 | ສິງກະໂປ ອະນຸມັດເງື່ອນໄຂນຳເຂົ້າໄຟຟ້າສະອາດຈາກຫວຽດນາມ |
| ຫວຽດນາມ - ສິງກະໂປໄດ້ລົງນາມໃນສັນຍາຮ່ວມມືພັດທະນາ 12 ໂຄງການ VSIP ໃໝ່ |
ນໍ້າໃຈມິດຕະພາບ ຫວຽດນາມ - ສິງກະໂປ ໂດຍຜ່ານການເຊື່ອມສານຂອງລຸ້ນໜຸ່ມ
ອາທິດໜຶ່ງທີ່ຢູ່ຫວຽດນາມ ດ້ວຍປະສົບການຕົວຈິງ ໄດ້ສ້າງຄວາມປະທັບໃຈທີ່ດີ ໃຫ້ແກ່ນັກສຶກສາຕ່າງປະເທດສິງກະໂປ. ພວກນ້ອງໆ ໄດ້ມີໂອກາດເຂົ້າໃຈຫຼາຍຂຶ້ນຕື່ມກ່ຽວກັບປະເທດ, ປະຊາຊົນ, ວັດທະນະທຳຂອງຫວຽດນາມ, ພ້ອມກັນນັ້ນ ກໍ່ໄດ້ໂຄສະນາ ກ່ຽວກັບປະເທດ ແລະປະຊາຊົນສິງກະໂປ ໃຫ້ແກ່ບັນດາເພື່ອນຫວຽດນາມ, ນັ້ນ ແມ່ນການປະກອບສ່ວນ ເຊື່ອມສານ, ບໍາລຸງຄູນສ້າງ ນໍ້າໃຈມິດຕະພາບຂອງສອງປະເທດ.
ນໍ້າໃຈ ໝູ່ເພື່ອນຂອງສອງຝັ່ງຊາຍແດນ
ໃນເດືອນສິງຫາ 2023, ກີ່ແລ່ນ ພ້ອມກັບນັກຮຽນ 19 ຄົນທີ່ມາຈາກສິງກະໂປ ໄດ້ມາຫວຽດນາມ ພາຍໃຕ້ໂຄງການແລກປ່ຽນນັກຮຽນໄລຍະສັ້ນ ລະຫວ່າງ ສະຖາບັນ Raffles ແລະ ໂຮງຮຽນມັດທະຍົມຕອນຕົ້ໜ ແລະຕອນປາຍ ຫງວຽນເຕີດແທງ (ຮ່າໂນ້ຍ). ໃນໄລຍະໜຶ່ງອາທິດຢູ່ຫວຽດນາມ, ກິແລ່ນ ໄດ້ດຳລົງຊີວິດຢູ່ກັບຄອບຄົວຂອງ ລ່ອງວູ້, ນັກຮຽນຊັ້ນ ມໍ 5 (ຫ້ອງ 10) ຢູ່ໂຮງຮຽນ ຫງວຽນເຕີດແທງ. ກີແລນ ໄດ້ປະສົບການ ກັບບົດຮຽນຂອງເພື່ອນຫວຽດນາມ, ໄດ້ຮັບປະທານອາຫານຫວຽດນາມຫຼາຍຢ່າງ, ໄດ້ຮຽນເວົ້າພາສາຫວຽດນາມໂດຍພື້ນຖານ, ແລະ ຝຶກຊ້ອມຮ້ອງເພງ “ໂລກນີ້ແມ່ນເປັນຂອງພວກເຮົາ…”. ຄອບຄົວຂອງລ່ອງວູ້ ໄດ້ພາກີ່ແລ່ນ ໄປຢ້ຽມຢາມສະຖານທີ່ສວຍງາມຫຼາຍແຫ່ງຂອງຮ່າໂນ້ຍ.
ປະສົບກັບ ແຕ່ລະວັນຂອງການດຳລົງຊີວິດຢູ່ ຫວຽດນາມ ໄດ້ກາຍເປັນຄວາມຊົງຈຳ ທີ່ບໍ່ສາມາດຫລົງລືມໄດ້ສຳລັບກີແລ່ນ. ໃນຈົດໝາຍຂອບໃຈ ທີ່ສົ່ງໄປຍັງຄອບຄົວຂອງ ລ່ອງວູ້, ກີ່ແລ່ນ ໄດ້ຂຽນວ່າ “ຂ້າພະເຈົ້າຈະກັບຄືນຫວຽດນາມ!
|
ນໍ່ແມ່ນ (Norman) ກໍ່ມີປະສົບການຫຼາຍຢ່າງ ໃນຂະນະທີ່ດຳລົງຊີວິດກັບຄອບຄົວຂອງ ກວກຢຸ້ງ (Quoc Dung). ຂ້າພະເຈົ້າໄດ້ໄປຢ້ຽມຢາມ ໜອງເຕົ່າ (Hồ Gươm), ວັນມ້ຽວ Văn miếu Quốc Tử Giám ແລະມີອາຫານຫວຽດນາມ...
|
ມື້ທີ່ ນໍແມນ (Norman) ກັບຄືນເມືອບ້ານ, ກວຫຢຸ້ງ (Quoc Dung) ແລະຄອບຄົວນໍແມນ ( Norman) ສຸດທີ່ບໍ່ຢາກຈະຫ່າງໄກເລີຍ. ມາຮອດປະຈຸບັນສອງຄົນ ຍັງຕິດຕໍ່ພົວພັນກັນເປັນປະຈຳ. ພໍ່ແມ່ຂອງ ນໍແມນ (Norman) ກໍ່ໄດ້ຂຽນຈົດໝາຍຂອບໃຈພໍ່ແມ່ກວກຢຸ້ງ (Quoc Dung).
ສືບຕໍ່ຂຽນບົດເພງແຫ່ງມິດຕະພາບ...
ທ່ານນາງ ເລ່ຮຽນ (Le Huyen), ຜູ້ຮັບຜິດຊອບໂຄງການແລກປ່ຽນນັກສຶກສາສາກົນ ຢູ່ສະຖາບັນ Raffles ແລະ ໂຮງຮຽນມັດທະຍົມຕອນຕົ້ນ ແລະຕອນປາຍ ຫງວຽນເຕີດແທງ ໃຫ້ຮູ້ວ່າ: ຫຼາຍກິດຈະກໍາ ການເຄື່ອນໄຫວແລກປ່ຽນນັກສຶກສາ ໄດ້ຮັບການປະສານສົມທົບກັນຢ່າງເປັນປະຈຳ. ບັນດານ້ອງໆນັກສຶກສາ ສິງກະໂປ ໄດ້ມີໂອກາດເຂົ້າໃຈເພີ່ມເຕີມ ກ່ຽວກັບປະເທດ, ປະຊາຊົນ, ວັດທະນະທຳຂອງຫວຽດນາມ ຈາກປະສົບການຕົວຈິງ.
|
ເດັກນ້ອຍກໍ່ມີໂອກາດໄດ້ແລກປ່ຽນ ຄວາມຮູ້ສຶກກ່ຽວກັບ ຫວຽດນາມ ໂດຍຜ່ານບັນດາລາຍການສະແດງກ່ຽວກັບ ລັກສະນະວັດທະນະທໍາຫວຽດນາມ ພາຍຫຼັງການຢ້ຽມຢາມ ແລະ ປະສົບການ. ບັນດາບົດລາຍງານ ຂອງເດັກໆ ໄດ້ສະແດງດ້ວຍຫຼາຍຮູບຫຼາຍແບບ ແລະ ອຸດົມສົມບູນຄື: ປື້ມເອເລັກໂຕຣນິກ ກ່ຽວກັບເຄື່ອງໃຊ້ທີ່ເຮັດດ້ວຍຫີນ ແລະ ເຄື່ອງໝາຍເງິນຫຼຽນບູຮານ ຂອງຊາວ ຫວຽດນາມຢູ່ຫໍພິພິທະພັນ ປະຫວັດສາດແຫ່ງຊາດ. ເດັກໆກໍ່ໄດ້ມີຄໍາສະເໜີ ເພື່ອເຮັດໃຫ້ໝູ່ບ້ານຫັດຖະກຳ ຂອງຫວຽດນາມ ໃຫ້ດຶງດູດນັກທ່ອງທ່ຽວຫຼາຍກວ່າເກົ່າ.
|
ປອ. ທ່ານ ຟາມຊີ້ເກືອງ ອໍານວຍການໂຮງຮຽນມັດທະຍົມຕອນຕົ້ນ ແລະ ມັດທະຍົມຕອນປາຍ ຫງວຽນເຕດແທ່ງ ໃຫ້ຮູ້ວ່າ: ບັນດາການເຄື່ອນໄຫວພົບປະແລກປ່ຽນ, ປະສົບການຂອງຄູອາຈານ, ນັກຮຽນຂອງສະຖາບັນ Raffles ຂອງໂຮງຮຽນມັດທະຍົມຕອນຕົ້ນ ແລະ ມັດທະຍົມຕອນປາຍ ຫງວຽນເຕີດແທ່ງ ໄດ້ເປັນຂີດໝາຍທີ່ສໍາຄັນ ແລະ ມີຄວາມສຸກ. ນັກສຶກສາຂອງທັງສອງໂຮງຮຽນມີໂອກາດເຂົ້າໃຈເພີ່ມເຕີມ ກ່ຽວກັບປະຫວັດສາດ ແລະ ວັດທະນະທໍາ ຂອງສອງປະເທດ ແລະແລກປ່ຽນທັກສະພາສາອັງກິດຂອງເຂົາເຈົ້າ.
ປອ. ທ່ານ ຟາມຊີ້ເກືອງ ເວົ້າ: “ດ້ວຍການປະກອບສ່ວນຂອງຄົນລຸ້ນໜຸ່ມ, ນໍ້າໃຈສາຍພົວພັນມິດຕະພາບ ລະຫວ່າງ ສອງໂຮງຮຽນ ກໍ່ຄືສອງປະເທດຫວຽດນາມ - ສິງກະໂປ ຈະນັບມື້ນັບແໜ້ນແຟ້ນດົນນານ ແລະ ຍືນຍົງ
ອານຸໄຊ ສະຫວັດ
