| ຮອງນາຍົກລັດຖະມົນຕີ ລາວ ແລະ ໄທ ພົບປະສອງຝ່າຍ ຮັດແໜ້ນການຮ່ວມມື | |
| ວິສາຫະກິດລາວ ແລະ ໄທ ມີຄວາມສົນໃຈໃນການລົງທຶນການທ່ອງທ່ຽວທາງທະເລຢູ່ກວາງຈີ ສສ ຫວຽດນາມ |
ຕອນບ່າຍວັນທີ 15 ພະຈິກ, ທ່ານນາງ ຫວູທິຮວິ່ງມາຍ, ຫົວໜ້າຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ຫົວໜ້າຄະນະປະຕິບັດງານ ໄດ້ເຂົ້າຢ້ຽມ ແລະ ເຮັດວຽກ ແລະ ຢ້ຽມຂ່ຳນັບທ່ານເອກອັກຄະລັດຖະທູດ ຫວຽດນາມ ປະຈຳໄທ ຟານຈີ້ແທ່ງ.
 |
ຄະນະປະຕິບັດງານນະຄອນ ໂຮຈິມິນ ເຮັດວຽກຢູ່ສະຖານທູດ ຫວຽດນາມ ປະຈຳ ໄທ |
ໃນການພົບປະ, ທ່ານເອກອັກຄະລັດຖະທູດ ຟານຈີ້ແທ່ງ ໄດ້ແຈ້ງໃຫ້ຄະນະປະຕິບັດງານຊາບກ່ຽວກັບການພົວພັນຄູ່ຮ່ວມມືຍຸດທະສາດ ຫວຽດນາມ - ໄທ ທີ່ນັບມື້ນັບມີຄວາມໄວ້ເນື້ອທີ່ເຊື່ອໃຈ ແລະ ກ້າວເຂົ້າສູ່ລວງເລິກ, ສ້າງເງື່ອນໄຂສະດວກໃຫ້ຊາວຫວຽດນາມ ອາໄສຢູ່ຕ່າງປະເທດ ໄດ້ເຊື່ອມໂຍງເຂົ້າກັບສັງຄົມປະຈຳຖິ່ນ, ທີ່ຕັ້ງ ແລະ ບົດບາດຂອງປະຊາຄົມຊາວຫວຽດນາມ ຢູ່ຕ່າງປະເທດ ໄດ້ຮັບການຕີລາຄາສູງຈາກລັດຖະບານປະຈຳຖິ່ນ, ແມ່ນຂົວເຊື່ອມຕໍ່ສຳຄັນທີ່ປະກອບສ່ວນເຂົ້າໃນການພົວພັນມິດຕະພາບລະຫວ່າງສອງປະເທດ.
ທ່ານເອກອັກຄະລັດຖະທູດ ຟານຈີ້ແທ່ງ ໄດ້ແນະນຳໂດຍສັງເຂບກ່ຽວກັບປະຊາຄົມຊາວ ຫວຽດນາມ ຢູ່ ໄທ, ໄດ້ແຈ້ງໃຫ້ຄະນະຊາບກ່ຽວກັບສະພາບການດຳເນີນທຸລະກິດການລົງທຶນຂອງບັນດາວິສາຫະກິດ ຫວຽດນາມ ຢູ່ ໄທ ແລະ ກາລະໂອກາດພົວພັນການຄ້າຂອງວິສາຫະກິດ 2 ປະເທດໃນໄລຍະຈະມາເຖິງ.
ທ່ານນາງ ຫວູທິຮວິ່ງມາຍ, ໄດ້ແລກປ່ຽນກັບທ່ານເອກອັກຄະລັດຖະທູດ ຟານຈີ້ແທ່ງ ບາງຂໍ້ມູນກ່ຽວກັບບັນດາຜົນງານພັດທະນາເສດຖະກິດ - ສັງຄົມຂອງນະຄອນ ໂຮ່ຈີມິນ ໃນໄລຍະຜ່ານມາ.
ທ່ານນາງ ໄດ້ຮັບຮູ້ຄວາມຄິດເຫັນແລກປ່ຽນຈພນວນໜຶ່ງຂອງຜູ້ຕາງໜ້າການທູດຫວຽດນາມ ຢູ່ ໄທ ກ່ຽວກັບການຊຸກຍູ້ວຽກງານເຊື່ອມຕໍ່ພາຍໃນ ແລະ ຕ່າງປະເທດໃນໄລຍະຈະມາເຖິງ, ເພື່ອຊຸກຍູ້ຊາວ ຫວຽດນາມ ຢູ່ ໄທ ມາຢ້ຽມຢາມ ແລະ ຊອກຫາກາລະໂອກາດລົງທຶນຢູ່ນະຄອນ ໂຮຈິມິນ.
ຜ່ານການຢ້ຽມຢາມ, ຄະນະຢາກເຊື່ອມຕໍ່ກັບສະຖານທູດ, ສະຖານກົງສູນໃຫຍ່ ຫວຽດນາມ ປະຈຳ ໄທ ແລະ ປະຊາຄົມຊາວຫວຽດນາມ ຢູ່ ໄທ ເພື່ອເພີ່ມທະວີວິທີການແກ້ໄຂລະດົມໃຫ້ປະຊາຄົມຕັ້ງໜ້າເຂົ້າຮ່ວມການແນະນຳ ແລະ ພັດທະນາຊ່ອງທາງຈຳໜ່າຍສິນຄ້າຢູ່ປະເທດປະຈຳຖິ່ນ, ການບໍລິໂພກຜະລິດຕະພັນເຄື່ອງໝາຍການຄ້າຂອງນະຄອນ ໂຮຈິມິນ.
ຄະນະກໍ່ຫວັງຈະໄດ້ເຊື່ອມຕໍ່ຊາວຫວຽດນາມ ຢູ່ຕ່າງປະເທດ ເພື່ອລະດົມແຫຼ່ງກຳລັງຄົນນີ້ໃຫ້ສືບຕໍ່ອຸທິດຕົນ, ປະກອບສ່ວນເຂົ້າໃນຫຼາຍຂົງເຂດທີ່ນະຄອນ ມີຄວາມສົນໃຈຄື: ການຜະລິດ, ຄົມມະນາຄົມ, ຂົນສົ່ງ, ສາທາລະນະສຸກ, ສິ່ງແວດລ້ອມ, ພັດທະນາຕົວເມືອງ.…ມິງດຶກ
