| VSIP ຮ່ວມມືກັບ 9 ແຂວງ, ນະຄອນ ເພື່ອພັດທະນາສວນອຸດສາຫະກຳສະຫຼາດ | |
| GNI ຜັນຂະຫຍາຍໂຄງການພັດທະນາວຽກງານສັງຄົມ ແລະ ໃຫ້ຄຳປຶກສາດ້ານຈິດຕະສາດໃນໂຮງຮຽນໄລຍະ 2022 – 2024 |
ວັນທີ 24 ຕຸລານີ້, ອົງການ Good Neighbors International (GNI) ສົມທົບກັບ ສະຫະພັນອະນຸລັກທຳມະຊາດສາກົນ ((International Union for Conservation of Nature and Natural resources, ເອີ້ນຫຍໍ້ເເມ່ນ IUCN) ແລະ ບໍລິສັດ Hyundai Motors (HMC) ໄດ້ເຂົ້າຮ່ວມພິທີລົງນາມໃນສັນຍາຮ່ວມມືໂຄງການ “ຟື້ນຟູປ່າຊາຍເລນ IONIQ ຫວຽດນາມ” ເພື່ອເພີ່ມທະວີຄວາມຫຼາກຫຼາຍຂອງຊີວະສາດ ແລະ ຟື້ນຟູໜ້າທີ່ປ່າໄມ້ຢູ່ແຂວງ ກ່າເມົາ, ຫວຽດນາມ.
 |
| ບັຍຍາກາດທີ່ພິທີລົງນາມ. |
ພິທີລົງນາມຂໍ້ຕົກລົງຮ່ວມມືຄັ້ງນີ້ ເປັນໜຶ່ງໃນສ່ວນປະກອບຂອງໂຄງການສ້າງປ່າໄມ້ທີ່ເປັນມິດກັບສິ່ງແວດລ້ອມຂອງບໍລິສັດ Hyundai Motors ທີ່ມີຊື່ວ່າ "Ioniq Forest". ເປົ້າໝາຍຂອງໂຄງການແມ່ນຟື້ນຟູປ່າໄມ້ທີ່ຖືກທຳລາຍ ແລະ ຮັບມືກັບການປ່ຽນແປງຂອງດິນຟ້າອາກາດຜ່ານການປູກປ່າຊາຍເລນ ຢູ່ເຂດກ່າເມົາ, ເຂດສາມຫຼ່ຽມອຸດສາຫະກຳຢູ່ເຂດແມ່ນ້ຳຂອງຫວຽດນາມ.
GNI ຈະມານະພະຍາຍາມຟື້ນຟູພາລະໜ້າທີ່ປ່າໄມ້ ແລະ ສ້າງປ່າໄມ້ໃໝ່, ພາຍຫຼັງປູກຕົ້ນໄມ້ 120.000 ຕົ້ນຢູ່ເຂດປ່າຊາຍເລນແຂວງ ກ່າເມົາ ໃນປີໜ້າ ແລະ ຕີລາຄາເພື່ອຜັນຂະຫຍາຍຕົວຮູບແບບ.
ນອກຈາກນັ້ນ, ກ່າເມົາ ກໍ່ແມ່ນໜຶ່ງໃນບັນດາທ້ອງຖິ່ນທີ່ໄດ້ຮັບຜົນກະທົບພາຍຫຼັງການລ້ຽງກຸ້ງມາເປັນເວລາຍາວນານ, ດັ່ງນັ້ນ, ນອກຈາກການຟື້ນຟູການໜ້າທີ່ຂອງປ່າ ເເລະ ເພີ່ມຫຼາຍຮູບແບບຊີວະສາດຂຶ້ນແລ້ວ, ໂຄງການຍັງກໍ່ສ້າງ “ລະບົບລ້ຽງປູກກຸ້ງປ່າຮ່ວມກັນ” ຜ່ານບັນດາການເຄື່ອນໄຫວຝຶກອົບຮົມໃຫ້ປະຊາຊົນໃນເຂດຊຸມຊົນກ່ຽວກັບວິທີການລ້ຽງຊັບພະຍາກອນນ້ຳທີ່ເປັນມິດກັບສິ່ງແວດລ້ອມ.
ທ່ານ Park Dong Chul ຫົວໜ້າຜູ້ຕາງໜ້າ GNI ແບ່ງປັນວ່າ: “GNI ຮ່ວມກັບ HMC ແລະ IUCN ຈະຮ່ວມກັນແກ້ໄຂການປ່ຽນແປງອາກາດ ເເລະ ນຳມາເຊິ່ງປະສິດທິຜົນທີ່ຕັ້ງໜ້າຜ່ານບັນດາການເຄື່ອນໄຫວປູກປ່າຊາຍເລນ ຢູ່ໃນເຂດແມ່ນ້ຳຂອງ, ພ້ອມດຽວກັນນັ້ນ, ພວກເຮົາກໍ່ຫວັງວ່າ ໂຄງການນີ້ຈະເປັນພື້ນຖານສໍາລັບ GNV, HCM, ແລະ IUCN ເພື່ອຮ່ວມກັນຂະຫຍາຍເຄືອຂ່າຍຄູ່ຮ່ວມງານເພື່ອຮ່ວມກັນແກ້ໄຂການປ່ຽນແປງຂອງດິນຟ້າອາກາດ ແລະ ເຂົ້າຮ່ວມໃນຫຼາຍໂຄງການທີ່ແຕກຕ່າງກັນເພື່ອປົວແປງຊີວິດຂອງປະຊາຊົນ".
ດີງເລື້ອງ
