| ວິສາຫະກິດລາວ ແລະ ໄທ ມີຄວາມສົນໃຈໃນການລົງທຶນການທ່ອງທ່ຽວທາງທະເລຢູ່ກວາງຈີ ສສ ຫວຽດນາມ | |
| ຫວຽດນາມເຂົ້າຮ່ວມກອງປະຊຸມສະພາສາສະໜາອາຊຽນ ແລະ ສ.ເກົາຫຼີ (ACT+1) |
ບົດລາຍງານທີ່ສະເໜີຢູ່ກອງປະຊຸມໄດ້ຊີ້ແຈ້ງວ່າ: ອາຍຸການ 2023-2028, ສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງບັກຢາງ ໄດ້ກຳນົດເອົາບັນດາໜ້າທີ່ສຳຄັນຄື: ຕັ້ງໜ້າກໍ່ສ້າງ ແລະ ເພີ່ມທະວີການພົວພັນມິດຕະພາບ ແລະ ການຮ່ວມມື; ເປັນຂົວຕໍ່ ແລະ ໜູນຊ່ວຍບັນດາວິສາຫະກິດຂອງແຂວງ ສ້າງຕັ້ງການພົວພັນຮ່ວມມືດ້ານການຄ້າ ແລະ ການລົງທຶນ; ໜູນຊ່ວຍດ້ານການສຶກສາ ແລະ ການກຸສົນສັງຄົມ.
 |
| ຄະນະບໍລິຫານງານ ສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງບັກຢາງ ສະໄໝທີ III. (ພາບ: ໜັງສືພິມ ບັກຢາງ) |
ໂດຍມີການຂຸດຄົ້ນແຫຼ່ງການຊ່ວຍເຫຼືອຂອງບັນດາອົງການລັດຖະບານ ແລະ ອົງການບໍ່ຂຶ້ນກັບລັດຖະບານຢ່າງມີປະສິດທິຜົນ; ສົມທົບປຶກສາຫາລື ແລະ ແນະນຳໃຫ້ຊາວໜຸ່ມໃນແຂວງໄປຮ່ຳຮຽນ ຫຼື ເຮັດວຽກຢ່າງຖືກຕ້ອງຕາມກົດໝາຍຢູ່ ສ.ເກົາຫຼີ. ເປັນເສນາທິການກັບສະຫະພັນບັນດາອົງການມິດຕະພາບແຂວງບັກຢາງ ສົມທົບກັບບັນດາຫົວໜ່ວຍທີ່ກ່ຽວຂ້ອງ ສຳຫຼວດ ແລະ ກໍ່ສ້າງຮາກຖານຂໍ້ມູນກ່ຽວກັບຊາວແຂວງບັກຢາງ ຢູ່ ສ.ເກົາຫຼີ, ເປັນພື້ນຖານເສນາທິການກໍ່ສ້າງໂຄງການວຽກງານ ແລະ ດຶງດູດຊາວແຂວງບັກຢາງ ທີ່ຢູ່ ສ.ເກົາຫຼີ ກັບເມືອຫາບ້ານເກີດເມືອງນອນ.
ກ່າວຄຳເຫັນທີ່ກອງປະຊຸມໃຫຍ່, ທ່ານຫົວໜ້າຄະນະຂົນຂວາຍປະຊາຊົນແຂວງບັກຢາງ ປາດຖະໜາວ່າ ສະມາຄົມຕ້ອງຍົກສູງປະສິດທິຜົນການເຄື່ອນໄຫວວຽກງານການຕ່າງປະເທດໃນສະພາບການໃໝ່, ຮັບປະກັນຄວາມອຸດົມສົມບູນ, ຫຼາຍຮູບແບບ, ແທດຈິງ ແລະ ມີປະສິດທິຜົນ.
ຄົ້ນຄວ້າ ແລະ ພັດທະນາສາຂາມິດຕະພາບຢູ່ບັນດາອົງການ, ຫົວໜ່ວຍ, ໂຮງຮຽນ, ວິສາຫະກິດ ສ.ເກົາຫຼີ ທີ່ກຳລັງເຄື່ອນໄຫວຢູ່ເຂດດັ່ງກ່າວ ເພື່ອຫັນເປັນສະມາຄົມໜຸ່ມແໜ້ນ ແລະ ເພີ່ມທະວີຄວາມສຳພັນ. ເຮັດວຽກງານພັດທະນາສະມາຊິກໃຫ້ເປັນຢ່າງດີ, ໂດຍສະເພາະແມ່ນສະມາຊິກກິດຕິມະສັກທີ່ເປັນຊາວ ສ.ເກົາຫຼີ ທີ່ພວມດຳລົງຊີວິດ ແລະ ເຮັດວຽກຢູ່ແຂວງບັກຢາງ.
ຍູ້ແຮງການເຄື່ອນໄຫວເຊື່ອມຕໍ່ ແລະ ໜູນຊ່ວຍປະຊາຄົມວິສາຫະກິດ 2 ປະເທດ ຄົ້ນຫາໂອກາດຮ່ວມມື, ລົງທຶນ ແລະ ດຳເນີນທຸລະກິດ. ຄົ້ນຄວ້າສ້າງເຂດວັດທະນະທໍາ ຫວຽດນາມ - ສ.ເກົາຫຼີ ຢູ່ວິທະຍາໄລເຕັກນິກຫວຽດນາມ - ສ.ເກົາຫຼີ, ທັງຮັດແໜ້ນນ້ຳໃຈສາມັກຄີ, ສ້າງຈຸດພົ້ນເດັ່ນໃນການເຄື່ອນໄຫວຂອງສະມາຄົມ.
ກອງປະຊຸມໄດ້ເລືອກຕັ້ງເອົາຜູ້ແທນ 11 ທ່ານເຂົ້າໃນຄະນະບໍລິຫານງານສະມາຄົມມິດຕະພາບ ຫວຽດນາມ - ສເກົາຫຼີ ແຂວງບັກຢາງ ອາຍຸການ 2023 - 2028. ທ່ານ ຫງວຽນກົງທົງ, ອຳນວຍການວິທະຍາໄລເຕັກໂນໂລຊີຫວຽດນາມ - ສ.ເກົາຫຼີ, ປະທານສະມາຄົມມິດຕະພາບ ຫວຽດນາມ - ສ.ເກົາຫຼີ ສະໄໝທີ II ໄດ້ຮັບການເລືອກຕັ້ງເປັນປະທານສະມາຄົມສະໄໝທີ III.
ດີງເລື້ອງ
