ທີ່ພິທີ, ທ່ານ ຫວໍວັນຮ່ວານ, ຮອງປະທານຄະນະກຳມະການປະຊາຊົນນະຄອນ ໂຮ່ຈິມິນ ໄດ້ສະແດງຄວາມຊົມເຊີຍຕໍ່ບັນດາຜົນງານອັນໃຫຍ່ຫຼວງທີ່ປະເທດ ໄທ ບັນລຸໄດ້ໃນເກືອບ 100 ປີແຫ່ງການສ້າງປະເທດ. ທ່ານກ່າວວ່າ, ໃນຊຸມປີມໍ່ໆມານີ້, ບັນດາວິສາຫະກິດໄທ ໄດ້ເກັບກ່ຽວຢ່າງສຳເລັດຜົນເມື່ອລົງທຶນເຮັດທຸລະກິດຢູ່ນະຄອນໂຮ່ຈິມິນ. ນະຄອນຊົມເຊີຍ ແລະ ຍິນດີຕ້ອນຮັບບັນດາວິສາຫະກິດໄທ ທີ່ມາຍັງນະຄອນ ໂຮ່ຈີມິນ ເພື່ອຊອກຫາກາລະໂອກາດພັດທະນາໃນອະນາຄົດ.
 |
| ທ່ານ ຫວໍວັນຮ່ວານ, ຮອງປະທານຄະນະກຳມະການປະຊາຊົນນະຄອນ ໂຮ່ຈິມິນ ໄດ້ສະແດງຄວາມຊົມເຊີຍທ່ານນາງ Wiraka Moodhitaporn, ກົງສຸນໃຫຍ່ໄທ ປະຈຳນະຄອນ ໂຮ່ຈີມິນ (ພາບ: TTXVN) |
ໂດຍໄດ້ຮັບຮູ້ ແລະ ຕີລາຄາສູງການຮ່ວມເດີນທາງຂອງສະຖານກົງສຸນໃຫຍ່ໄທ, ຊຸມຊົນວິສາຫະກິດ ແລະ ຊາວໄທ ຢູ່ນະຄອນ ໂຮ່ຈີມິນ ໃນການຊຸກຍູ້ບັນດາການເຄື່ອນໄຫວສັງຄົມ, ການພົບປະແລກປ່ຽນປະຊາຊົນ ແລະ ແລກປ່ຽນວັດທະນະທຳ.
“ນະຄອນໂຮ່ຈິມິນ ຍາມໃດກໍ່ຖືການພົວພັນກັບໄທ ເປັນສຳຄັນ ແລະ ປາດຖະໜາຢາກສືບຕໍ່ປະກອບເຂົ້າໃນການພັດທະນາຂອງການພົວພັນຄູ່ຮ່ວມມືຍຸດທະສາດ ເພີ່ມທະວີລະຫວ່າງ ຫວຽດນາມ ແລະ ໄທ ຜ່ານການຊຸກຍູ້ບັນດາຂົງເຂດການຄ້າ, ການລົງທຶນ, ແລກປ່ຽນວັດທະນະທຳ, ວິທະຍາສາດ, ເຕັກໂນໂລຢີ ແລະ ພົບປະແລກປ່ຽນປະຊາຊົນ'', ທ່ານ ຫວູວັນຮົ່ງ ກ່າວ.
ທ່ານເຊື່ອໝັ້ນວ່າ ການພົວພັນລະຫວ່າງສອງປະເທດ, ໃນນັ້ນມີການພົວພັນລະຫວ່າງນະຄອນ ໂຮ່ຈີມິນ ແລະ ໄທ ຈະສືບຕໍ່ພັດທະນາແບບຍືນຍົງ, ເພື່ອມິດຕະພາບ ແລະ ຜົນປະໂຫຍດຂອງປະຊາຊົນສອງປະເທດ, ປະກອບສ່ວນໃຫ້ຄວາມໝັ້ນຄົງ ເເລະ ຈະເລີນຮັ່ງມີຂອງພາກພື້ນ ອາຊຽນ.
ຕາມທ່ານນາງ Wiraka Moodhitaporn, ກົງສຸນໃຫຍ່ໄທ ປະຈຳນະຄອນ ໂຮ່ຈີມິນ ແລ້ວ, ຫວຽດນາມ ແລະ ໄທ ມີການພົວພັນຮ່ວມມືໃນໄລຍະທີ່ຍາວນານ, ພິເສດແມ່ນໃນຂົງເຂດການຄ້າ, ການລົງທຶນ ແລະ ການພົບປະແລກປ່ຽນປະຊາຊົນ.
ສະຖານກົງສູນໃຫຍ່ໄທ ສົມທົບກັບບັນດາອົງການລັດຖະບານໄທ ປະຈຳນະຄອນ ໂຮ່ຈີມິນ ໃຫ້ຄຳໝັ້ນສັນຍາຊຸກຍູ້ການພົວພັນຄູ່ຮ່ວມມືລະຫວ່າງ ໄທ ແລະ ຫວຽດນາມ ໃນທຸກຂັ້ນຢ່າງມີປະສິດທິຜົນ, ພິເສດແມ່ນໜູນຊ່ວຍບັນດານັກລົງທຶນໄທທີ່ມີຄຸນນະພາບ, ເຊິ່ງແມ່ນບັນດານັກລົງທຶນທີ່ໄດ້ລົງທຶນເຂົ້າຫວຽດນາມ ໃນໄລຍະຕົ້ນໆ, ປະກອບສ່ວນເຂົ້າໃນຫາເງິນລ້ຽງຊີບຂອງຊຸມຊົນທ້ອງຖິ່ນ ເເລະ ຍາມໃດກໍ່ເຄົາລົບຫຼັກການຮັບຜິດຊອບສັງຄົມຂອງວິສາຫະກິດ.
ດີງເລື້ອງ
