| ຄົ້ນຫາຄວາມໃຫຍ່ໂຕມະໂຫຖານ, ທຸລະກັນດານຂອງພູ ດາຈົ່ງ (ກວາງນິງ) | |
| ກວາງນິງ ບໍ່ພຽງແຕ່ມີອ່າວຮ້າລອງເທົ່ານັ້ນ |
ຕາມທ່ານນາງ Ito Megumi ແລະ ທ່ານ Murano Seiichi ແລ້ວ, ນະຄອນ Kobe ແມ່ນທ້ອງຖິ່ນແຫ່ງທຳອິດຂອງຍີ່ປຸ່ນ ທີ່ໄດ້ສ້າງຕັ້ງສະຫະພັນລັດຖະສະພາມິດຕະພາບຍີ່ປຸ່ນ - ຫວຽດນາມ. ນີ້ກໍ່ແມ່ນຄັ້ງທຳອິດທີ່ສະຫະພັນ ມາຢ້ຽມຢາມຫວຽດນາມ, ໂດຍເລືອກເອົາກວາງນິງ - ທ້ອງຖິ່ນທີ່ມີຫຼາຍຈຸດຄ້າຍຄືກັບ Kobe ເພື່ອຢ້ຽມຢາມ.
 |
ທ່ານຮອງປະທານຄະນະກຳມະການປະຊາຊົນແຂວງກວາງນິງ ບຸ່ຍວັນຂັ້ງ ຕ້ອນຮັບທ່ານນາງ Ito Megumi, ເລຂາທິການສະມາຄົມມິດຕະພາບຍີ່ປຸ່ນ-ຫວຽດນາມ ແລະຄະນະຜູ້ແທນສະຫະພັນມິດຕະພາບນະຄອນ ໂກເບ (ຍີ່ປຸ່ນ) |
ສະມາຄົມມິດຕະພາບຍີ່ປຸ່ນ - ຫວຽດນາມ ແລະ ຄະນະຜູ້ແທນສະຫະພັນມິດຕະພາບນະຄອນ ໂກເບ ຫວັງວ່າ ການຢ້ຽມຢາມຄັ້ງນີ້ຈະເປັນການເລີ່ມຕົ້ນທີ່ດີໃຫ້ແກ່ການຮ່ວມມືລະຫວ່າງນະຄອນ ໂກເບ ແລະ ແຂວງ ກວາງນິງ ໃນໄລຍະຈະມາເຖິງ, ໂດຍສະເພາະແມ່ນການທ່ອງທ່ຽວ, ພ້ອມກັນນັ້ນ ກໍ່ຊຸກຍູ້ການບິນໂດຍກົງລະຫວ່າງ ໂກເບ ແລະ ຫວຽດນາມ, ໃນນັ້ນ ມີການເຊື່ອມຕໍ່ກັບທ່າອາກາດສະຍານສາກົນ ເວີນດົນ.
ກ່າວຄຳປາໄສຕໍ່ກອງປະຊຸມ, ທ່ານຮອງປະທານຄະນະກຳມະການປະຊາຊົນແຂວງກວາງນິງ ໄດ້ແນະນຳໃຫ້ຄະນະ ກ່ຽວກັບບັນດາຄວາມສາມາດບົ່ມຊ້ອນພັດທະນາເສດຖະກິດ - ສັງຄົມ, ບັນດາຈຸດທີ່ເປັນເອກະລັກພິເສດກ່ຽວກັບວັດທະນະທຳ, ປະຊາຊົນແຂວງກວາງນິງ. ພ້ອມກັນນັ້ນ, ກໍ່ໄດ້ແຈ້ງກ່ຽວກັບຜົນສຳເລັດໃນການເຄື່ອນໄຫວທາງການທູດ, ການພົບປະແລກປ່ຽນວັດທະນະທຳ, ການຮ່ວມມືດ້ານເສດຖະກິດລະຫວ່າງ ກວາງນິງ ກັບບັນດາທ້ອງຖິ່ນ ແລະບັນດານັກລົງທຶນຍີ່ປຸ່ນ.
ທ່ານ ບຸ່ຍວັນຂັ້ງ ກໍ່ສະແດງຄວາມຫວັງວ່າ ຜ່ານການຢ້ຽມຢາມຂອງ ທ່ານເລຂາທິການສະມາຄົມມິດຕະພາບຍີ່ປຸ່ນ-ຫວຽດນາມ ແລະຄະນະຜູ້ແທນສະຫະພັນລັດຖະສະພາມິດຕະພາບນະຄອນ ໂກເບ ຈະເປັນຂົວຕໍ່ເພື່ອຊຸກຍຸ້ການພົວພັນອັນດີງາມລະຫວ່າງຫວຽດນາມ. - ຍີ່ປຸ່ນ ເວົ້າລວມ ແລະລະຫວ່າງແຂວງ ກວາງນິງ ກັບທ້ອງຖິ່ນ ຍີ່ປຸ່ນ ແລະໍບັນດານັກລົງທຶນຍີ່ປຸ່ນ ເວົ້ົ້າສະເພາະ, ໂດຍສະເພາະແມ່ນໃນບັນດາຂົງເຂດຄື: ການທ່ອງທ່ຽວ, ບຳລຸງສ້າງແຫຼ່ງຊັບພະຍາກອນມະນຸດ, ການລົງທຶນໃນອຸດສາຫະກໍາປຸງແຕ່ງ ແລະການຜະລິດ.
ມິງດຶກ
