| EuroCham ຫວຽດນາມ ຈັດ “ເວທີປາໄສ ແລະ ງານວາງສະແດງເສດຖະກິດສີຂຽວ (GEFE) 2022” ໃນທ້າຍເດືອນ ພະຈິກ 2022 | |
| ຜັນຂະຫຍາຍສັບປະດາເຄື່ອງໝາຍການຄ້າແຫ່ງຊາດ ຫວຽດນາມ ປີ 2022 |
 |
| ພິທີປະກາດເອກະສານໂຄງການຮ່ວມມືກ່ຽວກັບ ການພັດທະນາວຽກງານສັງຄົມ ແລະ ໃຫ້ຄຳປຶກສາດ້ານຈິດໃຈໃນໂຮງຮຽນໄລຍະ 2022 – 2024 |
ຫວ່າງແລ້ວນີ້, ອົງການຈັດຕັ້ງ Good Neighbors International (GNI) ສົມທົບກັບກະຊວງສຶກສາ ແລະ ບຳລຸງສ້າງ ຈັດຕັ້ງພິທີປະກາດເອກະສານໂຄງການຮ່ວມມືກ່ຽວກັບ ການພັດທະນາວຽກງານສັງຄົມ ແລະ ໃຫ້ຄຳປຶກສາດ້ານຈິດໃຈໃນໂຮງຮຽນໄລຍະ 2022 – 2024.
ຕາມຂໍ້ຕົກລົງແລ້ວ, ໂຄງການ “ພັດທະນາວຽກງານສັງຄົມ ແລະ ໃຫ້ຄຳປຶກສາດ້ານຈິດຕະສາດ ໃນໂຮງຮຽນໄລຍະ 2022 - 2024” ຈະປະຕິບັດຢູ່ 6 ແຂວງ, ນະຄອນ: ຮ່າໂນ້ຍ, ຮ່າຢາງ, ຕວຽນກວາງ, ຮ່ວາບິ່ງ, ແທັງຮວາ ແລະ ນະຄອນໂຮ່ຈີມິນ. ໂຄງການມຸ່ງໄປເຖິງເປົ້າໝາຍຍົກສູງປະສິດທິຜົນໃນການເຄື່ອນໄຫວວຽກງານສັງຄົມ ແລະ ໃຫ້ຄຳປຶກສາຈິດຕະສາດໃນໂຮງຮຽນ ໃນວຽກງານໜູນຊ່ວຍ ແລະ ປົກປ້ອງນັກຮຽນຢູ່ໂຮງຮຽນ.
ໃນຂອບເຂດໂຄງການ, GNI ແລະ ກະຊວງສຶກສາ ແລະ ບຳລຸງສ້າງ ຈະປະຕິບັດການສຳຫຼວດ, ຕີລາຄາ, ຈັດຕັ້ງກອງປະຊຸມສຳມະນາກວດກາຄືນບັນດາເອກະສານທີ່ກ່ຽວຂ້ອງກ່ຽວກັບວຽກງານສັງຄົມ ແລະ ໃຫ້ຄຳປຶກສາທາງຈິດຕະສາດໃນໂຮງຮຽນ. ໃນນັ້ນ, ຄົ້ນຄ້ວາຂໍ້ກຳນົດບົດບາດ, ໜ້າທີ່, ວິວັດການປະຕິບັດຂອງບັນດາພະນັກງານ, ຄູສອນໃນການຜັນຂະຫຍາຍວຽກງານສັງຄົມ ແລະ ໃຫ້ຄຳປຶກສາດ້ານຈິດຕະສາດໃນບັນດາຮາກຖານການສຶກສາຢ່າງຈະແຈ້ງ.
ຄົ້ນຄ້ວານະໂຍບາຍສົ່ງເສີມການຫັນເປັນສັງຄົມ, ດຶງດູດວິສາຫະກິດ, ອົງການຈັດຕັ້ງ, ສ່ວນບຸກຄົນໃນການລົງທຶນພັດທະນາຮາກຖານສະໜອງການບໍລິການວຽກງານສັງຄົມ ແລະ ໃຫ້ຄຳປຶກສາດ້ານຈິດຕະສາດໃນໂຮງຮຽນ. ພ້ອມກັນນັ້ນ, ກໍ່ເພີ່ມທະວີການສົມທົບກັບກະຊວງ, ຂະແໜງການ ແລະ ບັນດາຫົວໜ່ວຍ, ອົງການຈັດຕັ້ງທີ່ກ່ຽວຂ້ອງ ເພື່ອພັດທະນາວຽກງານສັງຄົມ ແລະ ໃຫ້ຄຳປຶກສາດ້ານຈິດຕະສາດໃນໂຮງຮຽນ.
 |
| ພິທີປະກາດເອກະສານໂຄງການຮ່ວມມືກ່ຽວກັບ ການພັດທະນາວຽກງານສັງຄົມ ແລະ ໃຫ້ຄຳປຶກສາດ້ານຈິດໃຈໃນໂຮງຮຽນໄລຍະ 2022 – 2024 |
ໂຄງການກໍ່ໄດ້ດຳເນີນການສ້າງ ແລະ ພັດທະນາເຄືອຂ່າຍບັນດາຮາກຖານສະໜອງການບໍລິການວຽກງານສັງຄົມ ແລະ ໃຫ້ຄຳປຶກສາທາງດ້ານຈິດຕະສາດໃນໂຮງຮຽນ, ສ້າງບັນດາຫ້ອງການໃຫ້ຄຳປຶກສາດ້ານຈິດຕະສາດຢູ່ໂຮງຮຽນ, ຫັນເປັນຫຼາຍຮູບແບບ ແລະ ຍົກສູງຄຸນນະພາບການສະໜອງການບໍລິການວຽກງານສັງຄົມ ແລະ ໃຫ້ຄຳປຶກສາດ້ານຈິດຕະສາດໃນໂຮງຮຽນ, ເໝາະສົມກັບຄວາມຕ້ອງການ ແລະ ສະພາບການສັງຄົມ.
ຜ່ານບັນດາໂຄງການ, ບັນດາພະນັກງງານ, ລັດຖະກອນ, ພາລະກອນ ແລະ ຜູ້ວຽກງານຜັນຂະຫຍາຍວຽກງານໃຫ້ຄຳປຶກສາດ້ານຈິດຕະສາດໃນໂຮງຮຽນ ມີໂອກາດໄດ້ຮັບການບຳລຸງສ້າງ ແລະ ບຳລຸງສ້າງຄືນໃໝ່, ຍົກສູງລະດັບດ້ານວິຊາການ. ພ້ອມກັນນັ້ນ ວຽກງານສື່ສານເພື່ອຍົກສູງຄວາມຮັບຮູ້ກ່ຽວກັບວຽກງານສັງຄົມ ແລະ ໃຫ້ຄຳປຶກສາດ້ານຈິດໃຈໂຮງຮຽນ ກໍ່ໄດ້ຮັບການຍູ້ແຮງ.
 |
 |
ດ້ວຍໂຄງການນີ້, GNI ແລະ ກະຊວງສຶກສາ ແລະ ບຳລຸງສ້າງ ຄາດວ່າຈະມີຮາກຖານການສຶກສາຊັ້ນອະນຸບານ ປະມານ 2.017 ແຫ່ງ, ກຸ່ມເດັກນ້ອຍ 27.800 ກຸ່ມ, ຫ້ອງຮຽນມັດທະຍົມ 3.704 ແຫ່ງໄດ້ຊົມໃຊ້ໂຄງການ. GNI ຫວັງວ່າ ໂຄງການນີ້ຈະປະກອບສ່ວນຍົກສູງປະສິດທິຜົນໃນການປະຕິບັດນະໂຍຍາຍ ແລະ ນຳມາເຊິ່ງບັນດາການບໍລິການວຽກງານສັງຄົມ, ໃຫ້ຄຳປຶກສາດ້ານຈິດຕະສາດທີ່ມີຄຸນນະພາບໃຫ້ແກ່ນ້ອງໆນັກຮຽນ.
ບຸນຄົງ
