ໃນ 9 ເດືອນຕົ້ນປີ 2023, ການສົ່ງອອກເກີນດຸນຂອງຫວຽດນາມ ບັນລຸເກືອບ 22 ຕື້ USD
|
ທີ່ການເຈລະຈາກັບທ່ານລັດຖະມົນຕີການຕ່າງປະເທດ ຫວຽດນາມ ບູຍເເທງເຊີ່ນ ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດໄທ Parnpree Bahiddha - Nukara ຖືວ່າ: ຫວຽດນາມ ແມ່ນເພື່ອນທີ່ສະໜິດສະໜົມ ແລະ ເປັນຄູ່ຮ່ວມມືສຳຄັນອັນດັບໜຶ່ງຂອງໄທ ຢູ່ພາກພື້ນ, ຕາມແຈ້ງການຂອງກະຊວງການຕ່າງປະເທດ.
2 ຝ່າຍໄດ້ແລກປ່ຽນກ່ຽວກັບທິດທາງຜັນຂະຫຍາຍບັນດາຂົງເຂດຮ່ວມມື 2 ຝ່າຍ , ເປັນເອກະສັນກັນກ້າວໄປເຖິງການນຳການພົວພັນຄູ່ຮ່ວມມືຍຸດທະສາດ ຫວຽດນາມ - ໄທ ຂຶ້ນສູ່ລະດັບສູງໃໝ່.
ກ່ຽວກັບດ້ານເສດຖະກິດ, ການຄ້າ ແລະ ການລົງທຶນ, 2 ຝ່າຍເຫັນດີຈະສືບຕໍ່ມານະພະຍາຍາມເພື່ອນຳວົງເງິນການຄ້າ 2 ຝ່າຍໃຫ້ບັນລຸເປົ້າໝາຍ 25 ຕື້ USD ໂດຍໄວ, ຜ່ານການຫຼຸດບັນດາຮົ້ວກີດຂວາງດ້ານການຄ້າ, ເປີດປະຕູໃຫ້ບັນດາສິນຄ້າຂອງແຕ່ລະປະເທດຫຼາຍກວ່າອີກ.
 |
| ຕອນບ່າຍວັນທີ 26ຕຸລາ, ທ່ານລັດຖະມົນຕີການຕ່າງປະເທດ ຫວຽດນາມ ບູຍເເທງເຊີ່ນ (ຂວາ) ໄດ້ມີການພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດໄທ Parnpree Bahiddha - Nukara ຢູ່ທີ່ເຮືອນຮັບແຂກລັດຖະບານ. ພາບ: ກະຊວງການຕ່າງປະເທດ |
ທ່ານລັດຖະມົນຕີສອງປະເທດສະໜັບສະໜູນການພັດທະນາເສັ້ນທາງຄົມມະນາຄົມທາງບົກ, ທາງນ້ຳ, ພ້ອມທັງເພີ່ມທະວີສາຍການບິນທີ່ເຊື່ອມຕໍ່ຫວຽດນາມ ແລະ ໄທ.
ສອງຝ່າຍສະໜັບສະໜູນການເພີ່ມທະວີການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ຢືນຢັນຄືນໃໝ່ຄຳໝັ້ນສັນຍາບໍ່ອະນຸຍາດໃຫ້ບຸກຄົນ ຫຼື ອົງການໃດໜຶ່ງນຳໃຊ້ຜືນແຜ່ນດິນຂອງປະເທດໜຶ່ງເພື່ອຕໍ່ສູ້ກັບອີກຝ່າຍໜຶ່ງ.
ທ່ານລັດຖະມົນຕີ ບູຍເເທງເຊີ່ນ ໄດ້ຕີລາຄາສູງເລື່ອງ ໄທ ໄດ້ສ້າງເງື່ອນໄຂເພື່ອສ້າງຕັ້ງຖະໜົນຫວຽດນາມ ແລະ ສູນຄົ້ນຄ້ວາຫວຽດນາມ ຢູ່ແຂວງ Udon Thani; ສະເໜີໃຫ້ສອງຝ່າຍສືບຕໍ່ຮ່ວມມືປົກປັກຮັກສາ ແລະ ເສີມຂະຫຍາຍຄຸນຄ່າຂອງເຂດອານຸສອນປະທານ ໂຮ່ຈີມິນ ແລະ ບັນດາວັດຫວຽດນາມ ຢູ່ ໄທ; ສະໜັບສະໜູນໂຄງການສອນພາສາໄທ ແລະ ຫວຽດນາມ ຢູ່ແຕ່ລະປະເທດ.
ກ່ຽວກັບການຮ່ວມມືພາກພື້ນ ແລະ ສາກົນ, 2 ຝ່າຍຈະສົມທົບກັນຢ່າງແໜ້ນແຟ້ນໃນບັນດາກົນໄກຫຼາຍຝ່າຍ ແລະ ພາກພື້ນ, ເພີ່ມທະວີການຮ່ວມມືພັດທະນາອະນຸພາກພື້ນແມ່ນ້ຳຂອງ, ການຄຸ້ມຄອງ ແລະ ນຳໃຊ້ແຫຼ່ງນ້ຳແມ່ນ້ຳຂອງຢ່າງໝັ້ນຄົງ. ຫວຽດນາມ ແລະ ໄທ ຢືນຢັນຄວາມສຳຄັນຂອງການປົກປັກຮັກສາສັນຕິພາບ, ສະຖຽນລະພາບ, ຄວາມປອດໄພ, ຄວາມໝັ້ນຄົງທາງທະເລ ແລະ ການບິນຢູ່ທະເລຕາເວັນອອກ ບົນພື້ນຖານກົດໝາຍສາກົນ, ໃນນັ້ນມີ UNCLOS 1982.
ທ່ານ Parnpree ໄດ້ມາຢ້ຽມຢາມຫວຽດນາມ ຢ່າງເປັນທາງການແຕ່ວັນທີ 25-26 ຕຸລານີ້, ເນື່ອງໃນໂອກາດສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ. ນີ້ແມ່ນການຢ້ຽມຢາມຕ່າງປະເທດຄັ້ງທຳອິດຂອງທ່ານParnpree ພາຍຫຼັງທີ່ໄດ້ຮັບການແຕ່ງຕັ້ງເປັນຮອງນາຍົກລັດຖະມົນຕີ, ລັດຖະມົນຕີການຕ່າງປະເທດໄທ ໃນຕົ້ນເດືອນກັນຍາ ທີ່ຜ່ານມາ.
ຫວຽດນາມ - ໄທ ໄດ້ສ້າງຕັ້ງການພົວພັນທາງການທູດໃນປີ 1976. ວົງເງິນການນຳເຂົ້າ - ສົ່ງອອກລະຫວ່າງ 2 ປະເທດບັນລຸ 21,6 ຕື້ USD ໃນປີ 2022. ຫວຽດນາມ ແມ່ນຄູ່ຄ້າໃຫຍ່ອັນດັບສອງຂອງໄທ ຢູ່ ອາຊຽນ ແລະ ອັນດັບ 5 ໃນໂລກ.
ດີງເລື້ອງ
