| ກຳມະບານອຸດສາຫະກຳ ແລະ ການຄ້າ ຫວຽດນາມ ສະຫຼຸບ 20 ປີແຫ່ງການຮ່ວມມືໃນການກໍ່ສ້າງພະນັກງານກຳມະບານລາວ | |
| ສັບປະດາວັດທະນະທໍາ ແລະ ການທ່ອງທ່ຽວ ພາກຕາເວັນຕົກສ່ຽງເຫນືອ ຫວຽດນາມ ແລະ ນະຄອນໂຮ່ຈີມິນ ຢູ່ ສປປ.ລາວ |
ວັນທີ 28 ຕຸລາ 2023, ຢູ່ຫໍວັດທະນະທຳສິລະປະແຫ່ງຊາດລາວ, ນະຄອນຫຼວງວຽງຈັນ ໄດ້ດໍາເນີນລາຍການ “ເວທີປາໄສພົບປະແລກປ່ຽນເຊື່ອມຕໍ່ວັດທະນະທຳ-ການທ່ອງທ່ຽວ-ການຄ້າ ຫວຽດນາມ - ລາວ ປີ 2023”.
ໃນໄລຍະຜ່ານມາ, ການຮ່ວມມືດ້ານການສຶກສາກໍ່ສ້າງ, ວັດທະນະທຳ, ການທ່ອງທ່ຽວ ລະຫວ່າງສອງປະເທດນັບມື້ນັບໄດ້ຮັບການເພີ່ມທະວີ, ເປັນຕົ້ນແມ່ນພາຍຫຼັງທີ່ສອງປະເທດຄວບຄຸມການແຜ່ລະບາດຂອງພະຍາດໄດ້ເປັນຢ່າງດີ ແລະເປີດປະຕູຄືນໃໝ່. ໃນປີ 2023, ຫວຽດນາມ ສືບຕໍ່ສະຫງວນທຶນການສຶກສາໃຫ້ນັກຮຽນ ນັກສຶກສາລາວ ໄປຮໍ່າຮຽນຢູ່ຫວຽດນາມ 1.100 ທຶນ ແລະ ລາວສະຫງວນໃຫ້ຫວຽດນາມ 60 ທຶນ. ນອກຈາກນັ້ນ, ການຮ່ວມມືລະຫວ່າງບັນດາທ້ອງຖິ່ນທີ່ມີເສັ້ນຊາຍແດນຮ່ວມກັນ ກໍ່ສືບຕໍ່ໄດ້ຮັບການເພີ່ມທະວີ, ພິເສດແມ່ນການກໍ່ສ້າງພື້ນຖານໂຄງລ່າງ, ການສົ່ງເສີມສຸຂະພາບ, ບໍາລຸງສ້າງ ແລະພັດທະນາຊັບພະຍາກອນມະນຸດ...
 |
| ລາຍການຟ້ອນສາຍໃຈຫວຽດ-ລາວ ໂດຍຄະນະສິລະປະແຫ່ງຊາດລາວ ສະແດງ. ພາບ: vanhoavaphattrien.vn |
ນີ້ແມ່ນການເຄື່ອນໄຫວແລກປ່ຽນປະຈຳປີ ເພື່ອແນໃສ່ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດຫວຽດນາມ - ລາວ ໃຫ້ເລິກເຊິ່ງກວ້າງຂວາງ. ລາຍການຈະແມ່ນຂົວຕໍ່ເພື່ອໃຫ້ບັນດານັກທຸລະກິດ, ວິສາຫະກິດ, ນັກເຄື່ອນໄຫວວັດທະນະທຳສັງຄົມຂອງຫວຽດນາມ ໄດ້ພົບປະ, ແລກປ່ຽນວັດທະນະທຳ-ການທ່ອງທ່ຽວ-ການຄ້າ, ແລກປ່ຽນ, ຊອກຫາກາລະໂອກາດຮ່ວມມືລົງທຶນ, ເພີ່ມທະວີການແລກປ່ຽນການຄ້າ, ການທູດປະຊາຊົນລະຫວ່າງສອງປະເທດຫວຽດນາມ ແລະລາວ, ພັດທະນາການເຊື່ອມໂຍງປະຊາຄົມເສດຖະກິດໃນພາກພື້ນ ກໍ່ຄືນອກທະວີບ.
ບູນມີ
