ຄະນະເຮັດວຽກໄດ້ຈັດຕັ້ງການມອບເຮືອນ “ບ້ານອົບອຸ່ນຊາຍແດນ” ໃຫ້ຄອບຄົວຂອງທ່ານນາງ ຮ່ວາງທິເກື່ອງ, ສະມາຊິກສະຫະພັນແມ່ຍິງ, ຕາແສງ ຝູຮ່ວາ, ເມືອງ ອານຟຸກ, ແຂວງ ອານຢາງ. ເຮືອນຍາວ 14 ແມັດ, ກວ້າງ 4 ແມັດ, ໂຄງສ້າງເສົາ, ຝາ ແລະ ຫລັງຄາຖືກປູດ້ວຍເຫຼັກກ້າ. ລວມມູນຄ່າການກໍ່ສ້າງ 86 ລ້ານດົ່ງ. ໃນນັ້ນ, ບັນດາຫົວໜ່ວຍໄດ້ສົມທົບກັນໜູນຊ່ວຍ 50 ລ້ານດົ່ງ, ສ່ວນທີ່ເຫຼືອແມ່ນໄດ້ສົມທົບກັບຄອບຄົວຕົນເອງ.
 |
ສະຫະພັນແມ່ຍິງແຂວງ ອານຢາງ “ໄປຄຽງຄູ່ກັບແມ່ຍິງຊາຍແດນ” |
ຕອນເຊົ້າວັນດຽວກັນ, ຄະນະເຮັດວຽກຍັງໄດ້ມອບທຶນສຶກສາ 65 ທຶນ (ແຕ່ລະ 1 ລ້ານດົ່ງ) ໃຫ້ນັກຮຽນຍິງທີ່ຜ່ານຜ່າຄວາມຫຍຸ້ງຍາກ ແລະ ຮຽນເກັ່ງ ແລະ ໜູນຊ່ວຍແຫຼ່ງທຶນການດຳລົງຊີວິດ (ແຕ່ 5 ລ້ານດົ່ງ) ໃຫ້ສະມາຊິກແມ່ຍິງທຸກຍາກ 2 ຄົນ, ຢູ່ຕາແສງ ເຍີນໂຮ່, ແຂວງ ອານ. ເມືອງ ຝູ, ແຂວງ ອານຢາງ.
ບັນດາການເຄື່ອນໄຫວທີ່ກ່າວມານີ້ແມ່ນສ່ວນໜຶ່ງຂອງໂຄງການ “ໄປຄຽງຄູ່ກັບແມ່ຍິງຊາຍແດນ” ໄລຍະ 2021-2025; ດ້ວຍຄວາມຮູ້ສຶກສາມັກຄີ ແລະ ຄວາມຮັກແພງ, ທັນການໜູນຊ່ວຍຄອບຄົວສະມາຊິກແມ່ຍິງທີ່ປະສົບກັບຄວາມຫຍຸ້ງຍາກເພື່ອພັດທະນາເສດຖະກິດ ແລະ ຊີວິດການເປັນຢູ່ຢ່າງໝັ້ນຄົງ; ພ້ອມກັນນັ້ນ, ກໍ່ເພື່ອແນໃສ່ໜູນຊ່ວຍ, ຊຸກຍູ້ຈິດໃຈຮ່ຳຮຽນຂອງນັກຮຽນຍິງທີ່ປະສົບກັບຄວາມຫຍຸ້ງຍາກ, ສ່ວນໜຶ່ງແມ່ນຫຼຸດຜ່ອນຄວາມຫຍຸ້ງຍາກໃນຊີວິດ, ສືບຕໍ່ໄປໂຮງຮຽນຢ່າງມີຄວາມຜາສຸກ, ມີເງື່ອນໄຂການຮຽນທີ່ດີຂຶ້ນ./.
ຄຳຮຸ່ງ
