| ສະຫະພັນແມ່ຍິງແຂວງຈຳປາສັກ ຢ້ຽມຢາມ ແລະ ອວຍພອນປີໃໝ່ຢູ່ແຂວງເລີມດົ່ງ | |
| ລາວ: ຢ້ຽມຢາມບັນດາຄອບຄົວທະຫານເສຍອົງຄະ, ນັກຮົບສະລະຊີວິດເພື່ອຊາດ ຢູ່ແຂວງຈຳປາສັກ |
ນີ້ແມ່ນການເຄື່ອນໄຫວໃນຂອບເຂດການໄປຢ້ຽມຢາມ ແລະ ເຮັດວຽກຂອງຄະນະຜູ້ແທນແຂວງ ດົ່ງທາບ ຢູ່ແຂວງສາລະວັນ ແລະ ແຂວງຈຳປາສັກ (ລາວ) ນຳໜ້າ ໂດຍສະຫາຍ ຟານວັນທັງ - ຮອງເລຂາຄະນະປະຈຳພັກແຂວງ, ປະທານສະພາປະຊາຊົນແຂວງ ແລະ ປະທານສະມາຄົມມິດຕະພາບຫວຽດນາມ - ລາວ ແຂວງ ດົ່ງທາບ.
ທີ່ການໂອ້ລົມສົນທະນາລະຫວ່າງຄະນະຜູ້ແທນຂັ້ນສູງແຂວງດົ່ງທາບ ແລະ ຄະນະຜູ້ແທນຂັ້ນສູງແຂວງສາລະວັນ ແລະ ຈຳປາສັກ ສອງຄັ້ງ ກໍ່ໄດ້ຮັບຮອງເອົາບົດລາຍງານເບື້ອງຕົ້ນສະຫຼຸບ 1 ປີແຫ່ງການຈັດຕັ້ງປະຕິບັດບົດບັນທຶກຄວາມເຂົ້າໃຈລະຫວ່າງຊາວໜຸ່ມສອງແຂວງ ດົ່ງທາບ (ຫວຽດນາມ) ແລະ ຈໍາປາສັກ (ລາວ) ໄລຍະ 2022 - 2027 ແລະ ບົດລາຍງານເບື້ອງຕົ້ນ 4 ປີແຫ່ງການປະຕິບັດບົດບັນທຶກຄວາມເຂົ້າໃຈລະຫວ່າງຊາວໜຸ່ມແຂວງດົ່ງທາບ (ຫວຽດນາມ) ແລະ ແຂວງສາລະວັນ (ລາວ) ໄລຍະປີ 2017 - ປີ 2021; ພ້ອມກັນນັ້ນ, ກໍ່ສືບຕໍ່ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຂອງຄະນະຊາວໜຸ່ມ ປະຊາຊົນ ປະຕິວັດລາວ ແຂວງ ສາລະວັນ ທີ່ໄດ້ລົງນາມໃນບົດບັນທຶກຊ່ວຍຈຳກ່ຽງກັບການຮ່ວມມື ໄລຍະ 2023 – 2027 ດ້ວຍຫຼາຍເນື້ອໃນ ທີ່ສຳຄັນ.
 |
ການພົບປະແລກປ່ຽນມິດຕະພາບລະຫວ່າງຊາວໜຸ່ມແຂວງດົ່ງທາບ (ຫວຽດນາມ) ແລະ ແຂວງສາລະວັນ, ຈຳປາສັກ (ລາວ) |
ສະຫາຍ ຮວິ່ງມິງທື໋ກ ໃຫ້ຮູ້ວ່າ ຄະນະຊາວໜຸ່ມແຂວງ ດົ່ງທາບ ພ້ອມກັບຄະນະຊາວໜຸ່ມແຂວງ ສາລະວັນ ແລະ ຄະນະຊາວໜຸ່ມແຂວງຈໍາປາສັກ ໄດ້ຈັດຕັ້ງປະຕິບັດບັນດາເນື້ອໃນຂອງແຜນງານສົມທົບກັນບັນລຸໄດ້ໝາກຜົນທີ່ພົ້ນເດັ່ນໃນເບື້ອງຕົ້ນ ເຊິ່ງສະແດງໃຫ້ເຫັນນ້ຳໃຈສາມັກຄີ, ມິດຕະພາບ ແລະ ການສະໜັບສະໜູນເຊິ່ງກັນ ແລະ ກັນ, ຄື: ວຽກງານໂຄສະນາເຜີຍແຜ່ ແລະ ສຶກສາມູນເຊື້ອປະຕິວັດໃຫ້ແກ່ຊາວໜຸ່ມສອງແຂວງ ກ່ຽວກັບນ້ຳໃຈມິດຕະພາບແບບພິເສດຫວຽດນາມ - ລາວ, ລາວ - ຫວຽດນາມ ໃນຂະບວນການຕໍ່ສູ້ປົດປ່ອຍຊາດ ແລະ ການສ້າງປະເທດຊາດຂອງແຕ່ລະປະເທດ. ເພີ່ມພູນຄູນສ້າງນ້ຳໃຈມິດຕະພາບ, ສຶກສາໃຫ້ຊາວໜຸ່ມຂອງສອງແຂວງກ່ຽວກັບຈິດໃຈສາມັກຄີ, ກໍ່ສ້າງ, ຮັບປະກັນຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍຂອງສັງຄົມ ແລະ ຄວາມປອດໄພຂອງສອງປະເທດໄດ້ເອົາໃຈໃສ່ຈັດຕັ້ງປະຕິບັດໃຫ້ເປັນຢ່າງດີ. ເນື່ອງໃນໂອກາດສະເຫຼີມສະຫຼອງ, ວັນບຸນໃຫຍ່ຂອງສອງປະເທດ , ສອງຊາດ, ຄະນະຊາວໜຸ່ມສອງແຂວງ ລ້ວນແຕ່ໄດ້ສົ່ງຈົດໝາຍຖາມຂ່າວຄາວ ແລະ ອວຍພອນເຊິ່ງກັນ ແລະ ກັນ.
 |
ພົ້ນເດັ່ນແມ່ນໃນປີ 2021, ດ້ວຍສະຖານະການທີ່ສັບສົນຂອງພະຍາດໂຄວິດ-19, ເພື່ອປະກອບສ່ວນສົມທົບກັບພະນັກງານ, ສະມາຊິກຄນະນຊາວໜຸ່ມ, ຊາວໜຸ່ມ ແລະ ປະຊາຊົນແຂວງສາລະວັນ ເພື່ອຕ້ານພະຍາດໂຄວິດ-19, ຄະນະປະຈຳຄະນະຊາວໜຸ່ມກອມມູນິດ ໂຮ່ຈີມິນ ແຂວງ ດົ່ງທາບ ໄດ້ມອບຜ້າອັດປາກ 50.000 ອັນ, ຊຸດປ້ອງກັນການແພດ 500 ຊຸດ ໃຫ້ແກ່ຄະນະຊາວໜຸ່ມແຂວງສາລະວັນ ເພື່ອປ້ອງກັນ ແລະ ຕ້ານພະຍາດໂຄວິດ-19. ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (5 ກັນຍາ 1962 – 5 ກັນຍາ 2022) ແລະ ຄົບຮອບ 45 ປີ ແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ, ປີແຫ່ງຄວາມສາມັກຄີມິດຕະພາບ ຫວຽດນາມ - ລາວ, ລາວ-ຫວຽດນາມ ປີ 2022, ຄະນະຊາວໜຸ່ມແຂວງ ດົ່ງທາບ ແລະ ຄະນະຊາວໜຸ່ມແຂວງຈໍາປາສັກ ໄດ້ສົມທົບກັນຢ່າງແໜ້ນແຟ້ນຜັນຂະຫຍາຍຢ່າງກວ້າງຂວາງອອກສູ່ບັນດາສະມາຊິກຄະນະຊາວໜຸ່ມ, ຊາວໜຸ່ມຂອງ 2 ແຂວງເຂົ້າຮ່ວມງານແຂ່ງຂັນຊອກຮູ້ປະຫວັດສາດການພົວພັນແບບພິເສດ ຫວຽດນາມ - ລາວ, ລາວ - ຫວຽດນາມ ປີ 2022 ດ້ວຍຫົວຂໍ້ “ຊາວໜຸ່ມຫວຽດນາມ - ລາວ ໄມຕີຈິດມິດຕະພາບ”. ເລຂາຄະນະຊາວໜຸ່ມແຂວງ ດົ່ງທາບ ແລະ ເລຂາຄະນະຊາວໜຸ່ມແຂວງຈໍາປາສັກ ໄດ້ມີການຕິດຕໍ່ພົວພັນ, ແລກປ່ຽນ, ໜູນຊ່ວຍກັນຢ່າງເປັນປະຈຳ, ສ້າງເງື່ອນໄຂໃຫ້ສະມາຄົມນັກທຸລະກິດໜຸ່ມ ແລະ ໄວໜຸ່ມທີ່ເລີ່ມດຳເນີນທຸລະກິດຂອງ 2 ແຂວງ ໄດ້ຊອກຮູ້ກ່ຽວກັບກາລະໂອກາດລົງທຶນ, ເຊື່ອມຕໍ່ການພົວພັນການຄ້າເຊິ່ງກັນ ແລະ ກັນ, ການວາງສະແດງ ແລະ ໂຄສະນາຜະລິດຕະພັນ ແລະ ເຄື່ອງໝາຍການຄ້າຂອງວິສາຫະກິດ.
 |
ໂດຍສົ່ງເສີມບັນດາໝາກຜົນທີ່ບັນລຸໄດ້, ໃນໄລຍະຈະມາເຖິງ, ຄະນະຊາວໜຸ່ມແຂວງ ດົ່ງທາບ ແລະ ແຂວງສາລະວັນ ຈະສືບຕໍ່ເພີ່ມທະວີການຈັດຕັ້ງໂຄສະນາເຜີຍແພ່, ສຶກສາມູນເຊື້ອປະຕິວັດໃຫ້ແກ່ຊາວໜຸ່ມຂອງ 2 ແຂວງກ່ຽວກັບສາຍພົວພັນມິດຕະພາບແບບພິເສດ ຫວຽດນາມ - ລາວ, ລາວ - ຫວຽດນາມ ໃນຂະບວນການຕໍ່ສູ້ປົດປ່ອຍຊາດ ແລະ ສ້າງສາປະເທດຊາດຢູ່ແຕ່ລະປະເທດ. ຈັດຕັ້ງໃຫ້ຊາວໜຸ່ມຂອງສອງແຂວງໄດ້ແລກປ່ຽນ, ຖອດຖອນບົດຮຽນ ແລະ ຮ່ວມມືກັນພັດທະນາເສດຖະກິດບັນດາຮູບແບບໃນທຸກຂົງເຂດ, ໂດຍສະເພາະແມ່ນຮູບແບບເສດຖະກິດຮ່ວມມືໃນການຜະລິດ ແລະ ດຳເນີນທຸລະກິດໃນຂົງເຂດອຸດສາຫະກຳ, ກະສິກຳ ແລະ ການບໍລິການ; ສົ່ງເສີມເຄື່ອງໝາຍການຄ້າ ແລະ ຜະລິດຕະພັນຂອງວິສາຫະກິດ. ແລກປ່ຽນ ແລະ ແບ່ງປັນປະສົບການໃນການໜູນຊ່ວຍຊາວໜຸ່ມເລີ່ມດຳເນີນທຸລະກິດ, ກໍ່ຮ່າງສ້າງຕົວ; ວຽກງານສ້າງຂະບວນການຂົນຂວາຍຊາວໜຸ່ມຕະລຸມບອນອາສາສະໝັກ ເຂົ້າຮ່ວມການເຄື່ອນໄຫວພັດທະນາເສດຖະກິດ-ສັງຄົມຢູ່ທ້ອງຖິ່ນ. ເພີ່ມທະວີການເຄື່ອນໄຫວແລກປ່ຽນວັດທະນະທຳ, ສິລະປະ ແລະ ກິລາ ແລະ ຜັນຂະຫຍາຍບັນດາໂຄງການແລກປ່ຽນ, ສ້າງເງື່ອນໄຂໃຫ້ຊາວໜຸ່ມສອງແຂວງ ໄດ້ແຮກສ່ຽວ, ສ້າງຄວາມສາມັກຄີ,...
ຄຳຮຸ່ງ
