ຕອນເຊົ້າວັນທີ 25 ທັນວາ, ກອງປະຊຸມການນຳພຸດທະສາສະໜາ 3 ປະເທດ ຫວຽດນາມ-ລາວ-ກຳປູເຈຍ ໄດ້ຈັດຂຶ້ນຢູ່ສະຖາບັນພຸດທະສາສະໜາຫວຽດນາມ ທີ່ນະຄອນໂຮ່ຈີມິນ.
ທີ່ກອງປະຊຸມ, ບັນດາຜູ້ແທນ, ຄະນະພະສົງ, ນັກຮຽນຮູ້, ນັກບວດຂອງສາມປະເທດ ຫວຽດນາມ - ລາວ - ກຳປູເຈຍ ໄດ້ແລກປ່ຽນ, ປຶກສາຫາລື ແລະ ຍົກໃຫ້ເຫັນບົດບາດຂອງພຸດທະສາສະໜາໃນການຊຸກຍູ້ສັນຕິພາບ, ຄວາມຖືກຕ້ອງປອງດອງ ແລະການປົກປັກຮັກສາສິ່ງແວດລ້ອມໃນພາກພື້ນ; ໂດຍໄດ້ເນັ້ນໜັກເຖິງຄຳໝັ້ນສັນຍາຂອງສາມປະເທດໃນເລື່ອງພ້ອມກັນຊຸກຍູ້ການນຳໃຊ້ຫຼັກຄຳສອນທາງພຸດທະສາສະໜາ ເພື່ອການພັດທະນາຂອງສັງຄົມ ແລະ ໂລກ.
 |
| ບັນຍາກາດທີ່ກອງປະຊຸມ. ພາບ: hanoimoi.vn |
ບັນດາຜູ້ແທນກໍ່ໄດ້ປຶກສາຫາລື ເພື່ອເສີມຂະຫຍາຍບັນດາຄຸນຄ່າລວມ; ພ້ອມກັນປະຕິບັດຂໍ້ລິເລີ່ມທີ່ສອດຄ່ອງກັບຫຼັກການທາງພຸດທະສາສະໜາ ເຊັ່ນ: ຄວາມເມດຕາ, ບໍ່ໃຊ້ຄວາມຮຸນແຮງ ແລະການຄຸ້ມຄອງສິ່ງແວດລ້ອມ, ບໍ່ຈໍາແນກການປະພຶດ, ຍົກອອກເສັ້ນທາງເພື່ອມຸ່ງໄປເຖິງການຮັດແຄບຊ່ອງຫວ່າງການແບ່ງແຍກ ແລະການຊຸກຍູ້ຄວາມຖືກຕ້ອງປອງດອງ, ສ່ອງແສງໃຫ້ເຫັນບັນດາຄຸນຄ່າທີ່ສໍາຄັນ ຕໍ່ກັບສັງຄົມທີ່ວັດທະນາຖາວອນ ແລະເຊື່ອມໂຍງ.
ກອງປະຊຸມດຳເນີນຮອດວັນທີ 27 ທັນວາ ຢູ່ນະຄອນ ໂຮ່ຈີມິນ ແລະນະຄອນ ດ່າລາດ (ແຂວງ ເລິມດົ່ງ) ແລະສິ້ນສຸດລົງດ້ວຍພິທີສວດມົນພາວະນາຂໍໃຫ້ໂລກມີສັນຕິພາບ.
ບູນມີ
