 | ການາດາ ຖືຫວຽດນາມ ແມ່ນຈຸດໝາຍນຳໜ້າໃນຂົງເຂດການຄ້າສິນຄ້າ |
ນັກທຸລະກິດຊາວຫວຽດນາມຢູ່ຕ່າງປະເທດ ເປັນຜູ້ນຳໜ້າໃນການນຳເອົາຜະລິດຕະພັນ ຂອງຫວຽດນາມ ອອກໄປຕ່າງປະເທດ
ດ້ວຍທ່າແຮງທີ່ກຳໄດ້ການຕະຫຼາດ ແລະ ມີຄວາມຄຸ້ນເຄີຍກັບທ້ອງຖິ່ນ, ນັກທຸລະກິດຊາວຫວຽດນາມຢູ່ຕ່າງປະເທດ ໄດ້ສົມທົບກັບນັກທຸລະກິດພາຍໃນປະເທດ ສ້າງເປັນຕ່ອງໂສ້ການສະໜອງ ເຊິ່ງໃນນັ້ນ ພິເສດທັງສອງສົ້ນ ລ້ວນແຕ່ແມ່ນນັກທຸລະກິດຫວຽດນາມ ນຳສິນຄ້າຫວຽດນາມ ອອກໄປສູ່ຕ່າງປະເທດ.
ກ່າວຄຳເຫັນກັບນັກຂ່າວ, ທ່ານ ນາງ ວູທິຮວິ່ງມາຍ, ຫົວໜ້າ ຄະນະກຳມະການຊາວຫວຽດນາມຢູ່ຕ່າງປະເທດ ນະຄອນ ໂຮ່ຈີມິນ ໃຫ້ຮູ້ວ່າ ດ້ວຍຄວາມຮຽກຮ້ອງຕ້ອງການໃນການສືບຕໍ່ປະຕິບັດຂໍ້ຕົກລົງ ເລກທີ 1797/QD-TTg ກ່ຽວກັບການອະນຸມັດໂຄງການ “ລະດົມຊາວຫວຽດນາມອາໄສຢູ່ຕ່າງປະເທດ ເຂົ້າຮ່ວມການແນະນຳ, ຊົມໃຊ້ຜະລິດຕະພັນ ແລະ ພັດທະນາຊ່ອງທາງຈຳໜ່າຍສິນຄ້າຫວຽດນາມ ຢູ່ຕ່າງປະເທດ” ໄລຍະ 2020 – 2024, ຄະນະຊີ້ນຳຂະບວນການຂົນຂວາຍ “ຊາວຫວຽດນາມ ໃຫ້ບູລິມະສິດຊົມໃຊ້ສິນຄ້າຫວຽດນາມ”. ນະຄອນໂຮ່ຈີມິນ ໄດ້ປະກາດໃຊ້ແຜນການ ເລກທີ 449/KH-BCD ມອບໜ້າທີ່ໃຫ້ຄະນະກຳມະການຊາວຫວຽດນາມຢູ່ຕ່າງປະເທດ ນະຄອນໂຮ່ຈິມິນ ສົມທົບກັບບັນດາຫົວໜ່ວຍທີ່ກ່ຽວຂ້ອງ ຊ່ວຍເຫຼືອບັນດາວິສາຫະກິດ ຫວຽດນາມ ກຳໄດ້ຂໍ້ມູນຂ່າວສານ ແລະ ກາລະໂອກາດສົ່ງອອກໄປຍັງຕ່າງປະເທດ, ພິເສດແມ່ນບັນດາເຂດທີ່ຊາວຫວຽດນາມ ເຕົ້າໂຮມກັນຢູ່ຕ່າງປະເທດເປັນຈຳນວນຫລວງຫລາຍ.
 |
| ທ່ານນາງ ວູທິຮວິ່ງມາຍ, ປະທານ ຄະນະກຳມະການຊາວຫວຽດນາມຢູ່ຕ່າງປະເທດ ນະຄອນໂຮຈິມິນ. |
ຄະນະກໍາມະການຊາວຫວຽດນາມຢູ່ຕ່າງປະເທດ ນະຄອນໂຮ່ຈິມິນ ໄດ້ສົມທົບກັບພະແນກອຸດສາຫະກຳ ແລະ ການຄ້ານະຄອນ, ສູນສົ່ງເສີມການຄ້ານະຄອນ ແລະ ກົມທ່ອງທ່ຽວນະຄອນ ເພື່ອເຊື່ອມຕໍ່ບັນດາວິສາຫະກິດນະຄອນໂຮ່ຈີມິນ ກັບບັນດາສະມາຄົມ, ກຸ່ມນັກທຸລະກິດຊາວຫວຽດນາມຢູ່ບັນດາປະເທດໃນໂລກ ຈັດຕັ້ງການໂຄສະນາ, ແນະນຳສິນຄ້າຫວຽດນາມ ຢູ່ຕະຫຼາດປະເທດເຈົ້າພາບ; ແຈ້ງຂໍ້ມູນສອງສົ້ນກ່ຽວກັບຄວາມອາດສາມາດດ້ານການຜະລິດ, ດຳເນີນທຸລະກິດ ແລະ ຕອບສະໜອງຄວາມຕ້ອງການສົ່ງອອກຂອງບັນດາວິສາຫະກິດພາຍໃນປະເທດ, ເໝາະສົມກັບແຕ່ລະເຂດໃຫ້ແກ່ປະຊາຄົມຊາວຫວຽດນາມຢູ່ຕ່າງປະເທດ; ກໍ່ສ້າງໂປຼແກຼມການຄ້າເອເລັກໂຕນຶກ ເພື່ອເຊື່ອມຕໍ່ຜູ້ສະໜອງໂດຍກົງຈາກຫວຽດນາມ ໄປຫາຕົວແທນຈຳໜ່າຍຄ້າຂາຍ ແລະ ຜູ້ຊື້ສິນຄ້າໃນປະເທດເຈົ້າພາບ ໂດຍຜ່ານລະບົບສາງສິນຄ້າຢູ່ປະເທດເຈົ້າພາບ...
 |
| ການເຂົ້າຮ່ວມບັນດາຕະຫຼາດນັດຢູ່ຕ່າງປະເທດ ໄດ້ຊ່ວຍໃຫ້ສິນຄ້າຫວຽດນາມ ອອກໄປສູ່ທົ່ວໂລກ. |
ທ່ານນາງ ມາຍ ຍັງກ່າວຕື່ມວ່າ ໃນການກຳນົດທິດການປະຕິບັດວຽກງານພັດທະນາຕ່ອງໂສ້ການສະໜອງການຄ້າ, ການສົ່ງອອກ ແລະ ບໍລິໂພກສິນຄ້າຈາກນະຄອນ ໄດ້ເພີ່ມມູນຄ່າການສົ່ງອອກ, ເຮັດໃຫ້ຕະຫຼາດມີຄວາມຫຼາກຫຼາຍ ແລະ ປະສົບຜົນສຳເລັດ, ນະຄອນຈະສຸມໃສ່ປັບປຸງຄຸນນະພາບຂໍ້ມູນຂ່າວສານ ແລະ ບັນດາການໂຄສະນາບັນດາຜະລິດຕະພັນ ແລະ ສິນຄ້າຫວຽດນາມ ຕິດພັນກັບຂະບວນການ “ຊາວຫວຽດນາມ ບູລິມະສິດນຳໃຊ້ສິນຄ້າຫວຽດນາມ” ມຸ່ງໄປສູ່ຊາວຫວຽດນາມຢູ່ຕ່າງປະເທດ ເພື່ອໃຫ້ເຂົາເຈົ້າມີຄວາມເຂົ້າໃຈຕື່ມອີກເຖິງຄຸນນະພາບຂອງສິນຄ້າ ຫວຽດນາມ, ກ່ຽວກັບບັນດາຜະລິດຕະພັນຂອງຫວຽດນາມ ທີ່ມີຄຸນນະພາບດີ, ບັນດາຜະລິດຕະພັນຂອງວິສາຫະກິດນະຄອນ ທີ່ມີກຳລັງບົ່ມຊ້ອນໃນການສົ່ງອອກ ແລະ ມີເຄື່ອງຫມາຍການຄ້າທີ່ເປັນໜ້າເຊື່ອຖື ເພື່ອແນະນໍາ ແລະ ໂຄສະນາໃຫ້ຜູ້ຊົມໃຊ້ໃນປະເທດເຈົ້າພາບ.
ພ້ອມນັ້ນ ກໍ່ໄດ້ຍູ້ແຮງການເຄື່ອນໄຫວສົ່ງເສີມການຄ້າ, ເຊື່ອມຕໍ່ບັນດາວິສາຫະກິດນະຄອນ ກັບບັນດາວິສາຫະກິດຫວຽດນາມ ຢູ່ຕ່າງປະເທດ ໂດຍຜ່ານບັນດາລສາຍການສົ່ງເສີມການຄ້າ ຄື: ລາຍການສັບປະດາສິນຄ້າ ບໍລິໂພກຢູ່ ຫວຽດນາມ ຢູ່ລະບົບຮ້ານສັບພະສິນຄ້າໃຫຍ່ ຂອງບັນດາກຸ່ມບໍລິສັດນາໆຊາດທີ່ພວມດຳເນີນທຸລະກິດປະສົບຜົນສຳເລັດຢູ່ຫວຽດນາມ ຫລື ຂອງບັນດານັກທຸລະກິດ ແລະ ວິສາຫະກິດຊາວຫວຽດນາມຢູ່ຕ່າງປະເທດ ຢູ່ໃນບັນດາຕະຫຼາດທີ່ມີປະຊາກອນຊາວຫວຽດນາມ ເປັນຈຳນວນຫຼວງຫຼາຍ ຄື: ອາເມລິກາ, ອົດສະຕາລີ, ເອີລົບ, ອາຊີຕາເວັນອອກສ່ຽງເໜືອ ແລະ ອາຊຽນ; ຈັດຕັ້ງຄະນະວິສາຫະກິດນະຄອນ ເຂົ້າຮ່ວມຊາຍຄາລວມ ນະຄອນ ໂຮ່ຈີມິນ ວາງສະແດງສິນຄ້າສົ່ງອອກຢູ່ງານຕະຫລາດນັດ ແລະ ງານວາງສະແດງສິນຄ້າສາກົນ ສາຂາອາຊີບ ທີ່ມີຂອບຂະໜາດໃຫຍ່; ຈັດຕັ້ງການເຄື່ອນໄຫວເຊື່ອມຕໍ່ການຄ້າ (B2B) ລະຫວ່າງ ວິສາຫະກິດນະຄອນ ກັບບັນດານັກທຸລະກິດ ແລະ ວິສາຫະກິດຫວຽດນາມ ຢູ່ຕ່າງປະເທດ, ສຸມໃສ່ກຸ່ມຜະລິດຕະພັນສົ່ງອອກຫຼັກແຫຼ່ງຂອງນະຄອນ ຕິດພັນກັບໂຄງການຈຸດສຸມພັດທະນາວິສາຫະກິດ, start up ແລະ ພັດທະນາຜະລິດຕະພັນຫຼັກຂອງນະຄອນໂຮ່ຈິມິນ ຕາມມະຕິກອງປະຊຸມໃຫຍ່ຄັ້ງທີ 11 ຂອງພັກ ນະຄອນໂຮ່ຈິມິນ ອາຍຸການ 2020-2025.
 |
ຍົກສູງປະສິດທິຜົນການສົມທົບກັບບັນດາຄະນະສະມາຄົມ, ສະມາຄົມສິສາຫະກິດ, ນັກຊ່ຽວຊານ, ປັນຍາຊົນຊາວຫວຽດນາມຢູ່ຕ່າງປະເທດ ເພື່ອລະດົມບັນດານັກທຸລະກິດ ແລະ ວິສາຫະກິດຊາວຫວຽດນາມຢູ່ຕ່າງປະເທດ ເປັນຈຸດເຊື່ອມຕໍ່ເພື່ອນຳເຂົ້າສິນຄ້າຫວຽດນາມ ໂດຍກົງ ຫຼື ເຂົ້າຮ່ວມເປັນຕົວແທນ ຫຼື ຜູ້ຕາງໜ້າໃຫ້ແກ່ສິນຄ້າຫວຽດນາມຢູ່ຕ່າງປະເທດ ຢູ່ປະເທດເຈົ້າພາບ; ລະດົມບັນດານັກທຸລະກິດ ແລະ ວິສາຫະກິດຊາວຫວຽດນາມຢູ່ຕ່າງປະເທດ ໜູນຊ່ວຍບັນດາພື້ນທີ່ວາງສະແດງ ແລະ ແນະນຳບັນດາຜະລິດຕະພັນ ຫວຽດນາມ ຢູ່ບັນດາວິສາຫະກິດຂອງປະຊາຄົມຊາວຫວຽດນາມຢູ່ຕ່າງປະເທດ; ລະດົມບັນດານັກຊ່ຽວຊານ, ປັນຍາຊົນ ແລະ ນັກທຸລະກິດຫວຽດນາມຢູ່ຕ່າງປະເທດ ໜູນຊ່ວຍໃນການຖ່າຍທອດວິທະຍາສາດ, ເຕັກໂນໂລຊີທີ່ກ້າວໜ້າ ແລະ ບັນດາມາດຕະການຫັນເປັນດີຈີຕອນ ເພື່ອນຳໃຊ້ເຂົ້າໃນຂະບວນການຜະລິດ, ດຳເນີນທຸລະກິດ ແລະ ວຽກງານການບໍລິຫານວິສາຫະກິດ, ໜູນຊ່ວຍບັນດາວິສາຫະກິດນະຄອນ ຍົກສູງກຳລັງການຜະລິດ, ຄຸນນະພາບຜະລິດຕະພັນ, ຄວາມສາມາດແກ່ງແຍ້ງ ແລະ ສ້າງຊື່ສຽງໃຫ້ບັນດາຜະລິດຕະພັນຂອງຫວຽດນາມ. ເຄື່ອງໝາຍການຄ້າຫວຽດນາມ ທີ່ມີຄວາມເຊື່ອຖືໃນຕະຫຼາດຕ່າງປະເທດ.
ຊ ສະຫວັດ
