| ກອງປະຊຸມສຸດຍອດອາຊຽນຄັ້ງທີ 43 ໄດ້ປຶກສາຫາລືກ່ຽວກັບທະເລຕາເວັນອອກ | |
| ຫວຽດນາມ ສືບຕໍ່ຢັ້ງຢືນຫຼັກການແກ້ໄຂການຂັດແຍ້ງກັນຢູ່ທະເລຕາເວັນອອກ |
ໃນຖານະເປັນຜູ້ທີ່ມີການຄົ້ນຄວ້າຫຼາຍປີ ກ່ຽວກັບພູມສາດການເມືອງຢູ່ພາກພື້ນອາຊີ - ປາຊີຟິກ ແລະ ມີຫຼາຍຄັ້ງເຂົ້າຮ່ວມກອງປະຊຸມສາກົນກ່ຽວກັບທະເລຕາເວັນອອກ, ທ່ານສາດສະດາຈານ Carl Thayer, ວິທະຍາຄານປ້ອງກັນປະເທດ ອົດສະຕາລີ ໃຫ້ຮູ້ວ່າ: ຫວຽດນາມ ເພີ່ມທະວີການປັບປຸງບັນດາເນື້ອໃນກອງປະຊຸມເພື່ອແນໃສ່ສຸມໃສ່ ກ່ຽວກັບບັນຫາທີ່ເປັນຫ່ວງຂອງປະຊາຄົມສາກົນ. ຫົວຂໍ້ກອງປະຊຸມຂອງແຕ່ລະປີ ໄດ້ສຸມໃສ່ບັນຫາທີ່ແຕກຕ່າງກັນ, ຜູ້ແທນຍັງໄດ້ຮຽນຮູ້ຕື່ມອີກ ແລະ ລົງເລິກບັນຫາທີ່ກອງປະຊຸມຍົກອອກມາ. ກອງປະຊຸມຄັ້ງນີ້ໄດ້ມີການເຂົ້າຮ່ວມຂອງຜູ້ຕາງຫນ້າຂອງກອງຕຳຫຼວດທະເລເອີຣົບ.
ຕາມທ່ານສາດສະດາຈານ Carl Thayer ແລ້ວ, ສຳລັບບັນຫາໃດໜຶ່ງຢູ່ທະເລຕາເວັນອອກ, ຄວາມຄາດຫວັງບໍ່ທັນບັນລຸໄດ້ ແລະ ຄວາມຄືບໜ້າແມ່ນຂ້ອນຂ້າງຊັກຊ້າ. ແນວໃດກໍດີ, ອິນໂດເນເຊຍ ໃນຖານະເປັນປະເທດປະທານອາຊຽນ ໄດ້ຊີ້ນຳຊຸກຍູ້ການປຶກສາຫາລື, ຫວັງວ່າບັນຫາດັ່ງກ່າວ ຈະໄດ້ຮັບການປະຕິບັດໂດຍປະທານອາຊຽນໃນຄັ້ງຕໍ່ໄປ ແມ່ນປະເທດຟີລິບປິນ...
 |
| ທ່ານສາດສະດາຈານ Carl Thayer, ວິທະຍາຄານປ້ອງກັນປະເທດ ອົດສະຕາລີ |
ຕາມທ່ານສາດສະດາຈານແລ້ວ, ກົດໝາຍສາກົນຕາງໜ້າໃຫ້ແກ່ຜົນປະໂຫຍດຂອງປະຊາຄົມສາກົນ, ໃຫ້ບຸລິມະສິດການແກ້ໄຂຄວາມຂັດແຍ່ງດ້ວຍມາດຕະການທາງການທູດ. ກົດໝາຍສາກົນບໍ່ໄດ້ຖືກນຳໃຊ້ຄືກາຍເປັນອາວຸດ ເພື່ອເສີມຂະຫຍາຍຄວາມໝັ້ນຄົງແຫ່ງປະເທດຊາດ, ແຕ່ແມ່ນເພື່ອຊີ້ແຈງ ແລະ ຊີ້ນຳພຶດຕິກຳຂອງປະເທດຊາດ...
ແລກປ່ຽນຄວາມຄິດເຫັນ, ສາດສະດາຈານ Rober Beckman, ສູນກົດໝາຍສາກົນ, ມະຫາວິທະຍາໄລແຫ່ງຊາດສິງກະໂປ ໄດ້ກ່າວວ່າ, ກອງປະຊຸມມີປະໂຫຍດ ແລະ ໜ້າສົນໃຈ ເພາະສິ່ງທີ່ນັກຊ່ຽວຊານສາກົນໄດ້ປຶກສາຫາລືຢູ່ໃນກອງປະຊຸມຢ່າງເປັນທາງການ ກໍ່ຄືຢູ່ຂ້າງນອກ ມີຄວາມສຳຄັນຫຼາຍ. ບັນດາຜູ້ແທນຫວັງວ່າ ຈະໄດ້ຮັບຄວາມເຂົ້າໃຈທີ່ດີກວ່າ, ພິເສດແມ່ນນັກວິຊາການຈາກເອີລົບ ແລະ ນອກອາຊີຕາເວັນອອກສ່ຽງໃຕ້, ກ່ຽວກັບຄວາມຫຍຸ້ງຍາກ ແລະ ສິ່ງທ້າທາຍທີ່ກ່ຽວຂ້ອງເຖິງການພິພາດຢູ່ທະເລຕາເວັນອອກ.
ກ່ອນໜ້ານັ້ນ, ກ່າວຄຳເຫັນທີ່ກອງປະຊຸມ, ທ່ານໂດຫຸ່ງຫວຽດ, ຮອງລັດຖະມົນຕີກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: ໃນ 15 ປີຜ່ານມາ, ກອງປະຊຸມການສຳມະນາທະເລຕາເວັນອອກ ໄດ້ກາຍເປັນເວທີປາໄສທີ່ເປີດເຜີຍ, ກົງໄປກົງມາ ແລະ ເປັນມິດເພື່ອໃຫ້ບັນດາຜູ້ຊ່ຽວຊານສາກົນຊຸກຍູ້ຄວາມເຂົ້າໃຈທົ່ວໄປ ແລະ ຮັດແຄບຄວາມແຕກຕ່າງ. ກອງປະຊຸມໄດ້ປະກອບສ່ວນຊຸກຍູ້ຄວາມໂປ່ງໃສ, ສ້າງເຄືອຂ່າຍລະຫວ່າງນັກຊ່ຽວຊານໃນຂົງເຂດຕ່າງໆ ແລະ ສ້າງເວທີປາໄສແລກປ່ຽນຄວາມຄິດຄວາມເຫັນຢູ່ພາກພື້ນ; ແມ່ນການສັງລວມຄວາມກຳລັງພົນຂອງການຮ່ວມມື ແລະ ຫຼຸດຜ່ອນຄວາມສ່ຽງ, ຫັນທະເລຕາເວັນອອກເປັນທະເລຮ່ວມມື, ບໍ່ແມ່ນການປະທະກັນ, ແມ່ນທະເລເຊື່ອມໂຍງ, ບໍ່ແມ່ນການແບ່ງແຍກ, ແມ່ນທະເລແຫ່ງຄວາມວັດທະນາຖາວອນ ແລະ ຫຼຸດຜ່ອນຄວາມບໍ່ລົງລອຍກັນ.
ຄຳຮຸ່ງ
