ສື່ມວນຊົນສອງປະເທດຫວຽດນາມ-ລາວ ເພີ່ມທະວີການຮ່ວມມື

	ສະພາຜູ້ແທນປະຊາຊົນ ນະຄອນຫຼວງຮ່າໂນ້ຍ ແລະ ນະຄອນຫຼວງວຽງຈັນ ລາວ ເພີ່ມທະວີການຮ່ວມມື
	ຫວຽດນາມ - ລາວ ເພີ່ມທະວີການຮ່ວມມື ດ້ານການຄ້າ ແລະ ອຸດສາຫະກຳ ຢ່າງແໜ້ນແຟ້ນ

ວັນທີ 25 ທັນວາ, ຢູ່ນະຄອນຫຼວງວຽງຈັນ, ສະຫາຍ ດິງຍືຮວານ, ຮອງຫົວໜ້າບັນນາທິການ ໄດ້ນຳໜ້າຄະນະຜູ້ແທນໜັງສືພິມເຍິນເຢິນ (ປະຊາຊົນ) ຂອງຫວຽດນາມ ເຂົ້າຢ້ຽມຂ່ຳນັບສະຫາຍ ຄຳພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກປະຊາຊົນປະຕິວັດລາວ.

ທີ່ການຕ້ອນຮັບ, ສະຫາຍ ຄຳພັນ ເຜີຍຍະວົງ ຮຽກຮ້ອງໃຫ້ໜັງສືພິມເຍິນເຢິນ ສືບຕໍ່ໜູນຊ່ວຍ ແລະຊ່ວຍເຫຼືອໜັງສືພິມປະຊາຊົນຂອງລາວ ໃນໄລຍະຈະມາເຖິງ, ໂດຍສະເພາະແມ່ນຫັນເວັບໄຊຂອງໜັງສືພິມປະຊາຊົນ ເປັນທັນສະໄໝໂດຍໄວ, ເພື່ອແນໃສ່ເພີ່ມທະວີປະສິດທິຜົນການໂຄສະນາເຜີຍແຜ່ ແລະຕອບສະໜອງຄວາມຮຽກຮ້ອງຕ້ອງການໃນໄລຍະໃໝ່.

ສະຫາຍ ດິງຍືຮວານ ເຂົ້າຢ້ຽມຂ່ຳນັບສະຫາຍ ຄຳພັນ ເຜີຍຍະວົງ. ພາບ: nhandan.vn

ສະຫາຍ ດິງຍືຮວານ ໃຫ້ຮູ້ວ່າ ໜັງສືພິມເຍິນເຢິນ ໃຫ້ຄຳໝັ້ນສັນຍາຈະແບ່ງປັນປະສົບການຂອງຕົນໃນການຫັນປ່ຽນດີຈີຕອນຢ່າງແຮງໃນ 2 ປີຜ່ານມາ ເພື່ອຊ່ວຍໃຫ້ໜັງສືພິມປະຊາຊົນຂອງລາວ ຍົກລະດັບລະບົບໜັງສືພິມເອເລັກໂຕນິກ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນທ່າອ່ຽງໃໝ່.

ຕອນເຊົ້າວັນດຽວກັນ, ຢູ່ສຳນັກງານໃຫຍ່ຂອງໜັງສືພິມປະຊາຊົນ ທີ່ນະຄອນຫຼວງວຽງຈັນ ໄດ້ດຳເນີນການພົບປະສອງຝ່າຍລະຫວ່າງຄະນະຜູ້ແທນໜັງສືພິມເຍິນເຢິນ ນຳໂດຍສະຫາຍ ດິງຍືຮວານ, ຮອງຫົວໜ້າບັນນາທິການ ແລະຄະນະຜູ້ແທນໜັງສືພິມປະຊາຊົນຂອງລາວ ນຳໂດຍສະຫາຍ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ, ຫົວໜ້າບັນນາທິການໜັງສືພິມປະຊາຊົນ.

ທີ່ການພົບປະ, 2 ຝ່າຍໄດ້ແລກປ່ຽນໂດຍຫຍໍ້ກ່ຽວກັບສະພາບການເຄື່ອນໄຫວຂອງແຕ່ລະຝ່າຍ ແລະຕີລາຄາໝາກຜົນການຮ່ວມມືໃນໄລຍະຜ່ານມາ; ເນັ້ນໜັກວ່າ, ຫວ່າງມໍ່ໆມານີ້, ສອງຝ່າຍໄດ້ເພີ່ມທະວີການຮ່ວມມືນັບມື້ນັບແໜ້ນແຟ້ນ, ພິເສດແມ່ນໃນໂຄງການຍົກລະດັບເວັບໄຊຂອງໜັງສືພິມປະຊາຊົນ, ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນໄລຍະໃໝ່.

ສອງຝ່າຍລົງນາມໃນບົດບັນທຶກຊ່ວຍຈຳ. ພາບ: nhandan.vn

ທີ່ການພົບປະ, ສອງຝ່າຍໄດ້ແລກປ່ຽນກ່ຽວກັບຄວາມຄືບໜ້າ ແລະແຜນການປະຕິບັດໂຄງການຍົກລະດັບເວັບໄຊຂອງໜັງສືພິມປະຊາຊົນ, ຫວັງວ່າ ພາຍຫຼັງການຍົກລະດັບໄດ້ນຳເຂົ້ານຳໃຊ້ແລ້ວ ຈະກາຍເປັນໜຶ່ງໃນບັນດາເວັບໄຊໜັງສືພິມເອເລັກໂຕນິກທີ່ມີຄວາມທັນສະໄໝທີ່ສຸດຢູ່ປະເທດລາວ. ເນື່ອງໃນໂອກາດນີ້, ສອງຝ່າຍກໍ່ໄດ້ລົງນາມໃນບົດບັນທຶກຊ່ວຍຈຳ.