| ຄະນະຜູ້ແທນຊາວໜຸ່ມຫວຽດນາມ ຢ້ຽມຢາມ ແລະເຮັດວຽກຢູ່ ມະຫາວິທະຍາໄລແຫ່ງຊາດລາວ | |
| ຮ່ວມມືລະຫວ່າງຊາວໜຸ່ມສອງປະເທດຫວຽດນາມ-ລາວ |
ທີ່ການພົບປະ, ທ່ານປະທານສະຫະພັນຊາວໜຸ່ມ ຫວຽດນາມ ນະຄອນ ຮ່າໂນ້ຍ ຫງວຽນດຶກຕ໋ຽນ ເນັ້ນໜັກວ່າ: ການຢ້ຽມຢາມ ແລະ ເຮັດວຽກຂອງຄະນະ ໄດ້ສະແດງໃຫ້ເຫັນຄວາມສາມັກຄີ, ມິດຕະພາບ ແລະ ຄວາມຕິດພັນກັນແບບພິເສດຂອງຊາວໜຸ່ມ 2 ນະຄອນຫຼວງເວົ້າສະເພາະ ແລະ 2 ປະເທດໂດຍທົ່ວໄປ.
ທ່ານຮັກສາການແທນເລຂາຄະນະຊາວໜຸ່ມນະຄອນຫຼວງວຽງຈັນ Houmpheng Sisombath ປາດຖະໜາວ່າ: ຄະນະຊາວໜຸ່ມນະຄອນຮ່າໂນ້ຍ ສືບຕໍ່ໜູນຊ່ວຍ ແລະ ສົມທົບກັນໃນໄລຍະຈະມາເຖິງ, ປະກອບສ່ວນບຳລຸງສ້າງ ແລະ ກໍ່ສ້າງສາຍພົວພັນສາມັກຄີແບບພິເສດ ແລະ ຮອບດ້ານທີ່ສົດໃສ, ໝັ້ນຄົງເຂັ້ມແຂງ, ເປັນແບບຢ່າງ, ຫາຍາກລະຫວ່າງຊາວໜຸ່ມ ແລະ ປະຊາຊົນສອງປະເທດ.
 |
ຊາວໜຸ່ມນະຄອນຫຼວງຂອງຫວຽດນາມ ແລະ ລາວ ໄດ້ແລກປ່ຽນແບບຢ່າງທີ່ດີ |
ບັນດາແຜນງານ ແລະ ການເຄື່ອນໄຫວຂອງ 2 ໜ່ວຍງານໃນໄລຍະຜ່ານມາ, ພິເສດແມ່ນບັນດາໂຄງການບຳລຸງ ແລະ ຍົກສູງຄວາມຮູ້ ແລະ ທັກສະໃຫ້ພະນັກງານຄະນະຊາວໜຸ່ມ ໃນການປະຕິບັດວຽກງານຂອງສະຫະພັນ, ສະມາຄົມ ແລະ ຂະບວນການຊາວໜຸ່ມໃນແຕ່ລະປີ.
ນອກຈາກນັ້ນ, ມີຫຼາຍຮູບແບບທີ່ດີ ແລະ ເປັນແບບຢ່າງທີ່ສະມາຊິກສະຫະພັນ ແລະ ຊາວໜຸ່ມເປັນກຳລັງຫຼັກແຫຼ່ງຈັດຕັ້ງປະຕິບັດ ໄດ້ຮັບການແນະນຳໃຫ້ແກ່ຄະນະຊາວໜຸ່ມ ນະຄອນຫຼວງວຽງຈັນ ໂດຍບັນດາເລຂາ, ຮອງເລຂາຄະນະຊາວໜຸ່ມເມືອງທີ່ຂຶ້ນກັບນະຄອນຫຼວງຮ່າໂນ້ຍ, ເຊັ່ນ: ຊາວໜຸ່ມກໍ່ສ້າງຊົນນະບົດໃໝ່; ສະໜັບສະໜູນການປະຕິບັດການປະຕິຮູບລະບຽບການບໍລິຫານ; ການຫັນເປັນດິຈິຕອນໃນກິດຈະກໍາຂອງສະຫະພັນ; ສະຫນັບສະຫນູນປະຊາຊົນທີ່ຈະຂາຍເຄື່ອງຢ່າງອອນໄລ; ອະນຸລັກຮັກສາ ແລະ ພັດທະນາບັນດາໝູ່ບ້ານຫັດຖະກຳພື້ນເມືອງ; ພັດທະນາເສດຖະກິດຈາກຜະລິດຕະພັນ OCOP…
ໃນຂອບເຂດໂຄງການ, ໄດ້ຈັດຕັ້ງພິທີລົງນາມໃນບົດບັນທຶກຊ່ວຍຈຳລະຫວ່າງ ຄະນະຊາວໜຸ່ມເມືອງຫ່ວາຍດຶກ (ຮ່າໂນ້ຍ) ແລະ ຄະນະຊາວໜຸ່ມເມືອງນາໄຊທອງ (ນະຄອນຫຼວງວຽງຈັນ); ຄະນະຊາວໜຸ່ມເມືອງບັກຕືເລີມ (ຮ່າໂນ້ຍ) ແລະ ຄະນະຊາວໜຸ່ມເມືອງໄຊທານີ (ນະຄອນວຽງຈັນ) ເພື່ອເພີ່ມທະວີການສົມທົບ, ຮັກສາການພົວພັນຮ່ວມມື, ສ້າງເງື່ອນໄຂໃຫ້ບັນດາສະມາຊິກຊາວໜຸ່ມຂອງ 2 ຫົວໜ່ວຍ, ບັນດາສະມາຄົມ, ຫົວໜ່ວຍເສດຖະກິດ, ບັນດານັກທຸລະກິດໜຸ່ມ ທີ່ໄດ້ເຊື່ອມໂຍງ, ລົງທຶນ, ຮ່ວມມື ແລະ ພັດທະນາ. ຄະນະຊາວໜຸ່ມນະຄອນຫຼວງຮ່າໂນ້ຍ ກໍ່ໄດ້ມອບເຄື່ອງໝາຍແຫຼ່ງກຳລັງຈາກຊາວໜຸ່ມນະຄອນຫຼວງໃຫ້ນະຄອນຫຼວງວຽງຈັນ ດ້ວຍມູນຄ່າ 300 ລ້ານດົ່ງ.
ແລະກໍ່ໃນວັນດຽວກັນ, ຄະນະຜູ້ແທນທີ່ຮັບຜິດຊອບວຽກງານເດັກ ຢູ່ນະຄອນຫຼວງວຽງຈັນ (ລາວ) ໄດ້ມີໂຄງການແລກປ່ຽນ, ທັດສະນະສຶກສາ ແລະ ປະສົບການໃນການເຮັດວຽກກອງເຍົາວະຊົນ ແລະ ການເຄື່ອນໄຫວຂອງເດັກນ້ອຍກັບຄະນະນຳໂຮງຮຽນປະຖົມ ເຕີນມາຍ, ເມືອງຮ່ວາງມາຍ, ຮ່າໂນ້ຍ. ນີ້ແມ່ນໂຮງຮຽນທີ່ມີຄວາມຜົນງານໄລຍະຍາວກວ່າ 60 ປີຂອງເມືອງຮ່ວາງມາຍ ດ້ວຍພື້ນຖານໂຄງລ່າງທີ່ກວ້າງຂວາງ ແລະ ທັນສະໄໝ.
ຄຳຮຸ່ງ
