| ກົງສຸນໃຫຍ່ ການາດາ ປະຈຳນະຄອນ ໂຮ່ຈີມິນ ເຂົ້າຮ່ວມປູກຕົ້ນໄມ້ມິດຕະພາບຢູ່ ເກີນເທີ | |
| ຈະສ້າງຕັ້ງສູນວາງສະແດງສິນຄ້າຫວຽດນາມ ຢູ່ ການາດາ |
ນີ້ແມ່ນໜຶ່ງໃນບັນດາເຫດຜົນຕົ້ນຕໍເພື່ອກະຊວງບັນດາບັນຫາທົ່ວໂລກ ສົມທົບກັບອົງການຈັດຕັ້ງ Cooperation ການາດາ ຜັນຂະຫຍາຍເວທີປຶກສາຫາລືນະໂຍບາຍ ເພື່ອຍົກສູງຄວາມຮັບຮູ້ຂອງສັງຄົມກ່ຽວກັບຍຸດທະສາດໃໝ່, ຜ່ານນັ້ນ ກໍ່ຊຸກຍູ້ໃຫ້ຊາວ ການາດາ ເຂົ້າຮ່ວມຂະບວນວິວັດນີ້ຢ່າງຕັ້ງໜ້າກວ່າອີກ.
ມະຫາສະໝຸດອິນເດຍ - ປາຊີຟິກ ໄດ້ຮັບຖືວ່າມີຄວາມສຳຄັນຫຼາຍຕໍ່ ການາດາ ຍ້ອນວ່າພາກພື້ນນີ້ກວມເອົາ 40% ຂອງ GDP ຂອງໂລກ ແລະ ເປັນບ່ອນດຳລົງຊີວິດຂອງກ່ວາ 2/3 ຈຳນວນພົນລະເມືອງໂລກ, ດ້ວຍພື້ນຖານເສດຖະກິດທີ່ຂະຫຍັນຂັນເຄື່ອນ ແລະ ການເຕີບໂຕໄວທີ່ສຸດ. ໂດຍແມ່ນປະເທດມະຫາສະໝຸດປາຊີຟິກ, ນອກຈາກການມີຝັ່ງທະເລລວມຍາວ 25,000 ກິໂລແມັດແລ້ວ, ຊາວ ການາດາ ຍັງມີສາຍພົວພັນທາງດ້ານເສດຖະກິດການຄ້າ ແລະ ປະຫວັດສາດວັດທະນະທຳທີ່ຍາວນານກັບປະຊາຊົນຂອງພາກພື້ນມະຫາສະໝຸດອິນເດຍ - ປາຊີຟິກ ນຳອີກ.
 |
| ທ່ານຮອງລັດຖະມົນຕີ MacLennan ກ່າວຄຳປາໄສເປີດກອງປະຊຸມ. |
ໂດຍແລກປ່ຽນກັບນັກຂ່າວສຳນັກຂ່າວສານ ຫວຽດນາມ ປະຈຳ ການາດາ, ທ່ານຮອງລັດຖະມົນຕີການພັດທະນາສາກົນ Christopher MacLennan ໃຫ້ຮູ້ວ່າ ຍຸດທະສາດ ມະຫາສະໝຸດອິນເດຍ - ປາຊີຟິກ ພວມມຸ່ງໄປເຖິງການພົວພັນໃໝ່ກັບພາກພື້ນນີ້. ນີ້ແມ່ນການຮັບຮູ້ວ່າ ການາດາ ແມ່ນປະເທດມະຫາສະໝຸດປາຊີຟິກ ທີ່ຕ້ອງມີບົດບາດໃນພາກພື້ນມະຫາສະໝຸດອິນເດຍ - ປາຊີຟິກ, ເຊິ່ງຈະເປັນບ່ອນສວມບົດບາດສຳຄັນໃນອະນາຄົດ. ຍຸດທະສາດໃໝ່ໄດ້ລະດົມການເຂົ້າຮ່ວມຂອງຫຼາຍກະຊວງ, ຂະແໜງການ ແລະ ອົງການຈັດຕັ້ງໃນສັງຄົມ ການາດາ, ດ້ວຍຄວາມຫວັງຈະຫັນເປັນບົດບາດຂອງຕົນໃນພາກພື້ນໃຫ້ສູງສຸດ ແລະ ສາມາດປະກອບສ່ວນດີທີ່ສຸດໃຫ້ແກ່ສັນຕິພາບ, ຄວາມໝັ້ນຄົງ ແລະ ຄວາມຈະເລີນຮຸ່ງເຮືອງໃຫ້ແກ່ພາກພື້ນ ກໍຄືໃຫ້ແກ່ ການາດາ ເພື່ອພ້ອມແກ້ໄຂບັນດາສິ່ງທ້າທາຍ. ການບູລິມະສິດຜັນຂະຫຍາຍຍຸດທະສາດ ມະຫາສະໝຸດອິນເດຍ - ປາຊີຟິກ ຈະປະກອບສ່ວນໃຫ້ ການາດາ ມີການເຕີບໂຕ ແລະ ວັດທະນາຖາວອນທີ່ຍາວນານ. ຍຸດທະສາດດັ່ງກ່າວ ກໍ່ນຳມາເຊິ່ງຜົນປະໂຫຍດໃຫ້ປະຊາຊົນທັງໝົດໂດຍຜ່ານການຫັນເປັນຫຼາຍຮູບຫຼາຍແບບການພົວພັນລະຫວ່າງສອງຝ່າຍ.
ທ່ານ Kate Higgins ຜູ້ອຳນວຍການຂອງອົງການ Cooperation Canada ໄດ້ໃຫ້ຄຳເຫັນວ່າ ຍຸດທະສາດນີ້ແມ່ນກາລະໂອກາດຢ່າງແທ້ຈິງເພື່ອເພີ່ມທະວີການລົງທຶນ, ການຮ່ວມມື, ພ້ອມກັນນັ້ນ ກໍ່ປັບປຸງການພົວພັນເຊື່ອມຕໍ່ຊາວການາດາກັບພາກພື້ນ. ໃນການຮ່ວມມືສາກົນ ແລະ ການຊ່ວຍເຫຼືອດ້ານມະນຸດສະທຳ, ທ່ານຖືວ່າ ຈະມີຫຼາຍໂອກາດເປີດກວ້າງການຊຸກຍູ້ການຊ່ວຍເຫຼືອສາກົນ, ການຮັບມືໄພພິບັດ ແລະ ບັນດາວິກິດການດ້ານມະນຸດສະທຳໂດຍຜ່ານຍຸດທະສາດນີ້.
ຍຸດທະສາດ ມະຫາສະໝຸດອິນເດຍ - ປາຊີຟິກ ຄາດວ່າຈະແກ່ຍາວເວລາ 10 ປີ ແລະ ໃນ 5 ປີທຳອິດ, ການາດາ ຈະໃຊ້ຈ່າຍ 2,3 ຕື້ CAD ເພື່ອຊຸກຍູ້ການປະຕິບັດ 5 ເປົ້າໝາຍຄື: ຊຸກຍູ້ສັນຕິພາບ ແລະ ຄວາມໝັ້ນຄົງ; ເປີດກ້ວາງການຄ້າ ແລະ ການລົງທຶນ; ເຊື່ອມຕໍ່ ແລະ ລົງທຶນເຂົ້າໃນມະນຸດ; ສ້າງອະນາຄົດສີຂຽວ, ຍືນຍົງ; ປັບປຸງບັນດາສາຍພົວພັນຄູ່ຮ່ວມມື.
ຕາມທ່ານນາງ Higgins ແລ້ວ, ເປົ້າໝາຍການລົງທຶນ ແລະ ເຊື່ອມຕໍ່ມະນຸດແມ່ນພາກສ່ວນສຳຄັນຂອງຍຸດທະສາດມະຫາສະໝຸດອິນເດຍ - ປາຊີຟິກ ເພາະວ່າສາມາດປະກອບສ່ວນເພີ່ມທະວີການຮ່ວມມືໃນຂົງເຂດການສຶກສາ ຄືລະຫວ່າງ ຫວຽດນາມ ແລະ ການາດາ ໃນປະຈຸບັນ. ຍຸດທະສາດດັ່ງກ່າວ ກໍ່ສາມາດປະກອບສ່ວນປັບປຸງການພົວພັນລະຫວ່າງປະຊາຄົມວິສາຫະກິດ ການາດາ ແລະ ຫວຽດນາມ ຫຼື ກໍ່ອາດຈະຊຸກຍູ້ການຮ່ວມມືດ້ານສັນຕິພາບ ແລະ ຄວາມໝັ້ນຄົງລະຫວ່າງບັນດາປະເທດໃນພາກພື້ນ. ເຖິງແມ່ນວ່າຍຸດທະສາດ ຈະມຸ່ງໄປເຖິງຫຼາຍເປົ້າຫມາຍ, ແຕ່ການເຊື່ອມຕໍ່ປະຊາຊົນອາດຖືວ່າເປັນຫຼັກແຫຼ່ງ.
ໃນຕົວຈິງ, ເປົ້າໝາຍນີ້ ພວມສວມບົດບາດແມ່ນຖານສົ່ງເພື່ອຜັນຂະຫຍາຍບັນດາຂໍ້ລິເລີ່ມຂອງ ການາດາ ເຂົ້າສູ່ພາກພື້ນເຊັ່ນ ຂໍ້ລິເລີ່ມປະຕູທາງການຄ້າຂອງ ການາດາ ຢູ່ ອາຊີຕາເວັນອອກສ່ຽງໃຕ້ ຫຼື ຂໍ້ລິເລີ່ມໃຫ້ ການາດາ ເປັນຄູ່ຮ່ວມມືຢ່າງຕັ້ງໜ້າ, ໃນນັ້ນ ໄດ້ຍອມຮັບບົດບາດໃຈກາງຂອງ ອາຊຽນ ຕໍ່ກັບພາກພື້ນນີ້.
ທ່ານຜູ້ອຳນວຍການ TB Nguyen ຂອງສະພາທຸລະກິດ ການາດາ - ອາຊຽນ ໄດ້ແບ່ງປັນກັບນັກຂ່າວສຳນັກຂ່າວສານ ຫວຽດນາມ ວ່າ ໃນຍຸດທະສາດ ມະຫາສະໝຸດອິນເດຍ - ປາຊີຟິກ, ການຄ້າ ແລະ ການລົງທຶນເຂົ້າໃນພາກພື້ນ, ພິເສດແມ່ນ ອາຊຽນ, ກໍ່ແມ່ນເປົ້າໝາຍທີ່ສຳຄັນ. ແຕ່ສິ່ງທີ່ສຳຄັນກວ່າສຳລັບນັກທຸລະກິດ ການາດາ ແມ່ນຕ້ອງເຂົ້າໃຈວັດທະນະທຳ, ປະຫວັດສາດ ແລະ ການເຊື່ອມຕໍ່ລະຫວ່າງປະຊາຊົນໃນພາກພື້ນນີ້ ເພື່ອຈາກນັ້ນກໍ່ສາມາດປັບຕົວໃຫ້ເຂົ້າກັບທ້ອງຕະຫຼາດ ແລະ ການຮ່ວມມືກັບປະຊາຄົມວິສາຫະກິດ ອາຊຽນ. ສິ່ງນີ້ ຈະນຳມາເຊິ່ງຜົນປະໂຫຍດມາໃຫ້ບັນດາວິສາຫະກິດທັງສອງຝ່າຍຂອງ ການາດາ ແລະ ອາຊຽນ.
ປະຈຸບັນ ຫວຽດນາມ ແມ່ນຄູ່ຮ່ວມມືດ້ານການຄ້າແຖວໜ້າຂອງ ການາດາ ໃນ ອາຊຽນ ແລະ ແຕ່ໃດໆມາ ຍາມໃດກໍ່ໄດ້ຮັບຖືວ່າເປັນປະຕູເພື່ອເຂົ້າສູ່ພາກພື້ນນີ້ ກ່ຽວກັບວິສາຫະກິດ ການາດາ. ສອງປະເທດ ໄດ້ສິ້ນສຸດປີທີ່ຟົດຟື້ນ ດ້ວຍບັນດາການເຄື່ອນໄຫວເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
ທ່ານຮອງລັດຖະມົນຕີ MacLennan ໃຫ້ຂໍ້ສັງເກດວ່າ ຫວຽດນາມ ແມ່ນປະເທດທີ່ມີບົດບາດສຳຄັນໃນພາກພື້ນ ແລະ ສິ່ງນີ້ ເຮັດໃຫ້ ຫວຽດນາມ ກາຍເປັນຈຸດໝາຍປາຍທາງສຳຄັນທີ່ສຸດຂອງ ການາດາ. 2 ປະເທດ ກໍ່ໄດ້ມີສາຍພົວພັນມິດຕະພາບທີ່ເປັນມູນເຊື້ອອັນດີງາມມາແຕ່ດົນນານ, ໃນນັ້ນ ຫວຽດນາມ ກໍ່ຍັງໄດ້ຮັບການໜູນຊ່ວຍພັດທະນາໃນຫຼາຍຂົງເຂດ. ແຕ່ແນວໃດກໍ່ຕາມ, ການາດາ ພວມຢາກຊອກຫາວິທີພັດທະນາກາຍເປັນການພົວພັນທີ່ເຂັ້ມແຂງ ແລະ ທັນສະໄໝກວ່າອີກໃນບັນດາຂົງເຂດ, ນັບແຕ່ຄວາມໝັ້ນຄົງ, ຄວາມປອດໄພເຖິງການປ່ຽນແປງຂອງດິນຟ້າອາກາດ, ແລະສຳຄັນທີ່ສຸດແມ່ນຊຸກຍູ້ການຄ້າທີ່ມີຄວາມເຂັ້ມແຂງແລ້ວນັ້ນ, ແຕ່ມີທ່າແຮງຫຼາຍຢ່າງໃນອະນາຄົດ.
ມິງດຶກ
