| ງານພົບປະແລກປ່ຽນວັດທະນະທຳ ຫວຽດນາມ - ສ .ເກົາຫຼີ ສະເຫຼີມສະຫຼອງລະດູບານໃໝ່ ປີມະໂລງ 2024 | |
| ຫວຽດນາມ ສະໜັບສະໜູນ ແລະໜູນຊ່ວຍ ລາວ ໃນວຽກງານຮັບປະກັນບົດບາດເປັນປະທານອາຊຽນ 2024 |
ໃນສອງວັນແຕ່ວັນທີ 17-18 ກຸມພາ, ອຳນາດການປົກຄອງແຂວງ Gunma, ຍີ່ປຸ່ນ ໄດ້ຈັດຕັ້ງງານບຸນພົບປະແລກປ່ຽນ ຫວຽດນາມ Gunma 2024 ດ້ວຍຫົວຂໍ້ “ພ້ອມກັນຕ້ອນຮັບບຸນເຕັດ” ເນື່ອງໃນໂອກາດບຸນເຕັດປະເພນີ ຫວຽດນາມ ໃຫ້ສໍາລັບປະຊາຄົມຊາວ ຫວຽດນາມ ຢູ່ປະເທດປະຈຳຖິ່ນ.
ໂດຍເຂົ້າຮ່ວມພິທີເປີດງານບຸນພົບປະແລກປ່ຽນ ຫວຽດນາມ Gunma 2024 ມີທ່ານYamamoto Ichita ຜູ້ວ່າການແຂວງ Gunma, ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຟ້າມກວາງຮ້ຽວ, ບັນດາພະນັກງານສະຖານທູດ, ປະທານສະມາຄົມຊາວ ຫວຽດນາມ ຢູ່ Gunma, ຜູ້ຕາງໜ້າບັນດາຄະນະ, ຫ້ອງວ່າການຂອງອຳນາດການປົກຄອງແຂວງ Gunma, ພ້ອມກັບຍາດຕິພີ່ນ້ອງຊາວ ຫວຽດນາມ ຢູ່ແຂວງ ແລະ ເຂດໃກ້ຄຽງເປັນຈຳນວນຫຼວງຫຼາຍ.
ໃນໄລຍະຜ່ານມາ, ການພົວພັນຮ່ວມມືຢ່າງແໜ້ນແຟ້ນລະຫວ່າງ Gunma ກັບ ບັນດາທ້ອງຖິ່ນ ຫວຽດນາມ ໄດ້ຮັບຖືວ່າແມ່ນຕົວແບບຂອງການແລກປ່ຽນປະຊາຊົນ, ເປັນຫຼັກຖານພະຍານທີ່ຟົດຟື້ນໃຫ້ແກ່ບັນດາໝາກຜົນແຫ່ງການພົວພັນຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ ແລະ ວັດທະນາຖາວອນຢູ່ ອາຊີ ແລະ ໃນໂລກລະຫວ່າງ ຫວຽດນາມ ແລະ ຍີ່ປຸ່ນ.
ທ່ານຜູ້ວ່າການ Yamamoto Ichita ໄດ້ຕີລາຄາສູງປະຊາຄົມຊາວ ຫວຽດນາມ ຢູ່ Gunma, ຂອບໃຈຢ່າງຈິງໃຈຕໍ່ແນວຄວາມຄິດຂອງທ່ານເອກອັກຄະລັດຖະທູດ ຟ້າມກວາງຮ້ຽວ ທີ່ສະແດງຄວາມປາດສະໜາຈັດຕັ້ງງານບຸນຢູ່ Gunma ດ້ວຍຫົວຂໍ້ການຕ້ອນຮັບບຸນເຕັດ.
 |
| ທ່ານເອກອັກຄະລັດຖະທູດ ຟ້າມກວາງຮ້ຽວ ແລະ ທ່ານຜູ້ວ່າການ Yamamoto Ichita ໄດ້ໃຫ້ການຕ້ອນຮັບ ແລະ ແລກປ່ຽນກັບບັນດານັກສຶກສາ ສະຖາບັນພົວພັນຕ່າງປະເທດ ຢູ່ແຂວງ Gunma |
ປະຈຸບັນ ມີຊາວຫວຽດນາມ 12.000 ກວ່າຄົນພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ Gunma; ແມ່ນປະຊາຄົມຄົນຕ່າງປະເທດທີ່ໃຫຍ່ທີ່ສຸດໃນແຂວງ. ທ່ານຜູ້ວ່າການຫວັງວ່າ 2 ຝ່າຍຈະສືບຕໍ່ຊຸກຍູ້ການພົວພັນຮ່ວມມືທີ່ແທດຈິງ ແລະ ຄວາມໄວ້ເນື້ອເຊື່ອໃຈກ່ວາອີກໃນທຸກຂົງເຂດ.
ທ່ານ Ichita ການນຳຂອງ Gunma ໄດ້ມີຄວາມຮັກແພງຜູກພັນຕໍ່ປະຊາຄົມຊາວ ຫວຽດນາມ ຢູ່ແຂວງ ເວົ້າສະເພາະ ແລະ ຫວຽດນາມ ເວົ້າລວມ. ໃນພິທີເປີດ, ທ່ານຜູ້ວ່າການ ໄດ້ເສບ ແລະ ຮ້ອງເພງເປັນພາສາຫວຽດນາມ 2 ເພງ ເພື່ອສະເຫຼີມສະຫຼອງຕ້ອນຮັບບຸນເຕັດ ເຮັດໃຫ້ພິທີມີຄວາມອົບອຸ່ນ ແລະ ຈິງໃຈກວ່າອີກ.
ທີ່ເຫດການ, ທ່ານເອກອັກຄະລັດຖະທູດ ຟ້າມກວາງຮ້ຽວ ໄດ້ໃຫ້ຄວາມເຄົາລົບ, ຕີລາຄາສູງ ແລະ ຂອບໃຈທ່ານຜູ້ວ່າການ, ອຳນາດການປົກຄອງແຂວງທີ່ໄດ້ຈັດຕັ້ງລາຍການທີ່ມີຄວາມໝາຍຫຼາຍຢ່າງໃຫ້ແກ່ຊາວ ຫວຽດນາມ ອາໄສຢູ່ແຂວງ Gunma. ບຸນເຕັດແມ່ນບຸນສຳຄັນທີ່ສຸດໃນປີຂອງຊາວ ຫວຽດນາມ, ແມ່ນໂອກາດເພື່ອຄອບຄົວເຕົ້າໂຮມກັນ; ຍາດຕິພີ່ນ້ອງຢູ່ໄກບ້ານກັບຄືນສູ່ກົກເຄົ້າເຫງົ້າກໍຂອງຊາດ.
ທ່ານເອກອັກຄະລັດຖະທູດ ເນັ້ນໜັກວ່າ ງານບຸນກັບລາຍການສິລະປະທີ່ເປັນເອກະລັກພິເສດ, ອາຫານທີ່ຫຼາກຫຼາຍຈະນຳມາເຊິ່ງປະສົບການອັນດີງາມໃຫ້ຊາວຫວຽດນາມ ຢູ່ Gunma ເວົ້າລວມ ແລະ ບັນດາຜູ້ເຂົ້າຮ່ວມເວົ້າສະເພາະ, ປະກອບສ່ວນເຊື່ອມໂຍງເຂົ້າກັບປະຊາຄົມ ແລະ ຫຼຸດຜ່ອນຄວາມຄິດຮອດບ້ານເກີດເມືອງນອນຂອງຄົນທີ່ໄກບ້ານ.
ການຈັດຕັ້ງເຫດການ ຍັງສະແດງໃຫ້ເຫັນຄວາມຮັກແພງຈາກໃຈລະຫວ່າງປະຊາຄົມຊາວ ຫວຽດນາມ ຢູ່ ຍີ່ປຸ່ນ ແລະ ປະຊາຊົນປະເທດຕາເວັນຂຶ້ນ; ສະແດງໃຫ້ເຫັນເຖິງຄວາມເອົາໃຈໃສ່ຂອງອຳນາດການປົກຄອງສຳລັບປະຊາຄົມ, ປະກອບສ່ວນຊ່ວຍເຫຼືອຍາດຕິພີ່ນ້ອງອຸ່ນອຽນໃຈໃນການດຳລົງຊີວິດ, ເຮັດວຽກ ແລະ ຮ່ຳຮຽນ.
ພາຍຫຼັງພິທີເປີດ, ທ່ານເອກອັກຄະລັດຖະທູດ ຟ້າມກວາງຮ້ຽວ ແລະ ທ່ານຜູ້ວ່າການ Yamamoto Ichita ໄດ້ໃຫ້ການຕ້ອນຮັບ ແລະ ພົບປະແລກປ່ຽນກັບນັກສຶກສາ 7 ຄົນຂອງສະຖາບັນພົວພັນຕ່າງປະເທດ ຫວຽດນາມ.
ນີ້ແມ່ນນັກສຶກສາທີ່ໄດ້ຮັບການຄັດເລືອກໂດຍຜ່ານລາຍການຮ່ວມມືໃນຂົງເຂດບຳລຸງສ້າງ ແລະ ຄົ້ນຄ້ວາທີ່ສະຖາບັນພົວພັນຕ່າງປະເທດ ແລະ ອຳນາດການປົກຄອງແຂວງ Gunma, ຍີ່ປຸ່ນ ໄດ້ລົງນາມໃນບົດບັນທຶກຊ່ວຍຈຳໃນເດືອນ ສິງຫາ 2022 ເນື່ອງໃນໂອກາດທ່ານຜູ້ວ່າການມາຢ້ຽມຢາມ, ເຮດວຽກຢູ່ ຫວຽດນາມ.
ໃນການແບ່ງປັນຢ່າງເປີດອົກເປີດໃຈທີ່ການພົບປະແລກປ່ຽນ, ທ່ານຜູ້ວ່າການ Yamamoto Ichit ໄດ້ຢືນຢັນອີກເທື່ອໜຶ່ງວ່າ ແຂວງ Gunma ຍາມໃດກໍ່ພ້ອມແລ້ວທີ່ຈະຕ້ອນຮັບ ແລະ ສ້າງເງື່ອນໄຂດີທີ່ສຸດໃຫ້ບັນດານັກສຶກສາສະຖາບັນພົວພັນຕ່າງປະເທດ.
ທ່ານຜູ້ວ່າການ ແລະ ທ່ານເອກອັກຄະລັດຖະທູດ ຟ້າມກວາງຮ້ຽວ ໃຫ້ອວຍພອນບັນດານັກສຶກສາ ໝູນໃຊ້ໂອກາດຮ່ຳຮຽນຢູ່ທີ່ນີ້, ຮັບຮູ້, ເຊື່ອມຕໍ່ເພື່ອນມິດກັບຊາວຍີ່ປຸ່ນ, ຫວັງວ່າຈະເປັນ “ຂົວຕໍ່” ເຊື່ອມຕໍ່ການຮ່ວມມືຢ່າງຈິງໃຈ, ມີຄວາມໄວ້ເນື້ອເຊື່ອໃຈ, ມີປະສິດທິຜົນລະຫວ່າງ Gunma ເວົ້າສະເພາະ ແລະ ຍີ່ປຸ່ນ ເວົ້າລວມ ກັບ ຫວຽດນາມ.
ມິງດຶກ
