| ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ | |
| ໂຮງຮຽນນາຍທະຫານບົກ ເລກ 1 ໄດ້ຈັດພິທີຮັບປະກາດຈົບຊັ້ນ ລຸ້ນ 38 ນັກສຳມະນາກອນກອງທັບປະຊາຊົນລາວ |
ງານວາງສະແດງ “ການສົນທະນາກັບພາບໄມ້ຄວັດແກະສະຫຼັກ ຍີ່ປຸ່ນ Ukiyo-e” ໄດ້ຈັດຕັ້ງໂດຍສູນການເຄື່ອນໄຫວວັດທະນະທຳວິທະຍາສາດ ວັນໝຽວ - ກວກຕືຢ໋າມ ສົມທົບກັບກຸ່ມນັກແຕ້ມໜຸ່ມຂຶ້ນກັບໂຄງການ “ຈາກໃູນເຊື້ອໄປເຖິງມູນເຊື້ອ” ແລະ ຍີ່ປຸ່ນ Foundation ຈັດຕັ້ງ.
ເຂົ້າຮ່ວມງານວາງສະແດງຄັ້ງນີ້ ມີນັກປະພັນ 34 ຄົນ ເຊິ່ງແມ່ນບັນດານັກແຕ້ມໜຸ່ມ ທີ່ເຄີຍ ແລະ ພວມຮໍ່າຮຽນຢູ່ພາກວິຊາຈິດຕະກຳຂອງມະຫາວິທະຍາໄລວິຈິດສິນ ຫວຽດນາມ. ດ້ວຍ 38 ຜົນງານທີ່ສ່ອງແສງໃຫ້ເຫັນຈຸດທີ່ເປັນເອກະລັກສະເພາະຂອງຊີວິດວັດທະນະທຳຫວຽດນາມ ທີ່ທັງຄຸ້ນເຄີຍ ແລະ ໃໝ່ ໄດ້ສະແດງອອກຜ່ານທັດສະນະຍຸກສະໄໝ.
ງານວາງສະແດງ ແມ່ນບັນດາຫົວຄິດປະດິດສ້າງຂອງບັນດານັກແຕ້ມໜຸ່ມບົນແຫຼ່ງຄວາມຮູ້ສຶກໃນການຮຽນຮູ້ຄົ້ນຄ້ວາ ຈາກບັນດາປັດໄຈສິ່ງຍອດຢ້ຽມຂອງພາບໄມ້ຄວັດແກະສະຫຼັກ ຍີ່ປຸ່ນ Ukiyo-e, ປະສົມປະສານກັບບັນດາຄຸນຄ່າສິ່ງຍອດຢ້ຽມຂອງວັດຖຸພັນສິລະປະກຳພື້ນເມືອງຂອງ ຫວຽດນາມ ເຊັ່ນ ໄໝ, ສີຂັດມັນ, ເຈ້ຍສາ, ເຈ້ຍຢ່າງ,...
 |
| ງານວາງສະແດງ “ການສົນທະນາກັບພາບໄມ້ຄວັດແກະສະຫຼັກ ຍີ່ປຸ່ນ Ukiyo-e” ແກ່ຍາວຮອດວັນທີ 12 ມີນາ 2024 ທີ່ວັນໝຽວ - ກວກຕືຢ໋າມ, ຮ່າໂນ້ຍ. |
ງານວາງສະແດງຫວັງຢາກໂຄສະນາຄວາມງາມ, ຄວາມເປັນເອກະລັກສະເພາະຂອງບັນດາວັດຖຸພັນສິລະປະກຳພື້ນເມືອງ ຫວຽດນາມ ຕໍ່ບັນດາຜູ້ທີ່ຮັກສິລະປະພື້ນເມືອງ, ພິເສດແມ່ນລຸ້ນໜຸ່ມ ແລະ ນັກທ່ອງທ່ຽວສາກົນ. ພ້ອມກັນນັ້ນ, ຍັງເປັນໂອກາດເພື່ອແນະນຳບັນດາຜະລິດຕະພັນວັດທະນະທໍາທີ່ໄດ້ກັ່ນຕອງຈາກຂະບວນການຄົ້ນພົບບັນດາຄຸນຄ່າສິລະປະພື້ນເມືອງຜ່ານການໂອ້ລົມສົນທະນາວັດທະນະທໍາຂ້າມຊາດ ໃຫ້ແກ່ປະຊາຊົນ.
ງານວາງສະແດງຄັ້ງນີ້ແມ່ນຂອງຂວັນພິເສດໃນໂອກາດບຸນເຕັດປີມະໂລງ 2024 ທີ່ມອບໃຫ້ແກ່ປະຊາຊົນນະຄອນຫຼວງ ແລະ ນັກທ່ອງທ່ຽວ, ພ້ອມກັນກໍ່ສ້າງເຂດຮ່ອງຮອຍ ວັນໝຽວ - ກວກຕືຢ໋າມ ໃຫ້ກາຍເປັນພື້ນທີ່ປະດິດສ້າງຂອງນະຄອນຫຼວງ.
ມິງດຶກ
