ຕາມສັນຍາທີ່ໄດ້ລົງນາມແລ້ວ, VSIP ແລະ 9 ແຂວງ, ນະຄອນປະກອບມີ ບິ່ງເຟືອກ; ໄຕນິງ; ບິ່ງທ້ວນ; ແຄງຮວ່າ; ເຫ້ວ; ຮ່າຕິ້ງ; ແທງຮວາ; ໄທປີງ; ນາມດິງ ຈະດຳເນີນການສຶກສາຄວາມເປັນໄປໄດ້ ສຳລັບສວນອຸດສາຫະກຳ, ຕົວເມືອງ ແລະ ການບໍລິການ.
 |
ພິທີລົງນາມໃນຄັ້ງນີ້ ແມ່ນການສືບຕໍ່ສັນຍາຮ່ວມມືລະຫວ່າງບໍລິສັດ Becamex IDC Corporation ແລະ Sembcorp Development LTD ເຊິ່ງໄດ້ປະກາດໃນວັນທີ 10 ກຸມພາ 2023, ໃນໄລຍະຢ້ຽມຢາມສິງກະໂປຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິງເຊີນ.
VSIP I - ບີງເຢືອງ ໄດ້ຮັບການສ້າງຕັ້ງເມື່ອປີ 1996 ແລະ ກໍ່ສ້າງສຳເລັດໃນປີ 1997 ດ້ວຍເນື້ອທີ່ 500 ເຮັກຕາ ພ້ອມກັບ ລະບົບຄຸ້ມຄອງ ແລະ ພື້ນຖານໂຄງລ່າງບັນລຸມາດຕະຖານສາກົນ, ກາຍເປັນໜຶ່ງໃນບັນດາເຂດອຸດສາຫະກຳຕົວແບບຂອງ ຫວຽດນາມ.
ທ່ານຮອງນາຍົກລັດຖະມົນຕີ ເລມີງຄາຍ ຖືວ່າ, ຕ້ອງແຜ່ຂະຫຍາຍ ແລະ ເປີດກ້ວາງຮູບແບບ VSIP ອອກສູ່ບັນດາແຂວງຕາມທິດຊີ້ນຳຂອງທ່ານນາຍົກລັດຖະມົນຕີ. ເຖິງຢ່າງໃດກໍດີ, ໃນຂະບວນວິວັດຜັນຂະຫຍາຍປະຕິບັດຢູ່ທ້ອງຖິ່ນ, ຕ້ອງພິຈາລະນາວ່າໂຄງການໃດສາມາດປະຕິບັດໄດ້ຈຶ່ງເຮັດ.
