| ຮັບປະກັນແຫຼ່ງທຶນໃຫ້ການຟື້ນຟູ, ພັດທະນາເສດຖະກິດ-ສັງຄົມ | |
| ປ້ອງກັນ, ຕ້ານໂລກລະບາດໂຄວິດ-19 ຢ່າງມີໄຫວພິບ, ທັງຟື້ນຟູ, ທັງພັດທະນາເສດຖະກິດ-ສັງຄົມ |
 |
| ສະຫາຍ ເລືອງຫງວຽນມິ່ງຈຽດ ແລະ ສະຫາຍ ຄຳຈັນ ໂສຕາປະເສີດ ແລະ ຜູ້ແທນສອງປະເທດ ທີ່ພິທີຕ້ອນຮັບ. ພາບ: ເຈີ່ນເລ່ເລີມ- TTXVN |
ທີ່ພິທີພົບປະ, ສະຫາຍ ເລືອງຫງວຽນມິ່ງຈຽດ, ຮອງເລຂາຜູ້ປະຈໍາການ ຄະນະພັກນະຄອນ, ປະທານສະພາປະຊາຊົນນະຄອນ ດານັ້ງ ໄດ້ສະແດງຄວາມປິຕິຍິນດີ ເມື່ອຄະນະຜູ້ແທນກຳມາທິການບັນດາເຜົ່າຂອງສະພາແຫ່ງຊາດລາວ ມາຢ້ຽມຢາມ ແລະ ເຮັດວຽກ.
ສະຫາຍ ເລືອງຫງວຽນມິ່ງຈຽດ ໃຫ້ຮູ້ວ່າ: ນະຄອນ ດານັ້ງ ພວມຢູ່ໃນໄລຍະຟື້ນຟູ ແລະ ພັດທະນາພາຍຫຼັງໂລກລະບາດ Covid – 19 ແລະ ນະຄອນໄດ້ມີບາດກ້າວຟື້ນຟູ ແລະ ພັດທະນາທີ່ຍືນຍົງພໍສົມຄວນ. ປະຈຸບັນ, ການທ່ອງທ່ຽວແມ່ນໜຶ່ງ ໃນບັນດາທ່າແຮງພັດທະນາຂອງນະຄອນດານັ້ງ. ນັບແຕ່ຕົ້ນປີ 2023 ມາຮອດປະຈຸບັນ, ນະຄອນໄດ້ຕ້ອນຮັບນັກທ່ອງທ່ຽວເກືອບ 5,4 ລ້ານເທື່ອຄົນ, ໃນນັ້ນມີນັກທ່ອງທ່ຽວສາກົນ 1,5 ລ້ານເທື່ອຄົນ. ນະຄອນ ດານັ້ງ ມີຫຼາຍທ່າໄດ້ປຽບ ແລະ ພວມໃຫ້ບຸລິມະສິດ ໃນການພັດທະນາບາງຈຸດທີ່ເປັນທ່າແຮງ ໃນໄລຍະຈະມາເຖິງເຊັ່ນ: ທ່າເຮືອ, ການຂົນສົ່ງ, ເຕັກໂນໂລຢີຂໍ້ມູນຂ່າວສານ, ການສື່ສານ, ເອເລັກໂຕຼນິກໂທລະຄົມມະນາຄົມ ແລະ ສຸມໃສ່ພັດທະນາເສດຖະກິດດີຈີຕອນ.
ປະຈຸບັນ, ນະຄອນ ດານັ້ງ ມີການພົວພັນຮ່ວມມືກັບ 7 ທ້ອງຖິ່ນຂອງລາວ, ໃນນັ້ນມີ 5 ແຂວງພາກກາງຕອນໃຕ້ຂອງລາວ. ທັງສອງຝ່າຍໄດ້ມີການຮ່ວມມືຮອບດ້ານໃນທຸກຂົງເຂດ, ໃນນັ້ນ ຍັງຮັກສາການເຮັດວຽກຢ່າງເປັນປົກກະຕິ ເພື່ອປະຕິບັດບັນດາການຮ່ວມມືລະຫວ່າງສອງປະເທດໃຫ້ປະກົດເປັນຈິງ.
ສະຫາຍ ເລືອງຫງວຽນມິ່ງຈຽດ ເນັ້ນໜັກວ່າ: ບົນພື້ນຖານສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມືແບບພິເສດຂອງພັກ ແລະ ລັດ, ປະຊາຊົນ ຫວຽດນາມ - ລາວ, ນະຄອນ ດານັ້ງ ຍາມໃດກໍ່ເອົາໃຈໃສ່ ແລະ ຕີລາຄາສູງຕໍ່ການພົວພັນມິດຕະພາບທີ່ເປັນມູນເຊື້ອລະຫວ່າງບັນດາທ້ອງຖິ່ນຂອງລາວ.
ໃນພິທີພົບປະ, ທ່ານ ຄຳຈັນ ໂສຕາປະເສີດ ປະທານກຳມາທິການບັນດາເຜົ່າຂອງສະພາແຫ່ງຊາດລາວ ໄດ້ສະແດງຄວາມຊົມເຊີຍຕໍ່ການຟື້ນຟູ ແລະ ພັດທະນານະຄອນດ່ານັ້ງ ພາຍຫຼັງໂລກລະບາດໂຄວິດ-19 ທີ່ໄດ້ມີບາດກ້າວພັດທະນາຢ່າງເຂັ້ມແຂງ; ພ້ອມກັນນັ້ນ, ກໍ່ສະແດງຄວາມຂອບໃຈຕໍ່ກັບການຮ່ວມມື ແລະ ການຊ່ວຍເຫຼືອຂອງນະຄອນດານັ້ງ ໃຫ້ກັບບັນດາແຂວງຂອງລາວ.
ທ່ານ ຄຳຈັນ ໂສຕາປະເສີດ ກ່າວວ່າ: ນະຄອນ ດານັ້ງ ໄດ້ເປັນທີ່ຮູ້ຈັກກັນດີວ່າແມ່ນສະຖານທີ່ທ່ອງທ່ຽວທີ່ມີຊື່ສຽງ ທີ່ປະຊາຊົນລາວມັກ. ການຢ້ຽມຢາມຄັ້ງນີ້ ຈະເຊື່ອມຕໍ່ການຊຸກຍູ້ການທ່ອງທ່ຽວ ແລະ ການພັດທະນາເສດຖະກິດ-ສັງຄົມລະຫວ່າງສອງຝ່າຍ. ທ່ານ ຄຳຈັນ ໂສຕາປະເສີດ ກໍ່ອວຍພອນໃຫ້ຄວາມສາມັກຄີ, ມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງສອງປະເທດ ລາວ - ຫວຽດນາມ ຂຽວສົດງົດງາມຕະຫຼອດກາລະນານ.
ອານຸໄຊ ສະຫວັດ
