ຢາກໄດ້ມີແຟນເປັນຄົນລາວກໍ່ຕ້ອງຮຽນຮູ້ວິທີຕຳໝາກຫຸ່ງລົດແຊບ
ຍສໝ - ອາຫານລາວໄດ້ມີການພັດທະນາມາດົນນານ ພ້ອມກັບການຂະຫຍັບຂະຫຍາຍຂອງຊົນຊາດລາວທີ່ໄດ້ຍ້າຍໄປກໍ່ຮ່າງສ້າງໂຕໃນທ້ອງຖິ່ນຕ່າງໆ ໃນອາຊີຕາເວັນອອກສຽງໃຕ້. ຢູ່ຫວຽດນາມ, ຕຳໝາກຫຸ່ງ ກໍ່ໄດ້ຮັບຄວາມນິຍົມຫຼາຍ. ຂໍເຊີນຊວນທ່ານຜູ້ອ່ານມາເບິ່ງນໍາກັນພໍ່ຄົວຮ້ານອາຫານ Khao Lao ຢູ່ ຫຼຽວຢາຍ, ຮ່າໂນ້ຍຕຳໝາກຫຸ່ງລົດແຊບ ຕາມຮູບພາບດັ່ງຕໍ່ໄປນີ້.
ຮ້ານອາຫານ Khao Lao ຢູ່ ຫຼຽວຢາຍ, ຮ່າໂນ້ຍ. ສວ່ນປະກອບມີ: ໝາກຫຸ່ງດິບຝັກແລ້ວ, ຫົວກະລົດຝັກແລ້ວ, ໝາກຖົ່ງຍາວ, ໝາກເຂືອປ້ອມ, ໝາກເລັ່ນ, ໝາກກະຈູ້ ແລະ ໝາກເພັດດິບເເດງ, ໝາກນາວ, ໝາກກອກ, ປາເເດກ(ສຸກ ຫຼື ດິບກໍ່ໄດ້), ກະທຽມ, ນໍ້າປາ, ນໍ້າຕານ, ແປ້ງນົວ, ຫົວຜັກຫອມຈຽວ, ໝາກຖົ່ວດີນຂົ້ວສຸກ. ວິທີການເຮັດແມ່ນ: ທຳອິດແມ່ນເອົາກະທຽມ,ໝາກເພັດ,ແປ້ງນົວ,ນໍ້າຕານ ລົງຕຳໃຫ້ແຫຼກ ແລະ ເຂົ້າກັນກ່ອນ. ຈາກນັ້ນຕາມດ້ວຍ ປາແດກ ຫຼື ນໍ້າປາ ແລະບີບນໍ້າໝາກນາວລົງໄປ. ຕໍ່ໄປເອົາໝາກກອກ,ໝາກເລັ່ນ,ໝາກຖົ່ວ,ໝາກເຂືອ,ໝາກກະຈູ້ ລົງໄປແລ້ວຕຳໃຫ້ເຂົ້າກັນ ແລ້ວຊິມລົດຊາດຕາມໃຈເຮົາມັກເລີຍ. ຈາກນັ້ນກໍ່ເອົາ ໝາກຫຸ່ງ ແລະ ຫົວກະລົດທີ່ຝັກເປັນເສັ້ນແລ້ວລົງໄປ ແລ້ວຕຳໃຫ້ເຂົ້າກັນທັງໝົດ ແລ້ວຊິມລົດຊາດອີກຄັ້ງ. ສຸດທ້າຍກໍ່ຕັກອອກມາໃສ່ຈານ ແລ້ວໂຮຍໜ້າດ້ວຍ ຫົວຜັກຫອມຈຽວ ແລະ ໝາກຖົ່ວດີນຂົ້ວໃສ່ເລີຍ. ເທົ່ານີ້ກໍ່ຖືວ່າ ແລ້ວໆ ສຳລັບເມນູຕຳໝາກຫຸ່ງລົດແຊບແບບລາວໆ. ໃຜທີ່ສົນໃຈກໍ່ສາມາດໄປລອງເຮັດຕາມເບີ່ງໄດ້ ຮັບຮອງວ່າລົດແຊບເດັດຖືກໃຈແນ່ນອນ.
