| WB: ການເຄື່ອນໄຫວການລົງທຶນຂອງຕ່າງປະເທດຢູ່ຫວຽດນາມ ຍັງໝັ້ນຄົງ ບໍ່ຫົວຊາຕໍ່ຄວາມບໍ່ສະຫງົບຂອງໂລກ | |
| ເງິນລົງທຶນຂອງຕ່າງປະເທດເຂົ້າສູ່ຫວຽດນາມ 8 ເດືອນ ບັນລຸ 22,63 ຕື້ ໂດລາສະຫະລັດ |
ກະຊວງຕຳຫຼວດ ກວດກາຄືນລະບຽບການອອກວີຊາໃຫ້ນັກລົງທຶນຕ່າງປະເທດ, ຮັບປະກັນຄວາມສະດວກໃນໄລຍະປະຕິບັດ; ເພີ່ມທະວີວຽກງານການຕີລາຄາ ແລະ ການປະເມີນຜົນທີ່ສົ່ງຜົນກະທົບຕໍ່ຄວາມໝັ້ນຄົງແຫ່ງຊາດ, ຄວາມເປັນລະບຽບຮຽບຮ້ອຍສັງຄົມສຳຫຼັບບັນດາໂຄງການຮ່ວມມືສາກົນ, ລົງທຶນຕ່າງປະເທດ; ຜັນຂະຫຍາຍບັນດາມາດຕະການຮັບປະກັນຄວາມໝັ້ນຄົງດ້ານເສດຖະກິດ, ສະກັດກັ້ນບັນດາການເຄື່ອນໄຫວທີ່ສວຍໃຊ້ຮູບການໂອນເງິນລົງທຶນ, ລວບລວມ, ຊື້ຂາຍໂຮມວິສາຫະກິດເຂົ້າກັນ, ການລົງທຶນທີ່ບໍ່ຈະແຈ້ງ ເພື່ອຟອກເງິນ, ການໂອນລາຄາ, ໜີພາສີ... ເຊິ່ງກໍ່ຜົນສະທ້ອນເຖິງຄວາມໝັ້ນຄົງແຫ່ງຊາດ.
ຕາມເອກະສານເລກທີ 9606/VPCP-QHQT ຂອງຫ້ອງການລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ເຈີ່ນລີວກວາງ ຮຽກຮ້ອງໃຫ້ກະຊວງແຜນການ ແລະ ການລົງທຶນ ສົມທົບກັນໜູນຊ່ວຍບັນດາທ້ອງຖິ່ນຊຸກຍູ້, ເຈລະຈາ, ໃຫ້ຄຳປຶກສານະໂຍບາຍ, ກະກຽມບັນດາເງື່ອນໄຂທີ່ຈຳເປັນເພື່ອຕ້ອນຮັບແຫຼ່ງເງິນລົງທຶນຂອງຕ່າງປະເທດບົນຫຼັກການຕ່າງຝ່າຍຕ່າງມີຜົນປະໂຫຍດ. ໂຄສະນາເຜີຍແຜ່ຄວາມພ້ອມຂອງຫວຽດນາມ ເພື່ອຮັບເອົາກະແສການລົງທຶນລຸ້ນໃໝ່ ດ້ວຍບັນດາທ່າໄດ້ປຽບຄວາມສາມາດບົ່ມຊ້ອນພັດທະນາເສດຖະກິດຢ່າງແຮງ, ສະພາບແວດລ້ອມແຫ່ງການລົງທຶນທີ່ມີຄວາມສະດວກົ່າງແທ້ຈິງ ໂດຍມີການຮ່ວມເດີນທາງ ແລະ ໜູນຊ່ວຍສູງສຸດຂອງອຳນາດການປົກຄອງ ຈາກຂັ້ນສູນກາງເຖິງທ້ອງຖິ່ນ, ພື້ນຖານໂຄງລ່າງໄດ້ຮັບການປະຕິບັດໃຫ້ສົມບູນຢ່າງບໍ່ຢຸດຢັ້ງ, ພິເສດແມ່ນພື້ນຖານໂຄງລ່າງຄົມມະນາຄົມ; ປ່ຽນແປງໃໝ່ປະດິດສ້າງ ແລະ ແຫຼ່ງຊັບພະຍາກອນມະນຸດທີ່ມີຄຸນນະພາບສູງ.
 |
| ຫວຽດນາມ ພວມກະກຽມບັນດາເງື່ອນໄຂທີ່ເໝາະສົມເພື່ອຮັບເອົາກະແສການລົງທຶນລຸ້ນໃໝ່. (ຮູບປະກອບ: KT) |
ທ່ານ ເຈີ່ນລີວກວາງ ໄດ້ມອບໃຫ້ກະຊວງປ້ອງກັນປະເທດ ສົມທົບກັບກະຊວງຕຳຫຼວດ ແລະ ບັນດາທ້ອງຖິ່ນ ກວດກາຄືນສະພາບການເຄື່ອນໄຫວຂອງບັນດາໂຄງການຢູ່ບັນດາເຂດທີ່ລະອຽດອ່ອນ, ຮັບປະກັນການສົມທົບກັນຢ່າງແໜ້ນແຟ້ນ ແລະ ມີປະສິດທິຜົນລະຫວ່າງການປ້ອງກັນຊາດ, ປ້ອງກັນຄວາມສະຫງົບ ກັບການພັດທະນາເສດຖະກິດ - ສັງຄົມ.
ກະຊວງຕຳຫຼວດ ກວດກາຄືນລະບຽບການອອກວີຊາໃຫ້ນັກລົງທຶນຕ່າງປະເທດ, ຮັບປະກັນຄວາມສະດວກໃນໄລຍະປະຕິບັດ; ເພີ່ມທະວີວຽກງານການຕີລາຄາ ແລະ ການປະເມີນຜົນທີ່ສົ່ງຜົນກະທົບຕໍ່ຄວາມໝັ້ນຄົງແຫ່ງຊາດ, ຄວາມເປັນລະບຽບຮຽບຮ້ອຍສັງຄົມສຳຫຼັບບັນດາໂຄງການຮ່ວມມືສາກົນ, ລົງທຶນຕ່າງປະເທດ; ຜັນຂະຫຍາຍບັນດາມາດຕະການຮັບປະກັນຄວາມໝັ້ນຄົງດ້ານເສດຖະກິດ, ສະກັດກັ້ນບັນດາການເຄື່ອນໄຫວທີ່ສວຍໃຊ້ຮູບການໂອນເງິນລົງທຶນ, ລວບລວມ, ຊື້ຂາຍໂຮມວິສາຫະກິດເຂົ້າກັນ, ການລົງທຶນທີ່ບໍ່ຈະແຈ້ງ ເພື່ອຟອກເງິນ, ການໂອນລາຄາ, ໜີພາສີ... ເຊິ່ງກໍ່ຜົນສະທ້ອນເຖິງຄວາມໝັ້ນຄົງແຫ່ງຊາດ.
ກະຊວງແຮງງານ, ທະຫານເສຍອົງຄະ ແລະ ສັງຄົມ ສົມທົບກັບກະຊວງສຶກສາ ແລະ ບຳລຸງສ້າງ ຜັນຂະຫຍາຍການຝຶກອົບຮົມໃຫ້ບັນດາຜູ້ອອກແຮງງານ ທີ່ມີສີມືແຮງງານ ແລະ ອອກແຮງງານຂັ້ນຄຸ້ມຄອງ, ຕອບສະໜອງຄວາມຮຽກຮ້ອງຕ້ອງການຂອງການປະຕິວັດອຸດສາຫະກຳ 4.0 ແລະ ຂະບວນວິວັດຫັນເປັນດີຈີຕອນ. ກວດກາຄືນລະບຽບການອອກໃບອະນຸຍາດແຮງງານໃຫ້ແທດເໝາະກັບສະພາບການຕົວຈິງ ເພື່ອສ້າງອຳນວຍຄວາມສະດວກໃຫ້ແກ່ເຄື່ອນໄຫວການຜະລິດ ແລະ ດຳເນີນທຸລະກິດ.
ທ່ານຮອງນາຍົກລັດຖະມົນຕີ ຮຽກຮ້ອງໃຫ້ຄະນະກຳມະການປະຊາຊົນບັນດາແຂວງ, ນະຄອນທີ່ຂຶ້ນກັບສູນກາງ ເປັນເຈົ້າການເຂົ້າເຖິງ, ໜູນຊ່ວຍບັນດານັກລົງທຶນ ແກ້ໄຂບັນດາຄວາມຫຍຸ້ງຍາກ, ຂໍ້ຄົງຄ້າງ, ຍູ້ໄວຄວາມຄືບໜ້າໃນການປ່ອຍເງິນທຶນລົງທຶນ; ຊີ້ນຳບັນດາອົງການທີ່ມີໜ້າທີ່ຢູ່ທ້ອງຖິ່ນ ຍູ້ໄວແກ້ໄຂບັນດາລະບຽບການລົງທຶນດຳເນີນທຸລະກິດ; ຜັນຂະຫຍາຍການນຳໃຊ້ບັນດາບໍລິການບໍລິຫານສາທາລະນະເອເລັກໂຕນິກໃຫ້ແກ່ບັນດານັກລົງທຶນ.
ດີງເລື້ອງ
