“ລາຍການ Homestay” ເປັນລາຍການທີ່ພສານັກສຶກສາລາວໄດ້ໃຊ້ຊີວິດຕົວຈິງໃນເຮືອນປະຊາຊົນ. ນີ້ແມ່ນຮູບແບບຮ່ຳຮຽນທີ່ກ້າວໜ້າ, ສົມທົບທິດສະດີກັບພາກປະຕິບັດເພື່ອຍົກສູງຄຸນນະພາບການບຳລຸງສ້າງພາສາຫວຽດນາມ ໃຫ້ນັກສຶກສາລາວ.
ທ່ານ ຫງວຽນນັງດັກ, ຮອງປະທານຜູ້ປະຈຳການສະມາຄົມມິດຕະພາບ ຫວຽດນາມ - ລາວ ແຂວງ ໄທຫງວຽນ ໃຫ້ຮູ້ວ່າ: ລາຍການນີ້ໄດ້ເລີ່ມທົດລອງຜັນຂະຫຍາຍຢູ່ ໄທຫງວຽນ ແຕ່ສົກຮຽນ 2016 - 2017 ຢູ່ ມະຫາວິທະຍາໄລສ້າງຄູ ແລະ ວິທະຍາໄລເສດຖະກິດ - ການເງິນ. ຜ່ານຕີລາຄາສະແດງໃຫ້ເຫັນວ່າ ລາຍການໄດ້ຊ່ວຍໃຫ້ນັກສຶກສາລາວເຊື່ອມໂຍງເຂົ້າກັບວັດທະນະທຳຫວຽດນາມ, ພ້ອມທັງຍົກສູງຄວາມສາມາດດ້ານພາສາຫວຽດນາມ, ໜູນຊ່ວຍໃນຂະບວນການຄົ້ນຄວ້າ ແລະ ຮ່ຳຮຽນຂອງນັກສຶກສາລາວຢ່າງມີປະສິດທິຜົນ.
 |
| ສະມາຄົມມິດຕະພາບ ຫວຽດນາມ - ລາວ ແຂວງ ໄທຫງວຽນ ໄດ້ມອບໃບຍ້ອງຍໍໃຫ້ແກ່ 9 ກຸ່ມ ແລະ 22 ບຸກຄົນດີເດັ່ນ. ພາບ: ທູຮັ່ງ-VNA |
ໃນສົກຮຽນ 2022 – 2023, ຄະນະຊີ້ນຳ “ລາຍການ Homestay” ແຂວງ ໄທຫງວຽນ ໄດ້ຈັດຕັ້ງ 112 ກິດຈະກຳດ້ວຍການເຂົ້າຮ່ວມຂອງນັກສຶກສາລາວ 3.500 ກວ່າເທື່ອຄົນ ແລະ ນັກສຶກສາ ຫວຽດນາມ 2.800 ເທື່ອຄົນ. ນອກຈາກການຍົກສູງຄວາມສາມາດຂອງນັກສຶກສາໃນການສື່ສານພາສາຫວຽດນາມແລ້ວ, ລາຍການຍັງມີການປະກອບສ່ວນຢ່າງແທດຈິງເຂົ້າໃນວຽກງານການຕ່າງປະເທດປະຊາຊົນກັບລາວ, ປະກອບສ່ວນປົກປັກຮັກສາ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອຂອງ ຫວຽດນາມ - ລາວ ມຫ້ຂຽວສົດງົດງາມ, ໝັ້ນຄົງຂະໜົງແກ່ນຈົນຊົ່ວກາລະນານ.
ບໍລິເວນແຂວງ ໄທຫງວຽນ ມີນັກສຶກສາລາວເກືອບ 1.400 ຄົນທີ່ພວມຮ່ຳຮຽນ ແລະ ຄົ້ນຄ້ວາຢູ່ 11 ມະຫາວິທະຍາໄລ, ວິທະຍາໄລ, ໂຮງຮຽນວັດທະນະທຳ ແລະ ບັນດາຂະແໜງອາຊີບທີ່ແທດຈິງເພື່ອສ້າງສາ, ປົກປັກຮັກສາປະເທດຊາດ ແລະ ພັດທະນາເສດຖະກິດ - ສັງຄົມໃຫ້ປະເທດລາວ. ເມື່ອເຂົ້າຮ່ວມ “ລາຍການ Homestay”, ນັກສຶກສາລາວໄດ້ປະກອບເພີ່ມຄວາມຮູ້, ຄວາມເຂົ້າໃຈກ່ຽວກັບຮີດຄອງປະເພນີ, ວັດທະນະທໍາ, ສັງຄົມ ແລະ ຄວາມຮັກແພງອັນເລິກເຊິ່ງ ແລະ ດີງາມລະຫວ່າງສອງປະເທດອ້າຍນ້ອງ ຫວຽດນາມ - ລາວ.
ເນື່ອງໃນໂອກາດນີ້, ສະມາຄົມມິດຕະພາບ ຫວຽດນາມ - ລາວ ແຂວງ ໄທຫງວຽນ ໄດ້ມອບໃບຍ້ອງຍໍໃຫ້ 9 ກຸ່ມ ແລະ 22 ບຸກຄົນທີ່ມີຜົນງານດີເດັ່ນໃນວຽກງານການຕ່າງປະເທດປະຊາຊົນ ຫວຽດນາມ - ລາວ, ສົກຮຽນ 2022-2023./.
ດີງເລື້ອງ
