| ມີນັກກິລາ 300 ຄົນເຂົ້າຮ່ວມການແຂ່ງຂັນຕີດອກປີກໄກ່ ສຳລັບຄົນຫວຽດນາມ ຢູ່ ຍີ່ປຸ່ນ ທົ່ວປະເທດ | |
| ແນະນຳເລື່ອງພາບ Ehon ສອງພາສາຫວຽດນາມ - ຍີ່ປຸ່ນ ຈຳນວນ 100 ຫົວ ໃຫ້ແກ່ເດັກນ້ອຍຫວຽດນາມ |
ສະຫະພັນບັນດາອົງການມິດຕະພາບແຂວງກຽນຢາງ ສົມທົບກັບກົງສຸນໃຫຍ່ຍີ່ປຸ່ນ ປະຈຳນະຄອນ ໂຮ່ຈີມິນ ແລະ ຄະນະກຳມະການປະຊາຊົນເມືອງຢົ່ງຣຽງ, ແຂວງກຽນຢາງ ຫາກໍ່ຈັດຕັ້ງພິທີມອບຮັບ 3 ໂຄງການໃນໂຄງການຊ່ວຍເຫຼືອລ້າຂັ້ນຮາກຖານຂອງລັດຖະບານຍີ່ປຸ່ນ.
3 ໂຄງການທີ່ມມອບຮັບ ລວມມີ: ໂຄງການກໍ່ສ້າງໂຮງຮຽນປະຖົມ ຫງອກຈູກ 1 ເມືອງ ຢອງຣຽງ; ໂຄງການກໍ່ສ້າງຂົວຄົມມະນາຄົມຊົນນະບົດ 3 ແຫ່ງຢູ່ 2 ເມືອງຄື: ເມືອງ ອານມິງ ແລະ ເມືອງຢົ່ງຣຽງ; ໂຄງການກໍ່ສ້າງອາຄານຫ້ອງຮຽນໃຫມ່ໃຫ້ໂຮງຮຽນປະຖົມມອງຖໍ້ A1 ຢູ່ເມືອງເຈົາແທ່ງ.
ກ່ອນໜ້ານີ້, ຍ້ອນຫ້ອງຮຽນບໍ່ພຽງພໍ, ນັກຮຽນບໍ່ສາມາດຮຽນ 2 ຕອນ/ມື້. ການເດີນທາງໄປມາຂອງປະຊາຊົນຍັງຊ້ອນແຝງໄປດ້ວຍຄວາມອັນຕະລາຍຫຼາຍຢ່າງຍ້ອນບໍ່ມີຂົວທີ່ໄດ້ມາດຕະຖານ.
ດັ່ງນັ້ນ, ດ້ວຍການຊ່ວຍເຫຼືອຈາກໂຄງການຊ່ວຍເຫຼືອລ້າຂອງລັດຖະບານຍີ່ປຸ່ນ ມີມູນຄ່າທັງໝົດ 271.168 ໂດລາສະຫະລັດ ໃຫ້ແກ່ 3 ໂຄງການດັ່ງກ່າວ, ລັດຖະບານຍີ່ປຸ່ນ ໄດ້ໜູນຊ່ວຍການກໍ່ສ້າງ 6 ຫ້ອງຮຽນໃໝ່ ຢູ່ໃນ 2 ໂຮງຮຽນ ແລະ ຂົວເບຕົງຖາວອນ 3 ແຫ່ງ ໃນ 3 ຕາແສງຂອງເມືອງຢົ່ງຣຽງ ແລະ ເມືອງອານມິງ.
 |
| ດ້ວຍຂົວໃໝ່, ນັກຮຽນ ແລະ ປະຊາຊົນສາມາດເດີນທາງໄດ້ຢ່າງປອດໄພ. (ພາບ: ກົງສຸນໃຫຍ່ ຍີ່ປຸ່ນ ປະຈຳນະຄອນ ໂຮ່ຈີມິນ) |
ກົງສູນໃຫຍ່ ຍີ່ປຸ່ນ ປະຈຳ ນະຄອນໂຮ່ຈີມີນ ທ່ານ Ono Masuo ໃຫ້ຮູ້ວ່າ: ສະຫະພັນບັນດາອົງການມິດຕະພາບແຂວງ ກຽນຢາງ ແລະ ບັນດາຝ່າຍທີ່ກ່ຽວຂ້ອງ ຍາມໃດກໍ່ໃຫ້ການຮ່ວມມືເພື່ອສຳເລັດບັນດາກິດຈະກຳຂອງໂຄງການຊ່ວຍເຫຼືອລ້າຂັ້ນຮາກຖານຂອງລັດຖະບານ ຍີ່ປຸ່ນ. ທ່ານຫວັງວ່າໃນອະນາຄົດສະພາບແວດລ້ອມການສຶກສາຂອງເດັກນ້ອຍຢູ່ເຂດດັ່ງກ່າວຈະໄດ້ຮັບການຍົກສູງ, ທັງຮັບປະກັນຄວາມປອດໄພໃນການເດີນທາງໄປມາປະຈຳວັນຂອງປະຊາຊົນໃນເຂດ, ເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນ, ປະກອບສ່ວນພັດທະນາເສດຖະກິດທ້ອງຖິ່ນ.
ປະທານສະຫະພັນບັນດາອົງການມິດຕະພາບແຂວງ ກຽນຢາງ, ທ່ານ ເຈີ່ນຈີ໋ຢຸງ ໃຫ້ຮູ້ວ່າ: ມາຮອດປະຈຸບັນ, ຫົວໜ່ວຍໄດ້ຮັບ 13 ໂຄງການກໍ່ສ້າງກັບ 30 ລາຍການກິດຈະກຳ ເເລະ ເຄື່ອງອຸປະກອນການແພດຈາກໂຄງການຊ່ວຍເຫຼືອລ້າຂັ້ນຮາກຖານນຂອງລັດຖະບານຍີ່ປຸ່ນ ດ້ວຍຈຳນວນທຶນທຽບເທົ່າກັບ 26 ຕື້ດົ່ງ.
ບັນດາໂຄງການໄດ້ແບ່ງປັນເທົ່າກັນໃຫ້ບັນດາຕາແສງຂອງ 15 ເມືອງ, ເທດສະບານໃນບໍລິເວນແຂວງ, ໂດຍສະເພາະແມ່ນເຂດປະສົບກັບຄວາມຫຍຸ້ງຍາກ, ເຂດຫ່າງໄກເຂດໄກ, ເຂດຊາຍແດນ, ໝູ່ເກາະ.
ບັນດາໂຄງການໄດ້ນຳມາເຊິ່ງປະສິດທິຜົນຢ່າງແທດຈິງ, ແກ້ໄຂຄວາມຫຍຸ້ງຍາກກ່ຽວກັບຫ້ອງຮຽນ ແລະ ການໄປມາຂອງປະຊາຊົນຢູ່ເຂດຊົນນະບົດ ແລະ ການຮັກສາສຸຂະພາບເບື້ອງຕົ້ນໃຫ້ປະຊາຊົນຢູ່ເຂດແຄມທະເລ ແລະ ໝູ່ເກາະ ໄດ້ຢ່າງທັນການ.
ດີງເລື້ອງ
