| ຄວາມປະທັບໃຈຂອງຫວຽດນາມ ທີ່ງານບຸນໜັງສືພິມມະນຸດສະທໍາ ຝລັ່ງ ປີ 2023 | |
| ການທູດວັດທະນະທຳ ຊ່ວຍໃຫ້ຫວຽດນາມ ແລະ ຝລັ່ງ ຫຍັບເຂົ້າໃກ້ກັນ |
ເຂົ້າຮ່ວມລາຍການມີທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ; ສະມາຊິກສະພາສູງ Jérémy Bacchi, ຮອງປະທານກໍາມາທິການວັດທະນະທໍາ, ການສຶກສາ ແລະ ການສື່ສານໃນສະພາສູງ ຝຣັ່ງ; ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ຝລັ່ງ ດິ່ງຕວານຖັງ, ເອກອັກຄະລັດຖະທູດ - ຫົວໜ້າຄະນະຜູ້ແທນຫວຽດນາມ ປະຈຳ UNESCO ເລທິຮົ່ງເວີນ; ຜູ້ຕາງໜ້າບັນດາອົງການ, ອົງການຈັດຕັ້ງການເມືອງ ຝະລັ່ງ, ບັນດາສາຂາສະມາຄົມມິດຕະພາບ ແລະ ຮ່ວມມືກັບ ຫວຽດນາມ ຟ້ອມກັບຊາວຫວຽດນາມຢູ່ຕ່າງປະເທດ, ບັນດາເພື່ອນມິດ ຝຣັ່ງ ແລະ ສາກົນຢ່າງຄັບຄາໜາແໜ້ນ.
 |
ທ່ານລັດຖະມົນຕີ ຫງວຽນວັນຮຸ່ງ ກ່າວຄຳປາໄສທີ່ພິທີໄຂ |
ກ່າວຄຳປາໄສທີ່ພິທີໄຂ, ທ່ານລັດຖະມົນຕີ ຫງວຽນວັນຮຸ່ງ ຢືນຢັນວ່າ: 2 ປະເທດ ຫວຽດນາມ ແລະ ຝລັ່ງ, ເຖິງວ່າຢູ່ 2 ທະວີບທີ່ແຕກຕ່າງກັນ, ແຕ່ໄດ້ມີການຜ່ານບັນດາການຜັນແປຂອງໄລຍະປະຫວັດສາດຮ່ວມກັນ, ໃນ 50 ປີຜ່ານມາໄດ້ມີບັນດາບາດກ້າວພັດທະນາຢ່າງກະໂດດຂັ້ນໃນການຮ່ວມມື, ກາຍເປັນຄູ່ຮ່ວມມືຍຸດທະສາດນັບແຕ່ປີ 2013.
“ສອງປະເທດໄດ້ມານະພະຍາຍາມສ້າງສາຍພົວພັນທາງການເມືອງທີ່ໄວ້ເນື້ອເຊື່ອໃຈ, ໄດ້ສະແດງໃຫ້ເຫັນຜ່ານການຢ້ຽມຢາມຂອງການນຳຂັ້ນສູງລະຫວ່າງສອງປະເທດ ແລະ ໃນຫວ່າງມໍ່ໆມານີ້ແມ່ນການສົນທະນາທາງໂທລະສັບລະຫວ່າງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ແລະ ທ່ານປະທານາທິບໍດີ ຝະລັ່ງ Emmanuel Macron, ຢືນຢັນວ່າການຖືເປັນສຳຄັນໃນການພົວພັນຄູ່ຮ່ວມມືຍຸດທະສາດ ແລະ ປາຖະໜາຢາກເພີ່ມທະວີການຮ່ວມມືໃນທຸກຂົງເຂດໃຫ້ຫຼາຍກວ່າອີກ”.
ສ່ວນທ່ານເອກອັກຄະລັດຖະທູດ ຫວຽດນາມ ປະຈຳ ຝະລັ່ງ ດິ່ງຕວານຖັງ ເນັ້ນໜັກວ່າ ການພົວພັນກັບ ຝລັ່ງ ໄດ້ກວມເອົາທີ່ຕັ້ງບູລິມະສິດໃນນະໂຍບາຍການຕ່າງປະເທດຂອງ ຫວຽດນາມ. 2 ປະເທດໄດ້ມານະພະຍາຍາມຢ່າງບໍ່ຢຸດຢັ້ງເພື່ອພັດທະນາການພົວພັນສອງຝ່າຍໃນທຸກຂົງເຂດ. ພິເສດແມ່ນໃນສະພາບການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຫວຽດນາມ - ຝລັ່ງ, 2 ປະເທດໄດ້ມີບັນດາການເຄື່ອນໄຫວແລກປ່ຽນປະກອບສ່ວນເຂົ້າໃນຜົນສຳເລັດຂອງປີທີ່ພິເສດນີ້.
“ການເຄື່ອນໄຫວເຫຼົ່ານັ້ນ ໄດ້ສະແດງໃຫ້ເຫັນຄວາມເລິກເຊິ່ງກວ້າງຂວາງຂອງການພົວພັນລະຫວ່າງສອງປະເທດ, ຄວາມຮູ້ສຶກສະໜິດສະໜົມຂອງປະຊາຊົນສອງປະເທດ, ແຕ່ໃນຂະນະນັ້ນກໍ່ແມ່ນບັນດາການເຄື່ອນໄຫວທີ່ຊ່ວຍໃຫ້ບັນດາຄູ່ຮ່ວມມືສອງຝ່າຍໄດ້ພ້ອມກັນແລກປ່ຽນ ແລະ ຂຸ້ນຄິດກ້າວໄປເຖິງການຂຶ້ນສູ່ລະດັບສູງໃໝ່ຂອງການພົວພັນລະຫວ່າງສອງປະເທດໃນໄລຍະຈະມາເຖິງ".
ໃນຄຳປາໄສ, ທ່ານ Jérémy Bacchi ທີ່ເຂົ້າຮ່ວມດ້ວຍບົດບາດເປັນສະມາຊິກສະພາສູງ ແລະ ຜູ້ຕາງໜ້າພັກກອມມູນິດ ຝະລັ່ງ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ບັນດາມໍລະດົກປະຫວັດສາດທີ່ປະທານ ໂຮ່ຈີມິນ ໄດ້ປະໄວ້ໃຫ້ ແລະ ບົດບາດຂອງປະທານ ໂຮ່ຈີມິນ ໃນການສ້າງຕັ້ງພັກກອມມູນິດຝຣັ່ງ. ທ່ານສະມາຊິກສະພາສູງ ໃຫ້ຮູ້ວ່າ ການຈັດຕັ້ງລາຍການ “ຄ່ຳຄືນວັນບຸນວັດທະນະທຳຫວຽດນາມ” ແມ່ນການຢັ້ງຢືນເຖິງສາຍພົວພັນອັນໃກ້ຊິດ ແລະ ຄວາມມຸ່ງມາດປາດຖະໜາລວມຂອງ 2 ຝ່າຍໃນການໂຄສະນາວັດທະນະທຳຂອງ 2 ປະເທດ.
“ຂ້າພະເຈົ້າຮູ້ສຶກພາກພູມໃຈກ່ຽວກັບເຫດການ 50 ປີແຫ່ງການຮ່ວມມືສອງຝ່າຍລະຫວ່າງ ຝລັ່ງ ແລະ ຫວຽດນາມ, ປະຊາຊົນສອງປະເທດໄດ້ພັດທະນາການພົວພັນຮ່ວມມືດ້ານເສດຖະກິດວັດທະນະທຳທີ່ອຸດົມສົມບູນ ແລະ ຫຼາກຫຼາຍຮູບແບບ. ການເຊື່ອມຕໍ່ສອງຝ່າຍນັບມື້ນັບແໜ້ນແຟ້ນກວ່າເກົ່າໃນ 50 ປີທີ່ຜ່ານມາ. ປີ 2023 ແມ່ນໂອກາດເພື່ອໃຫ້ການເຄື່ອນໄຫວພົບປະແລກປ່ຽນວັດທະນະທຳຫຼາຍດ້ານລະຫວ່າງສອງຝ່າຍ ແລະ “ຄ່ຳຄືນວັນບຸນວັດທະນະທຳຫວຽດນາມ” ແມ່ນຂີດໝາຍສະແດງໃຫ້ເຫັນເຖິງຜົນສຳເລັດຂອງການພົວພັນມິດຕະພາບທີ່ເປັນມູນເຊື້ອຂອງສອງປະເທດ.
ມາຍັງ “ຄ່ຳຄືນວັນບຸນວັດທະນະທຳຫວຽດນາມ” ຜູ້ຊົມກໍ່ໄດ້ຮັບຊົມບັນດາການສະແດງບົດຟ້ອນ ແລະ ບົດເພງພື້ນເມືອງຂອງຫລາຍຊົນເຜົ່າ ຫວຽດນາມ ເຊັ່ນ: ລື້, ຢາວ, ກ່າວລານ, ໄຕ່, ກິງ. ບັນດາເພື່ອນມິດ ຝລັ່ງ ແລະ ສາກົນລ້ວນແຕ່ມີຄວາມປະທັບໃຈເປັນພິເສດຕໍ່ບັນດາລາຍການສະແດງບັນດາຄຸນຄ່າວັດທະນະທຳທີ່ເປັນມູນເຊື້ອຂອງປະຊາຄົມຊາວ ຫວຽດນາມ, ໃນນັ້ນ ມີບັນດາມໍລະດົກວັດທະນະທຳບໍ່ມີຕົວຕົນທີ່ໄດ້ຮັບການຮັບຮອງຈາກອົງການ UNESCO.
ມິງດຶກ
