນ 3 ຊັ້ນເມື່ອທຽບໃສ່ກັບປີ 2017. ໃນປີ 2018, ຂະແໜງການທ່ອງທ່ຽວຫວຽດນາມໄດ້ຕ້ອນຮັບແຂກທ່ອງທ່ຽວສາກົນປະມານ 15,6 ລ້ານເທື່ອຄົນ, ຮັບໃຊ້ແຂກທ່ອງທ່ຽວພາຍໃນປະເທດປະມານ 80 ລ້ານຄົນ, ຍອດລາຍຮັບທັງໝົດຈາກຂະແໜງການທ່ອງທ່ຽວທີ່ເກັບມາໄດ້ບັນລຸ 620.000 ຕື້ດົ່ງ, ເທົ່າກັບ 26 ລ້ານກວ່າໂດລາສະຫະລັດ, ກວມເອົາ 7,8% GDP ຂອງທົ່ວປະເທດ.
ສະມາຄົມທ່ອງທ່ຽວຫວຽດນາມ ໄດ້ຮຽກຮ້ອງບັນດາອົງການສະມາຊິກໃນທົ່ວປະເທດຈົ່ງໃຫ້ການຍູ້ແຮງການແຂ່ງຂັນ ແລະ ສູ້ຊົນ ເພື່ອໃຫ້ມີບັນດາສ່ວນບຸກຄົນ, ວິສາຫະກິດ ບັນລຸນາມມະຍົດດີເດັ່ນໃນແຕ່ລະປີຂອງຂະແໜງການທ່ອງທ່ຽວຂອງຫວຽດນາມ.
（ໄຊພອນ）
