| ທ່ານປະທານປະເທດ ຫວໍວັນເຖືອງ ຕ້ອນຮັບທ່ານເລຂາທິການໃຫຍ່, ປະທານປະເທດລາວ | |
| ທ່ານປະທານປະເທດ ຫວໍວັນເຖືອງ ໄດ້ເຂົ້າຮ່ວມພິທີສະເຫຼີມສະຫຼອງ 60 ປີແຫ່ງວັນປະທານ ໂຮ່ຈີມິນ ຢ້ຽມຢາມແຂວງ ບັກຢາງ |
ຫວຽດນາມ ແລະ ອາກຊັງຕິນ ໄດ້ສ້າງຕັ້ງການພົວພັນທາງການທູດໃນວັນທີ 25 ຕຸລາ 1973 ແລະ ຍົກລະດັບຂຶ້ນເປັນຄູ່ຮ່ວມມືຮອບດ້ານໃນປີ 2010. ພາຍຫຼັງ 50 ປີແຫ່ງການພົວພັນຮ່ວມມື, ການພົວພັນລະຫວ່າງ ຫວຽດນາມ ແລະ ອາກຊັງຕິນ ບັນລຸໄດ້ບັນດາຜົນງານສຳຄັນໃນຫຼາຍຂົງເຂດ ແລະ ນັບມື້ນັບເຕີບໃຫຍ່ເຂັ້ມແຂງ. ສັນຍາວ່າດ້ວຍການຊ່ວຍເຫຼືອດ້ານຍຸຕິທຳກ່ຽວກັບອາຍາລະຫວ່າງຫວຽດນາມ ແລະ ອາກຊັງຕິນ ຈະປະກອບສ່ວນຊຸກຍູ້ການພົວພັນຮ່ວມມືຮອບດ້ານລະຫວ່າງສອງປະເທດໃຫ້ສືບຕໍ່ພັດທະນາ ແລະ ນຳມາເຊິ່ງໝາກຜົນອັນຕັ້ງໜ້າໃນຫຼາຍຂົງເຂດ.
 |
| ທ່ານປະທານປະເທດ ຫວຽດນາມ ຫວໍວັນເຖືອງ |
ດ້ວຍສະພາບການອາດຊະຍາກຳໃນປະຈຸບັນພວມມີທ່າອ່ຽງຂ້າມຊາຍແດນ, ຂ້າມຊາດ ແລະ ເປີດກວ້າງໃນອິນເຕີແນັດຄືປະຈຸບັນນີ້, ການເຮັດສົມບູນແບບກອບນິຕິກຳທີ່ຍຸຕິທຳທາງອາຍາ ລວມມີການລົງນາມໃນສັນຍາວ່າດ້ວຍການຊ່ວຍເຫຼືອດ້ານຍຸຕິທຳກ່ຽວກັບອາຍາລະຫວ່າງ ຫວຽດນາມ ແລະ ອາກຊັງຕິນ ແລະ ບັນດາປະເທດອື່ນໆ ແມ່ນຄວາມຮຽກຮ້ອງຕ້ອງການຢ່າງພາວະວິໄສ.
ນີ້ແມ່ນພື້ນຖານນິຕິກຳໂດຍກົງ, ຄົບຖ້ວນ ແລະ ສຳຄັນ ເພື່ອໃຫ້ບັນດາອົງການປະຕິບັດກົດໝາຍຂອງ 2 ປະເທດສົມທົບກັນສືບສວນ, ເກັບກຳຫຼັກຖານ, ດຳເນີນບັນດາການເຄື່ອນໄຫວແກ້ໄຂບັນດາການຮ້ອງຟ້ອງທາງອາຍາຢ່າງຄົບຖ້ວນ ເພື່ອຕອບສະໜອງຄວາມຮຽກຮ້ອງຕ້ອງການຍົກສູງປະສິດທິຜົນຂອງການຕໍ່ສູ້ປ້ອງກັນ ແລະ ຕ້ານບັນດາປະເພດອາດຊະຍາກຳ, ປົກປ້ອງສິດ ແລະ ຜົນປະໂຫຍດອັນຊອບທຳຂອງພົນລະເມືອງຂອງແຕ່ລະປະເທດໃຫ້ດີກວ່າອີກ.
ດີງເລື້ອງ
