ຕອນບ່າຍວັນທີ 14 ພະຈິກ, ຢູ່ຮ່າໂນ້ຍ, ສະຫາຍ ຟ້າມເຕິດຖັ໊ງ, ກໍາມະການສູນກາງພັກ, ຮອງຫົວໜ້າຄະນະຂົນຂວາຍປະຊາຊົນສູນກາງ ໄດ້ມີການພົບປະເຈລະຈາກັບສະຫາຍນາງ ອິນລາວັນ ແກ້ວບຸນພັນ, ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ.
ທີ່ການພົບປະເຈລະຈາ, ສະຫາຍ ຟ້າມເຕິດຖັ໊ງ ໄດ້ແຈ້ງໃຫ້ຊາບກ່ຽວກັບສະພາບການຢູ່ຫວຽດນາມ ໃນໄລຍະຜ່ານມາ; ໝາກຜົນແຫ່ງການຮ່ວມມືລະຫວ່າງສອງພັກ, ສອງລັດ; ໝາກຜົນແຫ່ງການຜັນຂະຫຍາຍວຽກງານຂົນຂວາຍປະຊາຊົນຂອງຄະນະຂົນຂວາຍປະຊາຊົນສູນກາງພັກຄອມມູນິດຫວຽດນາມ.
ສ່ວນສະຫາຍນາງ ອິນລາວັນ ແກ້ວບຸນພັນ ສະແດງຄວາມປິຕິຊົມຊື່ນຕໍ່ສາຍພົວພັນສາມັກຄີແບບພິເສດລາວ-ຫວຽດນາມ ນັບມື້ນັບພັດທະນາຢ່າງເລິກເຊິ່ງກວ້າງຂວາງ, ນໍາມາເຊິ່ງຜົນປະໂຫຍດແທດຈິງໃຫ້ປະຊາຊົນແຕ່ລະປະເທດ. ພ້ອມທັງແຈ້ງໃຫ້ຊາບກ່ຽວກັບສະພາບການຂອງລາວ ໃນໄລຍະມໍ່ໆມານີ້, ມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ, ບາງເນື້ອໃນການເຄື່ອນໄຫວຂອງແນວລາວສ້າງຊາດ; ຕີລາຄາໝາກຜົນການຮ່ວມມືລະຫວ່າງສອງພັກ, ສອງລັດ, ພິເສດແມ່ນລະຫວ່າງຄະນະກໍາມະການສູນກາງແນວລາວສ້າງຊາດ ແລະຄະນະຂົນຂວາຍປະຊາຊົນສູນກາງພັກຄອມມູນິດຫວຽດນາມ.
 |
| ບັນດາຜູ້ແທນຖ່າຍຮູບລວມ. ພາບ: TTXVN |
ສະຫາຍ ຟ້າມເຕິດຖັ໊ງ ແລະສະຫາຍນາງ ອິນລາວັນ ແກ້ວບຸນພັນ ໄດ້ແລກປ່ຽນບາງເນື້ອໃນຈຸດສຸມຂອງການຮ່ວມມືລະຫວ່າງຄະນະຂົນຂວາຍປະຊາຊົນສູນກາງພັກຄອມມູນິດຫວຽດນາມ ແລະຄະນະກໍາມະການສູນກາງແນວລາວສ້າງຊາດ ໃນໄລຍະຈະມາເຖິງ, ໃນນັ້ັນມີການເພີ່ມທະວີການແລກປ່ຽນບົດຮຽນກ່ຽວກັບວຽກງານຂົນຂວາຍມະຫາຊົນ, ຝຶກອົບຮົມ, ບຳລຸງສ້າງພະນັກງານ.
ສອງຝ່າຍຕັດສິນໃຈປະຕິບັດຂໍ້ຕົກລົງຮ່ວມມືທີ່ໄດ້ລົງນາມເປັນຢ່າງດີ; ຜັນຂະຫຍາຍໝາກຜົນແຫ່ງການພົບປະເຈລະຈາຜ່ານມາລະຫວ່າງສະຫາຍ ຫົວໜ້າຄະນະຂົນຂວາຍປະຊາຊົນສູນກາງ ແລະສະຫາຍປະທານສູນກາງແນວລາວສ້າງຊາດ..., ປະກອບສ່ວນສຳຄັນເຂົ້າໃນການປັບປຸງ ແລະເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານຫວຽດນາມ-ລາວ ຢ່າງບໍ່ຢຸດຢັ້ງ
ສົມເພັດ
