ໂດຍຜັນຂະຫຍາຍໂຄງການບໍາລຸງສ້າງພາສາຫວຽດນາມ ໃນໄລຍະ 9 ເດືອນໃຫ້ແກ່ພະນັກງານກອງທັບປະຊາຊົນລາວ ປີ 2023 ຈໍານວນ 120 ຄົນ, ຫວ່າງແລ້ວນີ້, ກອງບັນຊາການທະຫານແຂວງເຊີນລາ ໄດ້ສົມທົບກັບໂຮງຮຽນວິທະຍາໄລເຊີນລາ ຈັດຕັ້ງການໄປທັດສະນະສຶກສາຢູ່ບັນດາເມືອງ: ໂມກເຈົາ, ອຽນເຈົາ ແລະເມື່ອງລາ ໃຫ້ບັນດາສຳມະນາກອນກອງທັບປະຊາຊົນລາວ.
ໃນການໄປທັດສະນະສຶກສາຄັ້ງນີ້, ບັນດານັກສຳມະນາກອນໄດ້ຢ້ຽມຊົມ, ຮ່ຳຮຽນຕົວຈິງຢູ່ບາງເຂດຮ່ອງຮອຍປະຫວັດສາດ, ທັດສະນີຍະພາບ, ບັນດາຮູບແບບພັດທະນາເສດຖະກິດ-ສັງຄົມຂອງແຂວງເຊີນລາ.
 |
| ພະນັກງານກອງທັບປະຊາຊົນລາວ ໄປຢ້ຽມຊົມເຮືອນມູນເຊື້ອອະນຸສອນສະຖານກອງພັນໃຫຍ່ 52 ໄຕຕ໊ຽນ. ພາບ: qdnd.vn |
ທ່ານຮ້ອຍໂທ ວິທະຄອນ ທອງເວັນ, ພະນັກງານກອງທັບປະຊາຊົນລາວ, ແບ່ງປັນວ່າ: "ຂ້າພະເຈົ້າຮູ້ສຶກດີໃຈເມື່ອໄດ້ໄປຢ້ຽມຊົມ, ທັດສະນະສຶກສາຢູ່ເມືອງໂມກເຈົາ. ຂ້າພະເຈົ້າໄດ້ຢ້ຽມຊົມບັນດາສະຖານທີ່ທ່ອງທ່ຽວ, ເຂດຮ່ອງຮອຍປະຫວັດສາດຂອງຫວຽດນາມ, ເມືອງໂມກເຈົາ, ແຂວງເຊີນລາ... ພາຍຫຼັງກັບເມືອປະເທດ, ຂ້າພະເຈົ້າຈະໝູນໃຊ້ບົດຮຽນທີ່ຖອດຖອນມາໄດ້ຈາກການໄປທັດສະນະສຶກສາຄັ້ງນີ້ ເພື່ອຮັບໃຊ້ວຽກງານຂອງຕົນຢູ່ກົມກອງ".
 |
| ພະນັກງານກອງທັບປະຊາຊົນລາວ ໄປຢ້ຽມຊົມຮ່ອງຮອຍປະຫວັດສາດການປະຕິວັດ ຫວຽດນາມ-ລາວ ຢູ່ບ້ານລາວໂຄ, ຕາແສງພຽງຄວາຍ, ເມືອງອຽນເຈົາ, ແຂວງເຊີນລາ. ພາບ: qdnd.vn |
ການໄປຢ້ຽມຊົມ, ທັດສະນະສຶກສາຢູ່ບັນດາທ້ອງຖິ່ນ, ກົມກອງ ໄດ້ປະກອບສ່ວນຍົກສູງຄວາມສາມາດໃນການພົບປະແລກປ່ຽນດ້ວຍພາສາຫວຽດນາມ; ກໍ່ຄືການຮ່ຳຮຽນ, ຖອດຖອນເອົາບົດຮຽນທີ່ດີ, ປະດິດສ້າງຂອງກອງທັບ ແລະປະຊາຊົນແຂວງເຊີນລາ ໃນການກໍ່ສ້າງ ແລະພັດທະນາເສດຖະກິດ-ສັງຄົມ; ປັບປຸງການປ້ອງກັນຊາດ, ປ້ອງກັນຄວາມສະຫງົບ, ທີ່ສາມາດນຳໃຊ້ເໝາະສົມກັບເງື່ອນໄຂຕົວຈິງຂອງປະເທດເພື່ອນ. ຜ່ານນັ້ນ, ກໍ່ປະກອບສ່ວນເພີ່ມທະວີການພົວພັນຮ່ວມມືມິດຕະພາບອັນດີງາມລະຫວ່າງກອງບັນຊາການທະຫານແຂວງເຊີນລາ ກັບກອງບັນຊາການທະຫານບັນດາແຂວງພາກເໜືອລາວ; ລະຫວ່າງແຂວງເຊີນລາ ກັບບັນດາແຂວງຂອງປະເທດ ສປປ ລາວ.
ບູນມີ
