| ສະມັດຊາໃຫຍ່ສະຫະປະຊາຊາດເລືອກຕັ້ງສະພາສິດທິມະນຸດວາລະ 2024 - 2026 | |
| ຫວຽດນາມ ປະຕິບັດບັນດາມາດຕະການລົບລ້າງການກໍ່ການຮ້າຍສາກົນ |
ຕາມສຳນັກຂ່າວສານຫວຽດນາມ ປະຈຳນິວຢອກແລ້ວ, ຫຼາຍປະເທດໄດ້ແບ່ງປັນຂໍ້ລິເລີ່ມ, ທັດສະນະຢ່າງຕັ້ງໜ້າກ່ຽວກັບວິທີເພີ່ມທະວີການເຄື່ອນໄຫວຂອງສະມັດຊາໃຫຍ່ສະຫະປະຊາຊາດ (ສປຊ). ກ່າວຄຳປາໄສໃນການປະຊຸມມ, ທ່ານອັກຄະລັດຖະທູດທີ່ປຶກສາ ນາງ ເລທິມິນທົວ, ຮອງຫົວໜ້າຜູ້ປະຈຳການຄະນະຜູ້ແທນຫວຽດນາມ ປະຈຳ ສປຊ ເນັ້ນໜັກວ່າ: ການປັບປຸງບັນດາການເຄື່ອນໄຫວຂອງສະມັດຊາໃຫຍ່ ສປຊ ແມ່ນມີຄວາມໝາຍສຳຄັນທີ່ສຸດໃນການປັບປຸງ ສປຊ. ທ່ານຜູ້ຕາງໜ້າຫວຽດນາມ ໃຫ້ຮູ້ວ່າ: ສປຊ ແລະ ບັນດາປະເທດຕ້ອງເພີ່ມທະວີບັນດາມາດຕະການເພື່ອໃຫ້ກອງປະຊຸມໃຫຍ່ສາມາດຕອບສະໜອງບັນດາສິ່ງທ້າທາຍທົ່ວໂລກທີ່ນັບມື້ນັບເພີ່ມຂຶ້ນ ແລະ ສັບສົນ ຢ່າງມີປະສິດທິຜົນ ແລະ ມີຄວາມໝາຍ. ຕາມນັ້ນແລ້ວ, ບົດບາດຂອງສະມັດຊາໃຫຍ່ ສປຊ ໃນບັນຫາສັນຕິພາບ ແລະ ຄວາມໝັ້ນຄົງ ຕ້ອງໄດ້ຮັບການເສີມຂະຫຍາຍຕາມກົດບັດ ສປຊ, ປັບປຸງການພົວພັນລະຫວ່າງສະມັດຊາໃຫຍ່ ແລະ ບັນດາອົງການສຳຄັນຂອງ ສປຊ, ໃນນັ້ນ ມີສະພາຄວາມໝັ້ນຄົງສະຫະປະຊາຊາດ.
 |
ກ່າວຄຳເຫັນທີ່ກອງປະຊຸມ, ທ່ານອັກຄະລັດຖະທູດທີ່ປຶກສາ ນາງ ເລທິມິນທົວ, ຮອງຫົວໜ້າຜູ້ປະຈຳການຄະນະຜູ້ແທນຫວຽດນາມ ປະຈຳ ສປຊ. |
ນອກນີ້, ສິ່ງສຳຄັນແມ່ນຕ້ອງຮັບປະກັນຫຼັກການທີ່ຈະແຈ້ງໃນການເຄື່ອນໄຫວຕ່າງໆ, ໃນການເລືອກເອົາ ແລະ ແຕ່ງຕັ້ງເລຂາທິການໃຫຍ່ອົງການສະຫະປະຊາຊາດ. ບັນດາກອງປະຊຸມຂອງສະມັດຊາໃຫຍ່ ສປຊ ຕ້ອງບັນລຸໄດ້ຜົນສຳເລັດຕົວຈິງ ແລະ ສາມາດການກະທຳ, ມີລັກສະນະໄລຍະກາງ ແລະ ໄລຍະຍາວເພື່ອຕອບສະໜອງຜົນປະໂຫຍດ ແລະ ຄວາມປາຖະໜາຂອງບັນດາປະເທດສະມາຊິກ. ພິເສດ, ບັນດາກອງປະຊຸມສຳມະນາທີ່ຈະມາເຖິງໃນການກະກຽມໃຫ້ກອງປະຊຸມສຸດຍອດໃນອະນາຄົດ ແລະ ບັນດາຂະບວນການອື່ນໆ ກໍ່ຕ້ອງສຸມໃສ່ບໍ່ພຽງແຕ່ຍົກອອກມາດຕະການແກ້ໄຂເທົ່ານັ້ນ ຫາກຍັງທັງວິທີການສະໜັບສະໜູນການຈັດຕັ້ງປະຕິບັດໂຄງການດຳເນີນງານ 2030 ກ່ຽວກັບການພັດທະນາແບບຍືນຍົງ ນຳອີກ. ທີ່ກອງປະຊຸມສະມັດຊາໃຫຍ່ສະຫະປະຊາຊາດຄັ້ງທີ 78, ບັນດາປະເທດສະມາຊິກຈະສືບຕໍ່ປຶກສາຫາລືກ່ຽວກັບຫົວຂໍ້ນີ້ ເພື່ອສືບຕໍ່ຊອກຫາ ແລະ ປະຕິບັດບັນດາມາດຕະການປັບປຸງການເຄື່ອນໄຫວຂອງກອງປະຊຸມສະມັດຊາໃຫຍ່.
ສົມເຟັດ
