| ສູນກາງແນວລາວສ້າງຊາດ ເນັ້ນໜັກໃນການເຕົ້າໂຮມ ຄວາມສາມັກຄີປອງດອງ ໃຫ້ເປັນປຶກແຜ່ນແໜ້ນໜາ | |
| ທ່ານ ປອ ໄຊສົມພອນ ພົມວິຫານ ປະທານ ສູນກາງແນວລາວສ້າງຊາດ ຢ້ຽມຢາມພະນັກງານຫຼັກແຫຼ່ງ ເມືອງນອງ. |
ວັນທີ 27 ຕຸລາ, ສະຫາຍ ອ໋ອດ ພົງສະຫວັນ, ຮອງປະທານບໍ່ປະຈໍາການສູນກາງແນວລາວສ້າງຊາດ ໄດ້ນຳໜ້າຄະນະຜູ້ແທນສູນກາງແນວລາວສ້າງຊາດ ມາຢ້ຽມຢາມ ແລະເຮັດວຽກຢູ່ ແຂວງດັກນົງ.
 |
| ຄະນະຜູ້ແທນແນວລາວສ້າງຊາດ ເຮັດວຽກຢູ່ແຂວງດັກນົງ. ພາບ: baodaknong.vn |
ຕາງໜ້າຄະນະປະຈຳພັກແຂວງ, ທ່ານ ໂຮ່ວັນເມື່ອຍ, ຮອງເລຂາພັກແຂວງ, ປະທານຄະນະກຳມະການປະຊາຊົນແຂວງດັກນົງ ໃຫ້ຮູ້ວ່າ ແຂວງດັກນົງ ພ້ອມແລ້ວທີ່ຈະແບ່ງປັນບົດຮຽນປະສົບການໃຫ້ຝ່າຍລາວ ໃນຂົງເຂດທີ່ແຂວງມີທ່າແຮງ ຄື: ກະສິກຳ, ປ່າໄມ້ ແລະອຸດສາຫະກຳ. ທາງຝ່າຍລາວ ຕ້ອງແນະນຳຄວາມສາມາດບົ່ມຊ້ອນ, ບັນດາຜະລິດຕະພັນທີ່ເປັນເອກະລັກສະເພາະຂອງຕົນ ເພື່ອໃຫ້ແຂວງດັກນົງ ຊອກຮູ້ ແລະຄົ້ນຄ້ວາລະອຽດ.
ຄະນະຜູ້ແທນສູນກາງແນວລາວສ້າງຊາດ ຫວັງວ່າ ແຂວງດັກນົງ ຈະແບ່ງປັນບົດຮຽນປະສົບການໃນຂົງເຂດກະສິກຳ, ປຸງແຕ່ງຜະລິດຕະພັນກະເສດ ແລະຂະແໜງການກ່ຽວທີ່ຂ້ອງອື່ນໆ; ສ້າງເງື່ອນໄຂໃຫ້ຄະນະ ໄປທັດສະນະສຶກສາເພື່ອຖອດຖອນບົດຮຽນປະສົບການ ແລະຝຶກອົບຮົມບາງຮູບແບບພັດທະນາກະສິກຳຊົນນະບົດ; ພິຈາລະນາໜູນຊ່ວຍເຄື່ອງຈັກ, ອຸປະກອນ, ເບ້ຍໄມ້, ແນວພັນສັດລ້ຽງ ...
ນອກຈາກນັ້ນ, ຄະນະຜູ້ແທນສູນກາງແນວລາວສ້າງຊາດ ກໍ່ຫວັງວ່າ ແຂວງດັກນົງ ຈະສ້າງເງື່ອນໄຂເພື່ອໃຫ້ແນວໂຮມປະເທດຊາດແຂວງດັກນົງ ແລະ ແນວລາວສ້າງຊາດ ໄດ້ຮຽນຮູ້ ແລະແລກປ່ຽນບົດຮຽນເຊິ່ງກັນ ແລະກັນ; ມຸ່ງໄປເຖິງການລົງນາມໃນເນື້ອໃນ, ໂຄງການຮ່ວມມືລະຫວ່າງສອງຝ່າຍ.
ບູນມີ
