| ໂຮງຮຽນ ມສ ຫງວຽນຢູ ສອງພາສາລາວ-ຫວຽດນາມ ເປີດສົກຮຽນໃໝ່ | |
| ພະແນກຍຸຕິທຳແຂວງແຄ໋ງຮ່ວາ ເພີ່ມທະວີການແລກປ່ຽນວິຊາຊີບ ກັບພະແນກຍຸຕິທຳແຂວງອັດຕະປື ແລະ ແຂວງຈຳປາສັກ (ລາວ) |
ຂອງຂວັນພິເສດຈາກຫວຽດນາມ ມອບໃຫ້ແກ່ປະຊາຊົນລາວ
ເຊົ້າມື້ໜຶ່ງໃນຕົ້ນອາທິດ, ຢູ່ເດີ່ນໂຮງຮຽນ ມສ ກິນນອນຊົນເຜົ່າ ແຂວງຈຳປາສັກ (ປະເທດລາວ), ສຽງອ່ານບົດຮຽນ, ສຽງຫົວ ແລະ ສຽງໂອ້ລົມກັນຂອງຄູ-ອາຈານ ແລະ ນັກຮຽນດັງຂຶ້ນ. ສິ່ງທີ່ພິເສດໃນໂຮງຮຽນນີ້ຂອງນັກຮຽນຊັ້ນມັດທະຍົມຕແນຕົ້ນ ແລະ ຕອນປາຍ ນີ້ແມ່ນມີພາສາຫວຽດນາມ ແລະ ພາສາລາວ.
ນອກຈາກຄູສອນທີ່ເປັນຄົນລາວແລ້ວ, ບັນດາອາຈານສອນພາສາຫວຽດນາມ ກໍເປັນທັງຄູອາຈານ, ເປັນຄົນຮ່ວມເດີນທາງຊ່ວຍໃຫ້ບັນດານັກສຶກສາລາວຄ່ອຍໆເຊື່ອມຕົວ, ທຳຄວາມລື້ງເຄີຍກັບພາສາ ແລະ ສິ່ງແວດລ້ອມໃໝ່. ຈາກນັ້ນ, ກໍ່ໄດ້ສ້າງປະຖົມປັດໄຈໃນການຮ່ຳຮຽນ, ປະກອບຄວາມຮູ້ໃຫ້ນ້ອງໆນັກຮຽນ.
ໂຮງຮຽນ ມສ ກິນນອນຊົນເຜົ່າ ແຂວງຈຳປາສັກ ເປັນຂອງຂວັນພິເສດຈາກລັດຖະບານຫວຽດນາມ ມອບໃຫ້ລາວ ນັບແຕ່ປີ 1997, ເລີ່ມກໍ່ສ້າງແຕ່ປີ 1998 ແລະ ໄດ້ເລີ່ມນຳເຂົ້າເຄື່ອນໄຫວແຕ່ວັນທີ 1 ກັນຍາ 1999 ເປັນຕົ້ນມາ.
 |
| ໂຮງຮຽນ ມສ ກິນນອນຊົນເຜົ່າ ແຂວງຈຳປາສັກ ໃນຊົ່ວໂມງຮຽນທຳອິດຂອງອາທິດ. ພາບ: ເຊີ່ມຫງວຽນ |
ໂຮງຮຽນມີເນື້ອທີ່ກວ້າງ 4,7 ເຮັກຕາ, ມີຫ້ອງຮຽນຢ່າງພຽງພໍ, ມີຫ້ອງການຄູ, ຫ້ອງທົດລອງ, ຫ້ອງຄອມພິວເຕີ, ສະໂມສອນ, ຫໍສະໝຸດ, ຫ້ອງຄົວກິນ, ຫໍພັກສຳລັບນັກຮຽນຍິງ, ຫໍພັກນັກຮຽນຊາຍ ແລະ ຫໍພັກຄູສອນຫວຽດນາມ. ນອກນີ້, ໂຮງຮຽນຍັງມີສະໜາມກິລາບານເຕະ, ເດີ່ນບານສົ່ງ, ສວນຜັກ, ຄອກລ້ຽງໄກ່ ແລະ ລ້ຽງໝູ... ເພື່ອໃຫ້ນັກຮຽນກິນນອນເຫັນວ່າ ນີ້ເປັນເຮືອນຫຼັງທີສອງຂອງເຂົາເຈົ້າແທ້ໆ ແລະ ໄດ້ມີໂອກາດຝຶກຝົນອາຊີບປູກຝັງລ້ຽງສັດ ແລະ ຫຼິ້ນກິລາຢ່າງໄດ້ຢ່າງສະດວກສະບາຍ.
ໂຮງຮຽນໄດ້ເປັນກຽດຕ້ອນຮັບ ທ່ານອະດີດເລຂາທິການໃຫຍ່ພັກກອມມູນິດຫວຽດນາມ ນົງດຶກແມ້ງ ມາຢ້ຽມຢາມ. ທ່ານອະດີດເລຂາທິການໃຫຍ່ ນົງດຶກແມ້ງ ໄດ້ປູກຕົ້ນໂພ ໃນວັນທີ 12 ກໍລະກົດ 2001 ເພື່ອນຳມາເຊິ່ງສານທີ່ວ່າ ສະຖານທີ່ແຫ່ງນີ້ຈະເຕົ້າໂຮມບັນດາສິ່ງທີ່ດີງາມ ແລະ ຄວາມສະຫງົບສຸກ. ມາຮອດປະຈຸບັນ, ຕົ້ນໂພມີໃບຂຽວອຸ່ມທຸ່ມ ແລະ ເປັນບ່ອນໃຫ້ຄູອາຈານ ແລະ ນັກຮຽນໄດ້ເຮັດກິດຈະກຳພາຍຫຼັງໂມງເລິກໂຮງຮຽນ.
ວັນທີ 23 ກໍລະກົດ 2008, ໂຮງຮຽນຍັງໄດ້ໃຫ້ການຕ້ອນຮັບ ທ່ານອະດີດປະທານສະພາແຫ່ງຊາດສາທາລະນະລັດ ສັງຄົມນິຍົມຫວຽດນາມ ຫງວຽນຊິງຮຸ່ງ ມາຢ້ຽມຢາມ ແລະ ມອບຂອງຂວັນທີ່ລະນຶກ.
ເມື່ອບໍ່ດົນມານີ້, ວັນທີ 17 ພຶດສະພາ 2023, ໂຮງຮຽນໄດ້ມີຄວາມເປັນກຽດຕ້ອນຮັບ ທ່ານປະທານສະພາແຫ່ງຊາດສາທາລະນະລັດສັງຄົມນິຍົມ ຫວຽດນາມ ເວືອງດິ່ງເຫ້ວ ມາຢ້ຽມຢາມ ແລະ ປູກຕົ້ນດອກດອກຈຳປາເປັນທີ່ລະນຶກໃນຂອບເຂດໂຮງຮຽນ.
ໂຮງຮຽນ ມສ ກິນນອນຊົນເຜົ່າ ແຂວງຈຳປາສັກ ປະກອບມີ 2 ຊັ້ນຮຽນຄື: ໂຮງຮຽນມັດທະຍົມຕອນຕົ້ນ ແລະ ມັດທະຍົມຕອນປາຍ. ນັກຮຽນຂອງໂຮງຮຽນແມ່ນມາຈາກ 18 ຊົນເຜົ່າ ແລະ 4 ແຂວງພາກໃຕ້ຂອງລາວ (ຈໍາປາສັກ, ເຊກອງ, ອັດຕາປື, ສາລະວັນ). ມີນັກຮຽນຫຼາຍກວ່າ 800 ຄົນ, ໂຮງຮຽນໄດ້ແບ່ງອອກເປັນ 20 ຫ້ອງຮຽນ (ແຕ່ຊັ້ນ ມໍ 1 ຫາ ມໍ 7).
ໃນຊຸມປີມໍ່ໆມານີ້, ໂຮງຮຽນ ມສ ກິນນອນຊົນເຜົ່າ ແຂວງຈຳປາສັກ ບັນລຸໄດ້ຜົນສຳເລັດຫຼາຍດ້ານໃນການຮຽນ - ການສອນ, ໄດ້ຮັບໃບຍ້ອງຍໍຈາກແຂວງຈໍາປາສັກ.
ໂຮງຮຽນມິດຕະພາບທົ່ວປະເທດລາວ
ບໍ່ພຽງແຕ່ມີໂຮງຮຽນ ມສ ກິນນອນຊົນເຜົ່າ ແຂວງຈຳປາສັກ ເທົ່ານັ້ນ, ແຕ່ຍັງມີໂຮງຮຽນມິດຕະພາບ ຫວຽດນາມ - ລາວ ທົ່ວປະເທດລາວ ນຳອີກ.
ໂຄງການ ໂຮງຮຽນ ມັດທະຍົມສົມບູນ ສີທານາໄຊ ແຂວງ ບໍລິຄຳໄຊ, ປະເທດ ລາວ ແມ່ນຂອງຂວັນຂອງ ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ໃນການໄປຢ້ຽມຢາມ ສປປ ລາວ ໃນເດືອນ ພະຈິກ 2016. ດ້ວຍງົບ 30 ຕື້ດົ່ງ, ໂຮງຮຽນໄດ້ຮັບການກໍ່ສ້າງດ້ວຍ 4 ຊັ້ນທີ່ກວ້າງຂວາງ ໃນນັ້ນ ມີຫ້ອງຮຽນ 8 ຫ້ອງ, ຫ້ອງທົດລອງ 2 ຫ້ອງ, ຫ້ອງເຮັດວຽກຄຸອາຈານ 8 ຫ້ອງ, ຫ້ອງນ້ຳ, ລະບົບໄຟຟ້າ, ລະບົບລະບາຍນ້ຳ ແລະ ລະບົບປ້ອງກັນອັກຄີໄພ. ບັນດາຫ້ອງຮຽນ ແລະ ຫ້ອງການມີໂຕະ, ຕັ່ງ, ຕູ້ເອກະສານ ແລະ ບັນດາອຸປະກອນ, ເຄື່ອງມືໃນການເຮັດທົດລອງຮັບໃຊ້ການຮ່ຳຮຽນ, ການຄົ້ນຄວ້າ ແລະ ການສິດສອນ.
ກໍ່ເຊັ່ນດຽວກັນ, ໂຮງຮຽນມັດທະຍົມສົມບູນ ດົງສະຫວັນ ກໍ່ເປັນຂອງຂວັນຂອງລັດຫວຽດນາມ ມອບໃຫ້ແກ່ປະຊາຊົນເມືອງເຊໂປນ ແຂວງສະຫວັນນະເຂດ ດ້ວຍມູນຄ່າການກໍ່ສ້າງທັງໝົດ 1,1 ລ້ານ USD (ເທົ່າກັບປະມານ 23 ຕື້ດົ່ງ). . ນີ້ແມ່ນຂອງຂວັນທີ່ມີຄວາມໝາຍຂອງລັດ ຫວຽດນາມ ມອບໃຫ້ປະຊາຊົນເມືອງເຊໂປນ ແຂວງສະຫວັນນະເຂດ ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 35 ປີແຫ່ງວັນລົງນາມສັນຍາມິດຕະພາບ ແລະ ການຮ່ວມມື ຫວຽດນາມ - ລາວ.
ດ້ວຍຍອດຈຳນວນເງິນລົງທຶນ 120 ຕື້ດົ່ງ, ໂຮງຮຽນມັດທະຍົມບຸນເໜືອ ເມືອງບຸນເໜືອ, ແຂວງຜົ້ງສາລີ, ພາກເໜືອຂອງລາວ ກໍ່ແມ່ນໂຄງການເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ ແລະ ຄົບຮອບ 40 ປີ ແຫ່ງວັນລົງນາມສັນຍາມິດຕະພາບ ແລະ ການຮ່ວມມື ຫວຽດນາມ - ລາວ.
ໂຮງຮຽນອະນຸບານບ້ານ ເຢາະ ເປັນຂອງຂວັນຂອງສະຖານທູດຫວຽດນາມ ປະຈຳລາວ ແລະ ບໍລິສັດ PVOil Laos ມອບໃຫ້ອຳນາດການປົກຄອງບ້ານເຢາະ, ເມືອງບຸນເໜືອ, ແຂວງຜົ້ງສາລີ.
ໃນປີ 2023, ໂຮງຮຽນຫຼາຍແຫ່ງທີ່ເປັນຂອງຂວັນຈາກພັກ, ລັດ ແລະປະຊາຊົນຫວຽດນາມ ມອບໃຫ້ພັກ, ລັດ ແລະປະຊາຊົນລາວ ໄດ້ນຳເຂົ້າເຄື່ອນໄຫວ. ນັ້ນແມ່ນໂຮງຮຽນມັດທະຍົມ ວິຊາຊີບຕົວແບບ ມິດຕະພາບ ລາວ - ຫວຽດນາມ ຢູ່ເມືອງໜອງບົກ ແຂວງຄຳມ່ວນ (ພາກກາງລາວ) ດ້ວຍຍອດຈຳນວນເງິນລົງທຶນ 5 ລ້ານ USD; ໂຮງຮຽນວັດທະນະທຳຊົນເຜົ່າກິນນອນ ກອງທັບປະຊາຊົນລາວ, ມີເນື້ອທີ່ກໍ່ສ້າງ 6.822 ຕາແມັດ, ຕາມວັດຖຸອຸປະກອນໃນການນຳໃຊ້ ແລະ ປະກອບເຄື່ອງເຟີນີສຳລັບໂຮງຮຽນມັດທະຍົມກິນນອນ... ນອກນີ້, ຍັງມີໂຮງຮຽນອື່ນໆອີກຫຼາຍແຫ່ງທີ່ບັນດາແຂວງ, ນະຄອນ, ທ້ອງຖິ່ນ, ວິສາຫະກິດຫວຽດນາມ ໄດ້ມອບໃຫ້ລາວ.
ໂດຍເນັ້ນໜັກເຖິງຄວາມສຳຄັນຂອງສະໜອງການສຶກສາທີ່ມີຄຸນນະພາບ, ນຳມາເຊິ່ງຄວາມຮູ້ ແລະ ທັກສະທີ່ຈຳເປັນໃຫ້ເດັກນ້ອຍ ເພື່ອສືບຕໍ່ພັດທະນາປະເທດລາວ, ບັນດາອົງການຄຸ້ມຄອງດ້ານການສຶກສາ, ຄູອາຈານ, ນັກຮຽນ ແລະ ປະຊາຊົນທ້ອງຖິ່ນ ລ້ວນແຕ່ສະແດງຄວາມຂອບໃຈລັດຖະບານ ແລະ ປະຊາຊົນ ຫວຽດນາມ ທີ່ຍາມໃດກໍ່ເອົາໃຈໃສ່ໜູນຊ່ວຍພັດທະນາການສຶກສາ, ພື້ນຖານໂຄງລ່າງໃນລາວ. ປະຊາຊົນສອງປະເທດເອີ້ນນີ້ແມ່ນບັນດາໂຮງຮຽນແຫ່ງຄວາມສາມັກຄີ, ມິດຕະພາບ ຫວຽດນາມ - ລາວ.
ດີງເລື້ອງ
