| ຫວຽດນາມ ແລະ ຍີ່ປຸ່ນ ຍູ້ແຮງບັນດາການເຄຶ່ອນໄຫວສົ່ງເສີມການທ່ອງທ່ຽວນະຄອນໂຮ່ຈີມິນ | |
| ການໂອ້ລົມທາງໂທລະສັບ ຂັ້ນລັດຖະມົນຕີ ກະຊວງປ້ອງກັນປະເທດ ຫວຽດນາມ ແລະ ຍີ່ປຸ່ນ |
ຕອນເຊົ້າວັນທີ 06 ຕຸລາ, ຢູ່ສູນວາງສະແດງສາກົນ Fukuoka, ປະເທດຍີ່ປຸ່ນ, ໄດ້ໄຂ “ເວທີປາໄສເສດຖະກິດ ຫວຽດນາມ ຢູ່ຕ່າງປະເທດຄັ້ງທີ 2 - ການເຊື່ອມຕໍ່ທ້ອງຖິ່ນ, ວິສາຫະກິດ ຫວຽດນາມ - Kyushu: ແທດຈິງ - ບັນລຸປະສິດທິຜົນ - ຄວາມຍືນຍົງ”. ລາຍການດັ່ງກ່າວໂດຍສະຖານກົງສູນ ຫວຽດນາມ ປະຈຳ Fukuoka ສົມທົບກັບສະຫະພັນເສດຖະກິດ Kyushu ຈັດຂຶ້ນ.
 |
| ທ່ານນາງຮອງລັດຖະມົນຕີການຕ່າງປະເທດ ຫວຽດນາມ ເລທິທູຮັ່ງ ກ່າວຄຳເຫັນທີ່ນີ້. |
ໂຄງການໂດຍກົງສູນໃຫຍ່ ຫວຽດນາມ ປະຈຳ Fukuoka ສົມທົບກັບສະຫະພັນເສດຖະກິດ Kyushu ຈັດຕັ້ງເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ (1973 – 2023), ເພື່ອແນໃສ່ຊຸກຍູ້ການຮ່ວມມືລະຫວ່າງບັນດາທ້ອງຖິ່ນ, ບັນດາວິສາຫະກິດຫວຽດນາມ ໃນທົ່ວໂລກ ແລະ Kyushu ໃນບັນດາຂົງເຂດທີ່ສອງຝ່າຍມີຄວາມສາມາດບົ່ມຊ້ອນ ແລະ ກຳລັງແຮງ.
ກ່າວຄຳເຫັນທີ່ນີ້, ທ່ານນາງຮອງລັດຖະມົນຕີການຕ່າງປະເທດ ຫວຽດນາມ ເລທິທູຮັ່ງ ເນັ້ນໜັກວ່າ, ໃນສະພາບທີ່ ຫວຽດນາມ ພວມປະເຊີນໜ້າກັບສິ່ງທ້າທາຍພື້ນຖານແມ່ນການຫັນປ່ຽນຮູບແບບພັດທະນາຕາມມທິດຍືນຍົງ, ສ້າງຄວາມດຸ່ນດ່ຽງກວ່າ, ຊຸກຍູ້ການຮ່ວມມືຮອບດ້ານລະຫວ່າງ ຫວຽດນາມ - ຍີ່ປຸ່ນ ເວົ້າລວມ ແລະ ກັບ Kyushu ເວົ້າສະເພາະ ບໍ່ພຽງແຕ່ຜ່ານການແລກປ່ຽນສິນຄ້າ, ດຶງດູດການລົງທຶນ, ຖ່າຍທອດເຕັກໂນໂລຊີ, ແລກປ່ຽນວັດທະນະທຳເທົ່ານັ້ນ, ຫາກຍັງຜ່ານການຮ່ວມມືໃນທຸກຮູບແບບ, ຮັບເອົາທິດສະດີພັດທະນາຢ່າງປະສົມກົມກ່ຽວຂອງ Kyushu, ນຳໃຊ້ມັນຢ່າງມີຫົວຄິດປະດິດສ້າງໃຫ້ບັນດາທ້ອງຖິ່ນຂອງຫວຽດນາມ ໃນຫຼາຍຂົງເຂດອີກດ້ວຍ.
 |
ທ່ານຮອງລັດຖະມົນຕີກະຊວງການຕ່າງປະເທດ ປາດຖະໜາວ່າ ຫວຽດນາມ ແລະ ຍີ່ປຸ່ນ ເວົ້າລວມ ແລະ ພິເສດ ຫວຽດນາມ - Kyushu ຈະກາຍເປັນຮູບແບບການພົວພັນຄູ່ຮ່ວມມືພັດທະນາ ບົນພື້ນຖານປະຕິບັດບັນດາຂອບເຂດການຮ່ວມມື ແລະ ບັນດາໂຄງການຮ່ວມມືລົງທຶນ - ການຄ້າ, ກະສິກຳເຕັກໂນໂລຊີສູງ. ແຮງງານ, ບຳລຸງສ້າງຊັບພະຍາກອນມະນຸດ, ຕອບສະໜອງຕໍ່ການປ່ຽນແປງຂອງດິນຟ້າອາກາດ, ການເຕີບໂຕສີຂຽວ, ODA ລຸ້ນໃໝ່, ພື້ນຖານໂຄງລ່າງຍຸດທະສາດ, ຮັບປະກັນຄວາມໝັ້ນຄົງດ້ານສະບຽງອາຫານ ແລະ ການຫັນເປັນພະລັງງານ.
ດ້ວຍທ່າໄດ້ປຽບທີ່ສົມບູນແບບຫຼາຍຢ່າງ, ຫວຽດນາມ ໄດ້ເປັນສ່ວນໜຶ່ງໃນການແກ້ໄຂບັນຫາຊອກຫາກົນໄກເຕີບໂຕຂອງພື້ນຖານເສດຖະກິດຍີ່ປຸ່ນ ແລະ Kyushu. ໃນນັ້ນມີປະຊາຄົມຊາວຫວຽດນາມຢູ່ຕ່າງປະເທດເກືອບ 6 ລ້ານຄົນດຳລົງຊີວິດ, ເຮັດວຽກ, ຮ່ຳຮຽນຢູ່ 130 ປະເທດ ແລະ ເຂດແຄ້ວນ, ໃນນັ້ນມີບັນດານັກທຸລະກິດ ແລະ ປັນຍາຊົນຢູ່ປະເທດອື່ນປະສົບຜົນສຳເລັດ, ແມ່ນແຫຼ່ງກຳລັງສຳຄັນໃຫ້ແກ່ການພັດທະນາຂອງຫວຽດນາມ, ພ້ອມທັງແມ່ນຄູ່ຮ່ວມມືທີ່ມີທ່າແຮງໃຫ້ແກ່. ຍີ່ປຸ່ນແລະວິສາຫະກິດໂລກ.
ທ່ານ Hattori Seitaro, ຜູ້ວ່າການແຂວງ Fukuoka, ປາດດຖະໜາວ່າ ເວທີປາໄສຈະສ້າງໂອກາດ ເພື່ອໃຫ້ວິສາຫະກິດ ຫວຽດນາມ ແລະ Kyoto ເຊື່ອມຕໍ່, ຊອກຫາໂອກາດຮ່ວມມື, ຜ່ານນັ້ນ, ການລົງທຶນສອງຝ່າຍຈະເພີ່ມຂຶ້ນໃນໄລຍະ ຈະມາເຖິງ.
ຄຳຮຸ່ງ
