ຕອນເຊົ້າວັນທີ 4 ຕຸລາ, ວິທະຍາຄານປ້ອງກັນຊາດຫວຽດນາມ ໄດ້ຈັດຕັ້ງພິທີ ໄຂຊຸດຝຶກອົມຮົມໄລຍະສັ້ນ ບັນຊາການ-ເສນາທິການ ຂັ້ນ ບັ້ນຮົບ, ຍຸດທະສາດໃຫ້ກອງທັບລາດຊະວົງກໍາປູເຈຍ ຊຸດທີ 20; ກອງທັບປະຊາຊົນລາວ ຊຸດທີ 6 ແລະຊຸດຝຶກອົບຮົມໄລຍະສັ້ນໃຫ້ອາຈານບັນຊາການ-ເສນາທິການ ຂັ້ນ ບັ້ນຮົບ, ຍຸດທະສາດໃຫ້ກອງທັບປະຊາຊົນລາວ ຊຸດທີ 10.
 |
| ບັນຍາກາດທີ່ພິທີໄຂ. ພາບ: qdnd.vn |
ຕາມຫຼັກສູດການຝຶກອົບຮົມ, ນັກສໍາມະນາກອນຈະໄດ້ຄົ້ນຄວ້າກ່ຽວກັບມູນເຊື້ອ ສາມັກຄີຫວຽດນາມ-ກໍາປູເຈຍ-ລາວ; ວັດທະນະທໍາດ້ານການເມືອງ, ປະຫວັດສາດ, ສິລະປະຍຸດການທະຫານຫວຽດນາມ; ພັກຄອມມູນິດຫວຽດນາມ ນໍາພາພາລະກິດປ້ອງກັນຊາດ, ການທະຫານ ແລະນໍາພາກອງທັບປະຊາຊົນ ຫວຽດນາມ; ຍຸດທະສາດຂອງບາງປະເທດໃຫຍ່ທີ່ກ່ຽວຂ້ອງເຖິງການປ້ອງກັນຊາດ-ປ້ອງກັນຄວາມສະຫງົບຢູ່ພາກພື້ນ; ສ້າງ ແລະພັດທະນາອຸດສາຫະກໍາ ປ້ອງກັນຊາດໃນການຕໍ່ສູ້ປົກປັກຮັກສາປະເທດ; ບັນດາບັນຫາພື້ນຖານກ່ຽວ ກັບສິລະປະຍຸດບັ້ນຮົບໃນການກໍ່ສ້າງເຂດປ້ອງກັນ, ຍຸດທະການປ້ອງກັນຍຸດທະສາດໃນການ ປົກປັກຮັກສາປະເທດຊາດ. ນອກຈາກນັ້ນ, ນັກສໍາມະນາກອນຍັງຈະໄດ້ໄປທັດສະນະສຶກສາຢູ່ ເຂດປູສະນີຍະສະຖານປະຫວັດສາດ-ວັດທະນະທໍາຫວຽດນາມ; ບົດຮຽນການສ້າງຄວາມຕັດສິນໃຈປ້ອງກັນໃນທິດຍຸດທະສາດຢູ່ພູມສັນຖານຂອງກໍາປູເຈຍ ແລະລາວ ໂດຍຕິດພັນກັບແຕ່ລະເປົ້າໝາຍຂອງການບໍາລຸງສ້າງ...
ບູນມີ
