ແຂວງດ້ຽນບຽນ: ເພີ່ມທະວີການຮ່ວມມືດ້ານການສຶກສາ, ກໍ່ສ້າງລະຫວ່າງກັບລາວ

	ນັກສຶກສາລາວ 75 ຄົນ ມາຮໍ່າຮຽນ ຢູ່ ແຂວງດ້ຽນບຽນ ສສ.ຫວຽດນາມ
	ແລກປ່ຽນປະສົບການເຄື່ອນໄຫວຄະນະກຳມະການປົກຄອງລະຫວ່າງ ແຂວງດ້ຽນບຽນ ແລະ ແຂວງຜົ່ງສາລີ (ລາວ).

ຕອນບ່າຍວັນທີ 19 ທັນວາ, ພະແນກສຶກສາ ແລະກໍ່ສ້າງແຂວງດ້ຽນບຽນ ສສ.ຫວຽດນາມ ໄດ້ເຮັດວຽກກັບຄະນະປະຕິບັດງານຂອງພະແນກສຶກສາທິການ ແລະກິລາ ແຂວງຫຼວງພະບາງ, ລາວ.

ບັນຍາກາດທີ່ການເຮັດວຽກ. ພາບ: qdnd.vn

ທີ່ການເຮັດວຽກ, ສອງຝ່າຍໄດ້ພ້ອມກັນປຶກສາຫາລືກ່ຽວກັບວຽກງານບໍາລຸງ-ກໍ່ສ້າງ, ຖອດຖອນບົດຮຽນ, ວຽກງານສົມທົບກັນໃນການຄຸ້ມຄອງພະນັກງານ, ນັກສຶກສາແຂວງຫຼວງພະບາງ ຕາມແຜນການຮ່ວມມືບຳລຸງ-ກໍ່ສ້າງລະຫວ່າງແຂວງດ້ຽນບຽນ ກັບບັນດາແຂວງພາກເໜືອລາວ ໄລຍະ 2021-2025, ກໍານົດທິດຮອດປີ 2030.

ຕາມທ່ານ ຫງວຽນວັນດວາດ ຫົວໜ້າພະແນກສຶກສາ ແລະກໍ່ສ້າງ ແຂວງດ້ຽນບຽນ ແລ້ວ, ໃນໄລຍະ 2016-2020, ແຂວງດ້ຽນບຽນ ໄດ້ຊ່ວຍບຳລຸງ-ກໍ່ສ້າງນັກສຶກສາແຂວງຫຼວງພະບາງ 185 ຄົນ. ໃນໄລຍະ 2021-2025, ປະຈຸບັນມີນັກສຶກສາແຂວງຫຼວງພະບາງ 34 ຄົນ ກຳລັງບໍາລຸງ-ກໍ່ສ້າງຕາມແຜນການຮ່ວມມື.

ທ່ານ ວົງເພັດ ອຸດົມລິດ ຫົວໜ້າພະແນກສຶກສາທິການ ແລະກິລາ ແຂວງຫຼວງພະບາງ ຫວັງວ່າຈະໄດ້ຮຽນຮູ້ປະສົບການຫຼາຍຢ່າງໃນການຄຸ້ມຄອງ, ການເຄື່ອນໄຫວດ້ານການສຶກສາຢູ່ແຂວງດ້ຽນບຽນ. ພິເສດ, ຄາດວ່າ ໃນໄລຍະຈະມາເຖິງ ແຂວງຫຼວງພະບາງ ຈະສ້າງຕັ້ງຮາກຖານການສຶກສາ, ຫ້ອງການສຶກສາຢູ່ຂັ້ນເທດສະບານເມືອງ ແລະອາດຈະສົ່ງພະນັກງານຂະແໜງທີ່ຮັບຜິດຊອບໄປສຶກສາຮຽນຮູ້ຕົວຈິງຢູ່ແຂວງດ້ຽນບຽນ ກ່ຽວກັບໂຄງຮ່າງການຈັດຕັ້ງ, ການຄຸ້ມຄອງ, ການເຄື່ອນໄຫວຕ່າງໆ...

ສິ້ນສຸດການເຮັດວຽກ, ການນຳຂອງສອງພະແນກໄດ້ພ້ອມກັນລົງນາມໃນບົດບັນທຶກຊ່ວຍຈໍາ, ໃນນັ້ນແມ່ນສືບຕໍ່ຮ່ວມມືໃນຂົງເຂດການສຶກສາ, ບຳລຸງສ້າງຕາມແຜນການຮ່ວມມືດ້ານການສຶກສາລະຫວ່າງແຂວງດ້ຽນບຽນ ກັບບັນດາແຂວງພາກເໜືອລາວ ໄລຍະ 2021-2025 ກໍານົດທິດຮອດປີ 2030 ທີ່ແຂວງດ້ຽນບຽນ ໄດ້ອະນຸມັດ.

ບູນມີ