| ຄວາມສາມາດບົ່ມຊ້ອນຮ່ວມມືລະຫວ່າງຫວຽດນາມ ແລະ ຣູມານີ ຍັງມີຫຼາຍຄຳໝັ້ນສັນຍາ | |
| HUFO ສະເຫຼີມສະຫຼອງວັນຊາດຂອງສາທາລະນະລັດ ຣູມານີ ຄົບຮອບ 104 ປີ |
ໂດຍແລກປ່ຽນກັບນັກຂ່າວ, ທ່ານເອກອັກຄະລັດຖະທູດ ນາງ Cristina Romila ໄດ້ໃຫ້ຂໍ້ສັງເກດວ່າ: ການຢ້ຽມຢາມແມ່ນໂອກາດເພື່ອຊຸກຍູ້ການພົບປະສົນທະນາຂັ້ນນາຍົກລັດຖະມົນຕີລະຫວ່າງ ຣູມານີ ແລະ ຫວຽດນາມ. ການຢ້ຽມຢາມຍັງມີລັກສະນະເປັນສັນຍາລັກ, ເນັ້ນໃຫ້ເຫັນການພົບປະແລກປ່ຽນປະຊາຊົນທີ່ແໜ້ນແຟ້ນ, ໂດຍໄດ້ກາຍເປັນພື້ນຖານໃຫ້ແກ່ການພົວພັນລະຫວ່າງສອງຝ່າຍໃນຕະຫຼອດ 74 ປີຜ່ານມາ ນັບແຕ່ສອງປະເທດໄດ້ສ້າງຕັ້ງການພົວພັນທາງການທູດໃນວັນທີ 3 ກຸມພາ 1950.
“ການຢ້ຽມຢາມຂອງທ່ານນາຍົກລັດຖະມົນຕີ ຫວຽດນາມ ອາດນຳມາເຊິ່ງຄຸນຄ່າເພີ່ມທະວີໃຫ້ແກ່ບັນດາການພັດທະນາຢ່າງຕັ້ງໜ້າທີ່ພວກເຮົາໄດ້ຮັບຮູ້ໃນຊຸມປີມໍ່ໆມານີ້ ໄດ້ສະແດງມຫ້ເຫັນຜ່ານການສົນທະນາສອງຝ່າຍ, ບັນດາຂໍ້ຕົກລົງຮ່ວມມືກໍຄືໃນຂົງເຂດເສດຖະກິດ.
 |
| ທ່ານເອກອັກຄະລັດຖະທູດ ນາງ Cristina Romila |
ການຢ້ຽມຢາມຄັ້ງນີ້ຈະກາຍເປັນຂີດໝາຍທີ່ສຳຄັນໃນການພົວພັນທາງການທູດ ຫວຽດນາມ - ຣູມານີ, ເຮັດໃຫ້ການພົວພັນຮ່ວມມືລະຫວ່າງ 2 ຝ່າຍກາຍເປັນແທດຈິງ ແລະ ເລິກເຊິ່ງກ່ວາອີກ, ຊ່ວຍເພີ່ມທະວີຄວາມເຂົ້າໃຈກ່ຽວກັບບັນດາບຸລິມະສິດ ແລະ ຜົນປະໂຫຍດຂອງແຕ່ລະຝ່າຍ”, ທ່ານເອກອັກຄະລັດຖະທູດ ນາງ Cristina Romila ກ່າວ.
ທ່ານຍັງໄດ້ເນັ້ນໜັກເຖິງຄວາມໝາຍຂອງການຢ້ຽມຢາມເມື່ອທ່ານນາຍົກລັດຖະມົນຕີ ຫວຽດນາມ ໄດ້ຮຽນຈົບມະຫາວິທະຍາໄລກໍສ້າງ Bucharest ຢູ່ ຣູມານີ ແລະ ທ່ານຍັງໄດ້ເຮັດວຽກຢູ່ສະຖານທູດ ຫວຽດນາມ ປະຈຳ ຣູມານີ (1991 – 1994).
ເມື່ອທົບທວນຄືນບາງຜົນງານທີ່ພົ້ນເດັ່ນໃນການພົວພັນ ຫວຽດນາມ - ຣູມານີ, ທ່ານເອກອັກຄະລັດຖະທູດ ໃຫ້ຮູ້ວ່າ: ຣູມານີ ແມ່ນໜຶ່ງໃນບັນດາປະເທດທຳອິດທີ່ສ້າງຕັ້ງການພົວພັນກັບ ຫວຽດນາມ. ນັບແຕ່ການໄປຢ້ຽມຢາມຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ, ໃນໄລຍະ 5 ປີຜ່ານມາ ໄດ້ຢືນຢັນຄືນຄວາມມິດຕະພາບທີ່ເປັນມູນເຊື້ອລະຫວ່າງ 2 ປະເທດ ຜ່ານການຊຸກຍູ້ການສົນທະນາຂັ້ນສູງ ແລະ ການຮ່ວມມືແກ້ໄຂບັນດາສິ່ທ້າທາຍໃຫຍ່ເຊັ່ນ ໂລກລະບາດ Covid-19, ຫຼືບັນດາຄວາມພະຍາຍາມອົບພະຍົບພົນລະເມືອງ ຫວຽດນາມ ກວ່າ 1,000 ຄົນອອກຈາກບັ້ນການປະທະກັນຢູ່ ອູແກຣນ.
ການພົບປະແລກປ່ຽນປະຊາຊົນ ຍັງບັນລຸໄດ້ບາດກ້າວພັດທະນາຢ່າງຕັ້ງໜ້າ, ຊ່ວຍຊຸກຍູ້ການແລກປ່ຽນດ້ານວັດທະນະທຳ, ການສຶກສາ ແລະ ການດຳເນີນທຸລະກິດ. ຜູ້ຕາງໜ້າຂອງມະຫາວິທະຍາໄລ ຣູມານີ 30 ກວ່າແຫ່ງໄດ້ມາຢ້ຽມຢາມ ຫວຽດນາມ ໃນ 2 ປີຜ່ານມາ; ວົງດົນຕີປະສານສຽງ Bucharest ທີ່ມີຊື່ສຽງກໍ່ເຄີຍມາສະແດງຢູ່ຫວຽດນາມ ໃນປີ 2022 ແລະ 2023 ຢູ່ໂຮງລະຄອນໃຫຍ່ ຮ່າໂນ້ຍ ແລະ ດາລາດ.
ຄະນະຜູ້ແທນດ້ານເສດຖະກິດຈຳນວນຫນຶ່ງໄດ້ມາຢ້ຽມຢາມຫວຽດນາມໃນຊຸມປີທີ່ຜ່ານມາ, ຊອກຫາກາລະໂອກາດໃໝ່ເພື່ອເຮັດໃຫ້ການຮ່ວມມືດ້ານເສດຖະກິດສອງຝ່າຍເລິກເຊິ່ງ ແລະ ຫັນເປັນຫຼາຍຮູບຫຼາຍແບບກວ່າອີກ.
ໃນອາຍຸການຢູ່ ຫວຽດນາມ, ທ່ານເອກອັກຄະລັດຖະທູດ ນາງ Cristina Romila ໃຫ້ຮູ້ວ່າ ຝ່າຍ ຣູມານີ ຈະມີບັນດາບຸລິມະສິດສຳຄັນຄື: ເພີ່ມທະວີການພົບປະດ້ານການເມືອງ ແລະ ການທູດຂັ້ນສູງ, ຫັນເປັນຫຼາຍຮູບຫຼາຍແບບການແລກປ່ຽນດ້ານເສດຖະກິດ, ເພີ່ມທະວີການພົວພັນປະຊາຊົນ, ກໍ່ສ້າງບັນດາຂົວໃໝ່ໂດຍຜ່ານການຮ່ວມມືດ້ານວັດທະນະທຳ ແລະ ເພີ່ມທະວີການແລກປ່ຽນດ້ານວິຊາການ
"ສາຍພົວພັນທີ່ເປັນມູນເຊື້ອ, ຄວາມມິດຕະພາບຢ່າງແໜ້ນແຟ້ນລະຫວ່າງ 2 ປະເທດ, ພ້ອມກັບຄວາມສາມາດບົ່ມຊ້ອນຂອງລາຍການດຳເນີນງານ 2 ຝ່າຍ ໄດ້ຊ່ວຍສ້າງເງື່ອນໄຂສະດວກ ເພື່ອໃຫ້ 2 ປະເທດມຸ່ງໄປເຖິງອະນາຄົດທີ່ເຕັມໄປດ້ວຍຄວາມຫວັງທີ່ທາງໜ້າ", ທ່ານເອກອັກຄະລັດຖະທູດ ນາງ Cristina Romila ຕີລາຄາ.
ມິງດຶກ
