| ຕໍ່າຫູກ - ວັດທະນະທຳພື້ນເມືອງ ທີ່ເປັນເອກະລັກສະເພາະຂອງຊົນເຜົ່າ ກະຕູ່ ຢູ່ຫວຽດນາມ ແລະ ລາວ | |
| ຊາວໜຸ່ມຫວຽດນາມ ແລະ ລາວ ມ່ວນຊື່ນຢູ່ເຂດຊາຍແດນ |
ທີ່ການເຮັດວຽກ, ທ່ານພັນເອກພິເສດ ຫງວຽນແທັງຕຸ່ງ ຫົວໜ້າການເມືອງກອງພົນນ້ອຍລູກສອນໄຟຝັ່ງ 679, ກອງບັນຊາການທະຫານເຮືອ ເຂດ 1 ໄດ້ແນະນໍາໂດຍສັງເຂບກ່ຽວກັບວິວັດການກໍາເນີດ ແລະພັດທະນາຂອງກອງພົນນ້ອຍ, ພາລະບົດບາດ, ໜ້າທີ່ ແລະບັນດາຜົນງານ ທີ່ບັນລຸໄດ້ຂອງກົມກອງໃນວິວັດການປະຕິບັດງານ, ອົບຮົມຫັດແອບ ແລະສູ້ຮົບ.
ທ່ານພັນເອກພິເສດ ເລຫງັອກລອງ ໃຫ້ຮູ້ວ່າ ໜັງສືພິມກອງທັບປະຊາຊົນ ລາວ ແມ່ນໜຶ່ງໃນບັນດາກົມກອງທີ່ສະໜິດຕິດພັນກັບໜັງສືພິມກອງທັບປະຊາຊົນຫວຽດນາມ. ສອງກົມກອງ ໄດ້ຕິດຕໍ່ພົວພັນ, ແບ່ງປັນ, ຊ່ວຍເຫຼືອເຊິ່ງກັນແລະກັນໃນວຽກງານວິຊາສະເພາະເປັນປະຈໍາ. ການຢ້ຽມຢາມ ແລະເຮັດວຽກຢູ່ກອງພົນນ້ອຍລູກສອນໄຟຝັ່ງ 679 ມື້ນີ້ ແມ່ນໜຶ່ງໃນບັນດາເນື້ອໃນສໍາຄັນໃນແຜນການຝຶກອົບຮົມໃຫ້ແກ່ພະນັກງານໜັງສືພິມກອງທັບປະຊາຊົນລາວ, ຊ່ວຍໃຫ້ເພື່ອນ ຊອກຮູ້ຕົວຈິງຢູ່ບາງກົມກອງໃນກອງທັບປະຊາຊົນຫວຽດນາມ, ເພື່ອເວລາກັບຄືນປະເທດຈະສາມາດໝູນໃຊ້ບົດຮຽນທີ່ຝຶກອົບຮົມຢູ່ຫວຽດນາມ ໃນວຽກງານຂອງຕົນ.
 |
ພັນເອກພິເສດ ຫງວຽນແທັງຕຸ່ງ ຫົວໜ້າການເມືອງກອງພົນນ້ອຍລູກສອນໄຟຝັ່ງ 679 ແນະນໍາໂດຍສັງເຂບກ່ຽວກັບວິວັດການກໍາເນີດ ແລະພັດທະນາຂອງກົມກອງ. |
ຕາງໜ້າຄະນະ, ທ່ານພັນໂທ ຄອນສະຫວັນ ໄຊຍະລາດ ສະແດງຄວາມປິຕິຊົມຊື່ນ ທີ່ໄດ້ມາຢ້ຽມຢາມ, ເຮັດວຽກ, ແລກປ່ຽນບົດຮຽນ ແລະຂອບໃຈຕໍ່ການຕ້ອນຮັບອັນສົມກຽດ, ຮອບຄອບຖີ່ຖ້ວນຂອງການນໍາກອງພົນນ້ອຍ.
ທ່ານພັນໂທ ຄອນສະຫວັນ ໄຊຍະລາດ ໃຫ້ຮູ້ວ່າ “ການໄປທັດສະນະສຶກສາຕົວຈິງ ແມ່ນໂອກາດເພື່ອໃຫ້ພວກຂ້າພະເຈົ້າ ຮຽນຮູ້ຮູບແບບ, ວີທີເຮັດທີ່ດີໃນກົມກອງ ກອງທັບປະຊາຊົນຫວຽດນາມ, ຜ່ານນັ້ນຈະໝູນໃຊ້ຄວາມຮູ້, ບົດຮຽນໃຫ້ດີທີ່ສຸດເຂົ້າໃນກົມກອງຂອງຕົນ.
ໃນໂອກາດນີ້, ຄະນະຜູ້ແທນໜັງສືພິມກອງທັບປະຊາຊົນລາວ ໄດ້ໄປຢ້ຽມຢາມຫ້ອງປະເພນີ ແລະ ທີ່ພັກ, ສຶກສາ, ດຳລົງຊີວິດ, ເຂດຜະລິດຂອງກອງພົນ 679.
ການຢ້ຽມຢາມ ແລະ ເຄື່ອນໄຫວຄົ້ນຄ້ວາ ໄດ້ຊ່ວຍໃຫ້ພະນັກງານໜັງສືພິມກອງທັບປະຊາຊົນລາວ ມີເອກະສານຫຼາຍຢ່າງເພື່ອຮັບໃຊ້ວຽກງານວິຊາສະເພາະ ແລະ ເຜີຍແຜ່ຮູບພາບກອງທັບເຮືອປະຊາຊົນຫວຽດນາມ ໃຫ້ປະຊາຊົນໃນທົ່ວປະເທດ.
ຄຳຮຸ່ງ
