| ການພົບປະແລກປ່ຽນມິດຕະພາບລະຫວ່າງ ຊາວໜຸ່ມດົງທາບ (ຫວຽດນາມ) ແລະ ແຂວງສາລະວັນ, ຈຳປາສັກ (ລາວ) | |
| ລາຍການພົບປະແລກປ່ຽນມິດຕະພາບ ຫວຽດນາມ-ຍີ່ປຸ່ນ ຢູ່ແຂວງດົ່ງນາຍ |
ກອງປະຊຸມສຳມະນາແມ່ນເພື່ອແນໃສ່ເພີ່ມທະວີນ້ຳໃຈສາມັກຄີ, ມິດຕະພາບລະຫວ່າງປະຊາຊົນສອງປະເທດ, ເພີ່ມທະວີການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ ແລະ ຍີ່ປຸ່ນ ຢ່າງເລິກເຊິ່ງກວ້າງຂວາງ.
ກ່າວຄຳເຫັນທີ່ກອງປະຊຸມ, ທ່ານ ເຢືອງເຕິ້ນຮ່ຽນ, ຮອງປະທານຜູ້ປະຈໍາການ ຄະນະກຳມະການປະຊາຊົນນະຄອນ ເກີນເທີ ຢືນຢັນວ່າ ການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ຍີ່ປຸ່ນ ໄດ້ສືບຕໍ່ໄດ້ຮັບການປັບປຸງ ແລະ ເພີ່ມທະວີຢ່າງບໍ່ຢຸດຢັ້ງ, ພິເສດແມ່ນນັບແຕ່ສອງປະເທດ ຍົກສູງການພົວພັນທາງການທູດຂຶ້ນເປັນຄູ່ຮ່ວມມືທີ່ຮ່ວມມືດ້ານຍຸດທະສາດ ທີ່ເລິກເຊິ່ງກວ້າງຂວາງ ເພື່ອສັນຕິພາບ ແລະ ຄວາມຈະເລີນຮຸ່ງເຮືອງຢູ່ ອາຊີ.
 |
| ພິທີມອບຮັບອຸປະກອນດົນຕີ ທີ່ລັດຖະບານຍີ່ປຸ່ນ ອຸປະຖຳໃຫ້ໂຮງຮຽນວິທະຍາໄລ ວັດທະນະທຳສິລະປະ ເກີນເທີ. |
ປະຈຸບັນ, ຍີ່ປຸ່ນ ແມ່ນປະເທດທີ່ສະໜອງ ODA ໃຫຍ່ທີ່ສຸດ, ແມ່ນນັກລົງທຶນໃຫຍ່ທີ 2, ຄູ່ຮ່ວມມືຕົວເມືອງທີ 3 ແລະ ຄູ່ຮ່ວມມືການຄ້າສອງຝ່າຍທີ 4 ຂອງ ຫວຽດນາມ.
ຕາມສະຖິຕິສະແດງໃຫ້ເຫັນວ່າ ຮອດປີ 2023, ນະຄອນເກີນເທີ ໄດ້ມີ 6 ໂຄງການ FDI ຂອງຍີ່ປຸ່ນ, ດ້ວຍຍອດຈຳນວນທຶນຈົດທະບຽນປະມານ 1,35 ຕື້ ໂດລາສະຫະລັດ. ນະຄອນກໍ່ໄດ້ຮັບເງິນຊ່ວຍເຫຼືອ ODA ຈາກລັດຖະບານ ຍີ່ປຸ່ນ ນັບສິບລ້ານ USD ຜ່ານບັນດາໂຄງການຂະໜາດໃຫຍ່ຄື: ຂົວເກິນເທີ, ໂຮງງານໄຟຟ້າຄວາມຮ້ອນໂອໂມນ... ລວມທັງເງິນຊ່ວຍເຫຼືອດ້ານມະນຸດສະທຳນັບເປັນແສນໆໂດລາສະຫະລັດ, ການພັດທະນາຊຸມຊົນ ໂດຍຜ່ານທະນາຄານຮ່ວມມືສາກົນ ຍີ່ປຸ່ນ (JBIC), ອົງການການຮ່ວມມືສາກົນຍີ່ປຸ່ນ (JICA).
ທ່ານ ຮອງສາດສະດາຈານ.ປອ ເລຫວຽດຢຸ້ງ, ປະທານສະມາຄົມມິດຕະພາບ ຍີ່ປຸ່ນ - ຫວຽດນາມ ນະຄອນເກີນເທີ, ອາະດີດຮອງຜູ້ອຳນວຍການມະຫາວິທະຍາໄລ ເກີນເທີ ໃຫ້ຮູ້ວ່າ: ການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ຍີ່ປຸ່ນ ໄດ້ປະກອບສ່ວນຢ່າງໃຫຍ່ຫຼວງເຂົ້າໃນວຽກງານການກໍ່ສ້າງ, ຄົ້ນຄວ້າວິທະຍາສາດ ແລະ ເຕັກໂນໂລຊີຂອງມະຫາວິທະຍາໄລ ເກີນເທີ ເວົ້າສະເພາະ ແລະ ບັນດາແຂວງ, ນະຄອນໃນທົ່ວປະເທດເວົ້າລວມ.
 |
| ກອງປະຊຸມສຳມະນາ “ຊຸກຍູ້ການຮ່ວມມືພົບປະແລກປ່ຽນມິດຕະພາບ ຫວຽດນາມ ແລະ ຍີ່ປຸ່ນ”. |
ແຕ່ປີ 1969, ຜ່ານການຊ່ວຍເຫຼືອຂອງອົງການຮ່ວມມືສາກົນຍີ່ປຸ່ນ (JICA), ມີຫຼາຍໂຄງການ, ກິດຈະການທີ່ສຳຄັນໄດ້ຮັບການຈັດຕັ້ງປະຕິບັດ ແລະ ປະກອບສ່ວນປ່ຽນແປງໃບໜ້າຂອງມະຫາວິທະຍາໄລ ເກີນເທີ, ເຊັ່ນວ່າ ໂຄງການຍົກລະດັບມະຫາວິທະຍາໄລ ເກີນເທີ ດ້ວຍເງິນກູ້ ODA, ໂຄງການໜູນຊ່ວຍດ້ານເຕັກນິກ ເພື່ອເພີ່ມທະວີກຳລັງຄວາມສາມາດຂອງມະຫາວິທະຍາໄລ ເກີນເທີ.
ກອງປະຊຸມແມ່ນໂອກາດເພື່ອຮັດແໜ້ນນ້ຳໃຈສາມັກຄີ, ມິດຕະພາບ, ເພີ່ມທະວີຄວາມເຂົ້າໃຈ ແລະ ຄວາມໄວ້ເນື້ອເຊື່ອໃຈລະຫວ່າງ ປະຊາຊົນນະຄອນ ເກີນເທີ ແລະ ປະຊາຊົນບັນດາແຂວງ/ນະຄອນຂອງ ຍີ່ປຸ່ນ ໃຫ້ຫຼາຍກວ່າອີກ; ພ້ອມກັນນັ້ນ, ກໍ່ຊຸກຍູ້ການະົບປະແລກປ່ຽນ, ການຮ່ວມມືດ້ານການກໍ່ສ້າງ ແລະ ຄົ້ນຄວ້າວິທະຍາສາດ, ການລົງທຶນ, ການຄ້າ, ວັດທະນະທຳ, ການທ່ອງທ່ຽວ ແລະ ບັນດາຂົງເຂດອື່ນໆລະຫວ່າງສອງປະເທດ.
ອານຸໄຊ ສະຫວັດ
