| ເຊື່ອມຕໍ່ກາລະໂອກາດພັດທະນາເສດຖະກິດ, ການຄ້າ, ການລົງທຶນລະຫວ່າງ ຫວຽດນາມ ແລະ ບຣາຊິນ | |
| ແຂວງກວາງບິ່ງ ແລະ ສະຫວັນນະເຂດ (ລາວ) ແລກປ່ຽນປະສົບການ ກ່ຽວກັບການລຶບລ້າງຄວາມອຶດຫິວ ແລະ ຫຼຸດຜ່ອນຄວາມທຸກຍາກ |
ເປັນຫຍັງທ່ານຈຶ່ງເລືອກທີ່ຈະມາຢ້ຽມຢາມຫວຽດນາມ ໃນຖານະເປັນຜູ້ລາຍງານພິເສດຂອງສະຫະປະຊາຊາດ (ສປຊ) ກ່ຽວກັບສິດທິການພັດທະນາ?
ບັນດາຜູ້ລາຍງານພິເສດຂອງສະຫະປະຊາຊາດ ພິຈາລະນາປັດໃຈຈໍານວນຫນຶ່ງ ເພື່ອຕັດສິນໃຈວ່າຄວນໄປຢ້ຽມຢາມປະເທດໃດໃນລະຫວ່າງການຢ້ຽມຢາມຢ່າງເປັນທາງການປະຈຳປີ. ຂ້າພະເຈົ້າເລືອກຫວຽດນາມ, ເມື່ອຊັ່ງຊາຖີ່ຖ້ວນປັດໄຈຈໍານວນຫນຶ່ງ, ເພາະການຢ້ຽມຢາມ ຫວຽດນາມ ສາມາດນຳມາກາລະໂອກາດເພື່ອຕີລາຄາຄວາມກ້າວໜ້າທັງໝົດໃນການຜັນຂະຫຍາຍສິດພັດທະນາ ແລະ ສິ່ງທ້າທາຍພວມດຳເນີນໃນການຮັບປະກັນການພັດທະນາຢ່າງຮອບດ້ານ ແລະ ຍືນຍົງ.
ທ່ານມີຄວາມປະທັບໃຈແນວໃດໃນການຢ້ຽມຢາມຫວຽດນາມ?
ຫວຽດນາມ ໄດ້ບັນລຸລະດັບຄວາມຄືບໜ້າຢ່າງປະທັບໃຈໃນການພັດທະນາເສດຖະກິດ ແລະ ຫຼຸດຜ່ອນຄວາມທຸກຍາກ. ຫວຽດນາມ ກໍ່ໄດ້ປະຕິບັດຫຼາຍມາດຕະການເພື່ອຊຸກຍູ້ຄຸນນະພາບບົດບາດຍິງຊາຍ ແລະ ປະສົມປະສານບັນດາສິດແຮງງານ ຫຼື ຂໍ້ກຳນົດຄວາມໝັ້ນຄົງໃນສັນຍາການຄ້າ.
 |
ທ່ານ Surya Deva ຜູ້ລາຍງານພິເສດຂອງສະຫະປະຊາຊາດກ່ຽວກັບສິດທິການພັດທະນາ |
ແຕ່ແນວໃດກໍ່ຕາມ, ລັດຖະບານຕ້ອງເຮັດຢ່າງຕັ້ງໜ້າກວ່າອີກເພື່ອສ້າງສະພາບແວດລ້ອມທີ່ສະດວກໃຫ້ແກ່ການເຂົ້າຮ່ວມຢ່າງຕັ້ງໜ້າ ແລະ ມີຄວາມໝາຍໃນຂະບວນວິວັດການຕັດສິນໃຈທຸກຂັ້ນ. ນອກນີ້, ຕ້ອງມີບັນດາບຸກບືນໃຫຍ່ກ່ວາອີກເພື່ອຮັບປະກັນໃຫ້ບັນດາກຸ່ມຄົນດ້ອຍໂອກາດ ຫຼື ເສຍຫາຍງ່າຍເຊັ່ນ ຊົນເຜົ່າສ່ວນໜ້ອຍ ແລະ ຄົນພິການບໍ່ຖືກປະຖິ້ມໄວ້ທາງຫລັງໃນການປະຕິບັດເປົ້າໝາຍການພັດທະນາແບບຍືນຍົງທັງໝົດ.
ໃດ້ຮູ້ວ່າ ທ່ານມີຄວາມສົນໃຈຫຼາຍຕໍ່ບົດບາດຂອງວິສາຫະກິດທີ່ມີຕໍ່ການຮັບປະກັນສິດທິມະນຸດ. ໃນການຢ້ຽມຢາມຄັ້ງນີ້, ທ່ານໄດ້ມີໂອກາດຫລາຍຢ່າງເພື່ອເຮັດວຽກກັບບັນດາປະຊາຄົມວິສາຫະກິດ ແລະ ຢ້ຽມຢາມວິສາຫະກິດໃນຂົງເຂດຕ່າງໆ. ທ່ານສາມາດແບ່ງປັນຄຳເຫັນ ແລະ ຄຳຕັ້ງຂໍ້ສະເໜີຂອງທ່ານກັບເຂົາເຈົ້າໄດ້ບໍ?
ບັນດາວິສາຫະກິດມີບົດບາດສໍາຄັນໃນການປະຕິບັດສິດທິພັດທະນາ. ຂ້າພະເຈົ້າໄດ້ມີໂອກາດໄປຢ້ຽມຢາມ ແລະ ພົບປະກັບຜູ້ຕາງໜ້າຂອງຫລາຍບໍລິສັດທີ່ດຳເນີນທຸລະກິດໃນຂົງເຂດຕ່າງໆ. ສິ່ງທີ່ຂ້າພະເຈົ້າພົບເຫັນທີ່ຫນ້າສົນໃຈແມ່ນວ່າບໍລິສັດທີ່ຂ້າພະເຈົ້າໄປຢ້ຽມຢາມໄດ້ປະສົມປະສານບັນດາເຕັກໂນໂລຢີ ແລະ ດັດແປງໃໝ່ທີ່ສຸດເຂົ້າໃນການດໍາເນີນງານຂອງພວກເຂົາ,
ແຕ່ແນວໃດກໍ່ຕາມ, ຜູ້ຕາງໜ້າບັນດາບໍລິສັດຕ້ອງມີຄວາມຕັ້ງໜ້າກວ່າອີກໃນການຕອບສະໜອງບັນດາມາດຕະຖານສາກົນທີ່ກ່ຽວຂ້ອງ ເຖິງກິລິຍາລະກິດທີ່ມີຄວາມຮັບຜິດຊອບພ້ອມທັງນະໂຍບາຍ ແລະ ລະບຽບການ ເພື່ອແກ້ໄຂບັນຫາກຸກວນຄວາມຕັນຫາທາງເພດຕັນຫາຢູ່ໃນບ່ອນເຮັດວຽກ.
ນອກນີ້, ສິ່ງສຳຄັນແມ່ນລັດຖະບານຕ້ອງສົ່ງເສີມກ່ວາອີກ ເພື່ອບັນດາບໍລິສັດເຄົາລົບກິລິຍາທຸລະກິດຢ່າງມີຄວາມຮັບຜິດຊອບ. ຫ້ອງການການຄ້າ ແລະ ອຸດສາຫະກຳ ຫວຽດນາມ ຕ້ອງຍົກສູງຄວາມຮັບຮູ້ກ່ຽວກັບມາດຕະຖານສາກົນ ແລະ ສ້າງຄວາມສາມາດໃຫ້ບັນດາວິສາຫະກິດຂະໜາດກາງ ແລະ ນ້ອຍ.
ທ່ານຕີລາຄາກ່ຽວກັບສະເໝີພາບລະຫວ່າງຍິງ-ຊາຍ ແລະ ການມອບສິດໃຫ້ແມ່ຍິງຢູ່ ຫວຽດນາມ ແນວໃດ? ຕາມຄວາມຄິດເຫັນຂອງທ່ານ, ຫວຽດນາມ ມີຕົວຢ່າງທີ່ດີແນວໃດຕໍ່ບັນຫານີ້ ແລະ ມີການທ້າທາຍອັນໃດແດ່ທີ່ຕ້ອງໄດ້ຮັບການແກ້ໄຂ?
ຫວຽດນາມ ໄດ້ບັນລຸລະດັບຄວາມຄືບໜ້າໃນການຮັບປະກັນການເຂົ້າຮ່ວມຢ່າງສະເໝີພາບຂອງແມ່ຍິງໃນບັນດາອົງການຕັດສິນໃຈຂອງລັດຖະບານທຸກຊັ້ນ ແລະ ການບໍລິຫານສາທາລະນະຕ່າງກັນ. ຕົວຢ່າງ, 30,26% ຈຳນວນທີ່ນັ່ງໃນສະພາແຫ່ງຊາດແມ່ນຖືເປັນເພດຍິງ ແລະ 3 ໃນ 18 ລັດຖະມົນຕີໃນລັດຖະບານສຸນກາງແມ່ນແມ່ຍິງ.
ພ້ອມທັງໃຫ້ຮູ້ວ່າ, ກົດໝາຍແຮງງານປີ 2019 ຂອງ ຫວຽດນາມ ໄດ້ຫ້າມ ແລະ ປັບໄໝກິລິຍາກຸກວນຄວາມຕັນຫາທາງເພດຕັນຫາຢູ່ໃນບ່ອນເຮັດວຽກ ແລະ ກົດໝາຍປ້ອງກັນ ແລະ ຕ້ານຄວາມຮຸນແຮງຄອບຄົວ ຮັບຮອງເອົາວິທີເຂົ້າໃກ້້ອີງຕາມສິດທິມະນຸດຕໍ່ກັບຄວາມຮຸນແຮງໃນຄອບຄົວ.
ມິງດຶກ
