| ເຊິນລາ ມອບເຄື່ອງຊ່ວຍຫາຍໃຈ 18 ໜ່ວຍ ແລະວັດຖຸອຸປະກອນການແພດຫຼາຍຢ່າງໃຫ້ 9 ແຂວງຂອງປະເທດລາວ | |
| ແຂວງສາລະວັນ - ກວາງຈິ ສສ ຫວຽດນາມ ຮັດແໜ້ນການພົວພັນຮ່ວມມືຮອບດ້ານ |
ວັນທີ 18 ທັນວາ, ທີ່ນະຄອນດົງຮ່າ ໄດ້ດໍາເນີນການພົບປະເຈລະຈາຕີລາຄາໝາກຜົນການຮ່ວມມືໄລຍະ 2022-2023 ແລະລົງນາມໃນບົດບັນທຶກຊ່ວຍຈຳການຮ່ວມມືໄລຍະ 2023-2024 ລະຫວ່າງກອງບັນຊາການຕໍາຫຼວດແຂວງກວາງຈິ ແລະກອງບັນຊາການປ້ອງກັນຄວາມສະຫງົບບັນດາແຂວງ: ສາລະວັນ, ສະຫວັນນະເຂດ, ຈໍາປາສັກ (ລາວ).
 |
| ການນໍາກອງບັນຊາການຕໍາຫຼວດແຂວງກວາງຈິ ແລະກອງບັນຊາການປ້ອງກັນຄວາມສະຫງົບ 3 ແຂວງ ສາລະວັນ, ສະຫວັນນະເຂດ, ຈໍາປາສັກ ລົງນາມໃນບົດບັນທຶກຊ່ວຍຈຳການຮ່ວມມືໄລຍະ 2023-2024. ພາບ: cand.com.vn |
ໃນໄລຍະ 2022-2023, ກອງບັນຊາການຕໍາຫຼວດແຂວງກວາງຈິ ແລະກອງບັນຊາການປ້ອງກັນຄວາມສະຫງົບ 3 ແຂວງ ສາລະວັນ, ສະຫວັນນະເຂດ, ຈໍາປາສັກ ໄດ້ຈັດຕັ້ງກອງປະຊຸມແລກປ່ຽນວຽກງານຮ່ວມມືປະຈໍາປີ ແລະຈັດຕັ້ງການຝຶກອົບຮົມວິຊາສະເພາະ ເພື່ອແລກປ່ຽນຂໍ້ມູນຂ່າວສານ, ສະພາບການກ່ຽວກັບຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ຖອດຖອນບົດຮຽນ ແລະພິຈາລະນາມາດຕະການຍົກສູງປະສິດທິຜົນການປະສານສົມທົບກັນໃນວຽກງານຕໍ່ສູ້, ສະກັດກັ້ນ ແລະຕ້ານອາດຊະຍາກໍາ ເວົ້າລວມ, ເຂດຊາຍແດນ ເວົ້າສະເພາະ.
ສອງຝ່າຍໄດ້ສົມທົບກັນສະກັດກັ້ນ, ຈໍາກັດການເຄື່ອນໄຫວເຜີຍແຜ່ສາສະໜາທີ່ຜິດກົດໝາຍຢູ່ບໍລິເວນຕິດກັບຊາຍແດນ; ເປັນເຈົ້າການສົມທົບກັນຜັນຂະຫຍາຍວຽກງານສືບສວນຄະດີທີ່ສັບສົນກ່ຽວກັບຢາເສບຕິດ, ການເຂົ້າ-ອອກເມືອງຢ່າງຜິດກົດໝາຍ, ການຂີ້ລັກ, ລັກຊັບສິນ, ການຄ້າເຖື່ອນ, ການຂົນສົ່ງສິນຄ້າເກືອດຫ້າມ,... ສົມທົບກັນຮັບປະກັນຄວາມໝັ້ນຄົງ, ຄວາມປອດໄພໃຫ້ຄະນະສໍາຫຼວດສອງຝ່າຍຫວຽດນາມ-ລາວ ກ່ຽວກັບເນື້ອໃນຊອກຫາມາດຕະການສ້າງເງື່ອນໄຂສະດວກໃຫ້ການຂົນສົ່ງຖ່ານຫີນຈາກລາວ ເຂົ້າຫວຽດນາມ...
ບົນພື້ນຖານໝາກຜົນທີ່ບັນລຸໄດ້, ກອງບັນຊາການຕໍາຫຼວດຫວຽດນາມ ແລະກອງບັນຊາການປ້ອງກັນຄວາມສະຫງົບບັນດາແຂວງ ສາລະວັນ-ສະຫວັນນະເຂດ-ຈໍາປາສັກ ໄດ້ລົງນາມໃນບົດບັນທຶກຊ່ວຍຈໍາການຮ່ວມມື ໄລຍະ 2023-2024.
ຕາມນັ້ນແລ້ວ, ສອງຝ່າຍສືບຕໍ່ເພີ່ມທະວີການສົມທົບກັນໃນວຽກງານປົກປັກຮັກສາ ແລະຄຸ້ມຄອງຄວາມໝັ້ນຄົງຢູ່ເຂດຊາຍແດນ, ເປັນເຈົ້າການກໍາແໜ້ນສະພາບການ ແລະແຈ້ງໃຫ້ກັນຊາບກ່ຽວກັບກົນອຸບາຍ, ເລ່ກົນ, ວິທີການເຄື່ອນໄຫວຂອງອາດຊະຍາກໍາ.
ໂຄສະນາສຶກສາໃຫ້ພົນລະເມືອງສອງປະເທດ, ພິເສດແມ່ນປະຊາຊົນຢູ່ເຂດຕິດກັບຊາຍແດນເຄົາລົບກົດໝາຍ ແລະຮີດຄອງປະເພນີຂອງແຕ່ລະປະເທດ; ສືບຕໍ່ເປັນເສນາທິການໃຫ້ອໍານາດການປົກຄອງທຸກຂັ້ນກ່ຽວກັບແຜນນະໂຍບາຍ, ນະໂຍບາຍຂອງແຕ່ລະປະເທດ, ສ້າງເງື່ອນໄຂສະດວກໃຫ້ປະຊາຊົນສອງປະເທດພັດທະນາເສດຖະກິດ ແລະຮັບປະກັນສະພາບຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ເຂດຕິດກັບຊາຍແດນໃຫ້ເປັນຢ່າງດີ.
ບູນມີ
