ນີ້ແມ່ນການເຄື່ອນໄຫວກິດຈະກຳທີ່ເປັນຕົວຈິງ ຄຳນັບຮັບຕ້ອນ ຄົບຮອບ 73 ປີ ວັນຊາດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ (2/9/1945 - 2/9/2018). ພ້ອມກັນນັ້ນ ກໍ່ເພື່ອແນໃສ່ສັນລະເສີນ ແນະນຳບັນດາວັດທະນະທຳ ຮີດຄອງປະເພນີ ຂອງຊົນເຜົ່າຫວຽດນາມ ທັງ 54 ຊົນເຜົ່າ ຢູ່ “ໝູ່ບ້ານລວມ”; ປະກອບສ່ວນໃນການໂຄສະນາ, ອະນຸລັກ ຂະຫຍາຍຄຸນຄ່າທາງດ້ານວັດທະນະທຳອັນເປັນເອກກະລັກ ແລະ ເພີ່ມທະວີການແລກປ່ຽນ ລະຫວ່າງ ຊົນເຜົ່າ ດຶງດູດນັກທ່ອງທ່ຽວໃນໂອກາດວັນພັກ ສ້າງໃຫ້ມີຄວາມສົມບູນຂື້ນເລື້ອຍໆ ກ່ຽວກັບຜລິດຕະພັນທ່ອງທ່ຽວ ແລະ ເປີດສັກກະຫຼາດ ຂອງລະດູການທ່ອງທ່ຽວ ຮາຍຊີຊັ້ນ ປີ 2018.
 |
ງານຕະຫຼາດນັດ ຂອງຊົນເຜົ່າຈະດຳເນີນໄປແຕ່ວັນທີ 31 ສິງຫາ-3 ກັນຍາ.
ໃນງານບັນການກິດຈະກຳທີ່ເຂົ້າ ມາຈາກ 200 ຊົນເຜົ່າ ມີທັງ: ສິນລະປິນ, ນັກສະແດງ, ນັກຮຽນ ປະກອບມີ 13 ຊົນເຜົ່າ ທີ່ກຳລັງເຄື່ອນໄຫວດຳລົງຊີວິດປະຈຳວັນ ແມ່ນ ຊົນເຜົ່າ ມົ້ງ (ແຂວງຮ່າຢາງ) , ຊົນເຜົ່າ ຂະມຸ(ແຂວງດ້ຽນບຽນ), ຊົນເຜົ່າ ຜູ້ໄທ( ແຂວງເຊີນລາ), ຊົນເຜົ່າໄຕ່ (ແຂວງຖ໋າຍຫງວຽນ), ຊົນເຜົ່າເມື່ອງ (ແຂວງຮ່ວາບິ່ງ), ຊົນເຜົ່າ ຢ້າວ (ນະຄອນ ຮ່າໂນ້ຍ), ຊົນເຜົ່າຕາໂອ້ຍ, ກະຕູບ (ແຂວງເທື່ອທຽນເຫວ້), ຊົນເຜົ່າເຊີດັງ( ແຂວງກອນຕູມ), ຊົນເຜົ່າ Raglai (ແຂວງນິງທົ້ນ), ຊົນເຜົ່າ ເອເດ (ແຂວງ ດັກລັກ), ຊົນເຜົ່າ ຈຳ (ແຂວງນິງທົ້ນ), ຊົນເຜົ່າຂະເໝນ (ແຂວງ ຊ໋ອກຈັງ); ຂົນຂວາຍຕື່ມອີກ 4 ຊົນເຜົ່າ ເຂົ້າຮ່ວມ ໃນງານບຸນ, ການເຄື່ອນໄຫວກິດຈະກຳ ປະກອບມີ: ຊົນເຜົ່ານູ່ງ, ມົ້ງ (ແຂວງ ລ້າງເຊີນ, ຊົນເຜົ່າ ຜູ່ໄທ (ແຂວງເຊີນລາ), ຊົນເຜົ່າ ເອເດ (ແຂວງດັກລັກ); ເຂົ້າຮ່ວມສະແດງຂອງຄະນະ ກະຍາສິນ ຫວຽດນາມ , ມະຫາວິທະຍາໄລ ຊັ້ນສູງ ສິນລະປະ-ວັດທະນະທຳ ຫວຽດເໜືອ ແລະ ສະຖານບັນດົນຕຼີ ແຫ່ງຊາດ ຫວຽດນາມ , ບ້ານບູຮານ ເດື່ອງເລິມ...
ສິ່ງທີ່ຜົນເດັ່ນຂອງກິດຈະກຳ ເດືອນ ກັນຍາ ແມ່ນ ສະຖານທີ່ “ຕະຫຼາດນັດເຂດພູສູງ ດິນແດນລ້າງເຊີນ” ຈັດສະແດງແບບຈຳລອງ ສະຖານທີ່ ຂອງຕະຫຼາດທີ່ມີສີສັນວັດທະນະທຳ ອັນເປັນເອກກະລັກ ຂອງ ແຂວງລ້າງເຊີນ ບ່ອນຊື້ຂາຍແລກປ່ຽນ ສິນຄ້າ ແລະ ທັງເປັນບ່ອນພົບປະແລກປ່ຽນ ການເຄື່ອນໄຫວວັດທະນະທຳ ດ້ວຍຮູບພາບອັນຫຼາກຫຼາຍ ອຸດົມສົມບູນ ມີຊີວິດຊີວາ ກ່ຽວກັບ ວັດຖຸສິ່ງຂອງທີ່ເປັນເອກກະລັກວັດທະນະທຳ ຊົນເຜົ່າ. “ຕະຫຼາດນັດເຂດພູສູງ ດິນແດນລ້າງເຊີນ” ຈະດຳເນີນໄປຕັ້ງແຕ່ວັນທີ 31 ສິງຫາ - 3 ກັນຍາ ຢູ່ ຕະຫຼາດເຂດພູສູງ ເຂດໝູ່ບ້ານຊົນເຜົ່າ.
ໃນງານຕະຫຼາດນັດ ຈະມີການໂຄສະນຳ-ແນະນຳ ສະຖານທີ່ທ່ອງທ່ຽວວັດທະນະທຳທີ່ມີສີສັນ ຂອງ ຊົນເຜົ່າ ທາງພາກ ຕະເວັນຕົກສ່ຽງເໜືອ, ຕາເວັນອອກສ່ຽງເໜືອ ສ້າງບັນຍາກາດ ເຕັມໄປດ້ວຍເອກກະລັກເຂດພູສູງ ທີ່ໜ້າສົນໃຈ ເຮັດໃຫ້ນັກທ່ອງທ່ຽວ ທີ່ມາຕະຫຼາດ ແລະ ຢ້ຽມຊົມ-ຮັບປະທານອາຫານ ເອກກະລັກອັນເກົ່າແກ່ ,ວັດທະນະທຳຊົນເຜົ່າ, ກາລະຫຼິ້ນແບບພື້ນເມືອງຂອງປະຊາຊົນບັດດາເຜົ່າເຂດພູສູງ ເຊັ່ນ: ຊົນເຜົ່າມົ້ງ, ນຸ່ງ, ຜູ່ໄທ, ໄຕ່, ຢ້າວ, ຂະມຸ ແນະນຳແກ່ນັກທ່ອງທ່ຽວ.
ວັດຖຸດ້ານວັດທະນະທຳື້ອງຖິ່ນ ອາຫານພື້ນເມືອງຂອງບັນດາຊົນເຜົ່າ ລ້າງເຊີນ ດ້ວຍໝໍ້ຂາງທີ່ມີຄວັນກຸ້ມ ບັນດາອາຫານທີ່ໜ້າດຶງດູດຄື: ໝູປິ່ນ, ເປັນປິ່ນ, ຖາດ ຂະຕົ້ມມັດ; ທຳນອງສຽງແຄນຊົນເຜົ່າ ຄຳນັບຮັບຕ້ອນວັນຊາດ ພ້ອມທັງກິດຈະກຳ ການເຊີດ ສິງໂຕ ຂອງຄະນະສິລະປະ ຊົນເຜົ່ານຸ່ງ... ທັງໝົດຈະເຮັດໃຫ້ບັນຍາກາດຟົດຟື້ນ, ມ່ວນຊື່ນ, ມີຄວາມສຸກ ຂອງບັນດາມວນມະຫາຊົນ ບັນດາເຜົ່າ ແລະນັກທ່ອງທ່ຽວ ຕໍ່ກັບງານຕະຫຼາດນັດ ສະເຫຼີມສະຫຼອງວັນຊາດ ໂອກາດວັນ 2 ສິງຫາ.
ພິເສດ ແນະນຳສິນລະປະ ການເຊີດສິງໂຕ ແມວ ຂອງຊົນເຜົ່ານຸ່ງ-ມໍລະດົກທາງດ້ານວັດຖະນະທຳນາມມະທຳ ແຫ່ງຊາດ ທີ່ໄດ້ຮັບ ກະຊວງ ວັດທະນະທຳ ກິລາ ແລະ ທ່ອງທ່ຽວຍອມຮັບ; ສ້າງບັນຍາກາດຈຳລອງ ງານແຕ່ງດອງ ຂອງຊົນເຜົ່າ ນຸ່ງ ແລະ ງານສູດຕໍ່ບຸນ ຂອງຊົນເຜົ່າມົ້ງ ແຂວງ ລ້າງເຊີນ.
 |
ໃນງານຈະລວບລວມເອົາຫຼາຍຊົນເຜົ່າເຂົ້າຮ່ວມໃນບັນດາກິດຈະກຳ ແລະ ວິຖີຊີວິດແຕ່ລະມື້ຂອງຊົນເຜົ່າຕ່າງໆ.
ນອກນັ້ນ ຍັງມີກິດຈະກຳອີກຫຼາຍໆ , ກິດຈະກຳທ້າຍທິດ: ລາຍການ “ຈອກກາເຟ ບານເມ”; ລາຍການສະແດງສິນລະປະ ກະຍາສິນ ທີ່ມີສີສັນ ຂອງຄະນະ ກາຍາສິນຫວຽດນາມ; ເວທີ “ໄວເດັກກັບຕະຫຼາດນັດ”; ບັນດາກິຈະກຳລົງຕົວຈິງ “ ບຸນໄຫວ້ພະຈັນແກ່ນ້ອງ”; ງານການສະຫຼຸບກິດຈະກຳ “ພັກແລ້ງຂອງນ້ອງ” ແລະຈັດຕັ້ງກິດຈະກຳທ່ອງທ່ຽວ ຕ້ອນຮັບວັນເປີດເທີມໃໝ່; ລາຍການ ຮ້ອງເພງ, ຟ້ອນ ແລະ ຫຼິ້ນດົນຕີ “ ຂັບຮ້ອງກ່ຽວກັບໄວເດັກຂອງຂ້ອຍ”; ລາຍການສະແດງ “ ງານບຸນບ້ານໄວເດັກຂອງຂ້ອຍ”.
ຄຽງຄູ່ກັນນັ້ນ ກໍ່ຍັງມີບັນດາກິດຈະກຳ ປະຈຳວັນ, ອາທິດ , ລາຍການທ່ອງທ່ຽວ... ແນໃສ່ໂຄສະນາ ແນະນຳ ວັດທະນະທຳ, ຮີດຄອງປະເພນີ ຂອງ 13 ຊົນເຜົ່າ ວິຖີຊີວິດປະຈຳວັນ ແລະ ການເຄື່ອນໄຫວລົງຕົວຈິງ ຢູ່ທີ່ “ໝູ່ບ້ານລວມ” ຂອງ ກຸ່ມມວນຊົນ 54 ຊົນເຜົ່າ ຫວຽດນາມ, ປະກອບສ່ວນເຂົ້າໃນການເພີ່ມທະວີການແລກປ່ຽນລະຫວ່າງຊົນເຜົ່າ ດຶງດູດນັກທ່ອງທ່ຽວ ມາຢ້ຽມຢາມ ແລະ ທ່ອງທ່ຽວ ໝູ່ບ້ານວັດທະນະທຳ ຂອງຊົນເຜົ່າຫວຽດນາມ.
（ຫັດທະບູນ）
