| ນັກສຶກສາລາວ ແລະ ກຳປູເຈຍ 72 ຄົນ ລົງຕົວຈິງ ແລະ ຊອກຮູ້ກ່ຽວກັບຊີວິດວັດທະນະທຳຫວຽດນາມ | |
| ມອບລາງວັນສື່ມວນຊົນທົ່ວປະເທດຄັ້ງທີ 1 “ເພື່ອພັດທະນາວັດທະນະທຳ, ກິລາ ແລະ ການທ່ອງທ່ຽວ”. |
ຄວາມຫຼາກຫຼາຍທາງດ້ານວັດທະນະທໍາ - ຊັບສົມບັດລວມຂອງມວນມະນຸດ
ກ່າວຄຳປາໄສທີ່ກອງປະຊຸມ, ຜູ້ແທນສະພາແຫ່ງຊາດ ຫວຽດນາມ ທ່ານ ຈິງ ຊວ່ານ ອ່ານ, ກຳມະການຮັບຜິດຊອບກຳມາທິການປ້ອງກັນຊາດ - ປ້ອງກັນຄວາມສະຫງົບ ຂອງສະພາແຫ່ງຊາດ, ຮອງປະທານກຸ່ມສະມາຊິກສະພາແຫ່ງຊາດໜຸ່ມ ເນັ້ນໜັກທັດສະນະ, ຄວາມຫຼາກຫຼາຍດ້ານວັດທະນະທຳ ແມ່ນພື້ນຖານອັນສຳຄັນໃຫ້ແກ່ການຊຸກຍູ້ວັດທະນະທຳໃນການພັດທະນາແບບຍືນຍົງ ແລະ ຄວາມຈະເລີນຮຸ່ງເຮືອງຂອງປະເທດຊາດ.
 |
| ຜູ້ແທນລາວ ກ່າວຄຳເຫັນທີ່ກອງປະຊຸມ (ພາບ: Quochoi.vn) |
“ໃນສະພາບການທົ່ວໂລກນັ້ນ, ບັນດາປະເທດຕ້ອງສືບຕໍ່ປົກປັກຮັກສາ ແລະ ເສີມຂະຫຍາຍບັນດາສີສັນວັດທະນະທຳາະເພາະ, ມີຄວາມເຄົາລົບເຊິ່ງກັນແລະກັນ ກ່ຽວກັບຄວາມຫຼາກຫຼາຍທາງດ້ານວັດທະນະທຳລະຫວ່າງບັນດາຊາດ, ຊົນເຜົ່າ; ພ້ອມກັນນັ້ນ, ກໍ່ໄດ້ແບ່ງປັນເຊິ່ງກັນແລະກັນ, ເລືອກເຟັ້ນ ແລະ ເສີມຂະຫຍາຍສິ່ງຍອດຍິ່ງທາງດ້ານວັດທະນະທຳຂອງມວນມະນຸດ ເພື່ອພ້ອມກັນພັດທະນາ. ເລື່ອງຮັບປະກັນຫຼັກການເຄົາລົບເຊິ່ງກັນແລະກັນ ຈະພາໃຫ້ບັນດາປະເທດ, ບັນດາພື້ນຖານວັດທະ ນະທໍາພ້ອມກັນຮ່ວມມື, ປຶກສາຫາລື, ສ້າງຄວາມໄວ້ເນື້ອເຊື່ອໃຈ ແລະ ແບ່ງປັນເພື່ອພ້ອມກັນດຳລົງຄົງຕົວ ແລະ ພັດທະນາປ່ຽນແທນໃຫ້ການສ້າງບັນດາການປະທະກັນ ແລະ ຂັດແຍ່ງກັນໃນສະພາບການທີ່ສັບສົນໃນປັດຈຸບັນ". ສະຫາຍ ຈິງ ຊວ່ານ ອ່ານ ກ່າວ.
ທ່ານ ຮອງສາດສະດາຈານ ປະລິນຍາເອກ ບຸຍ ຮວ່າຍ ເຊີນ, ຜູ້ແທນສະພາແຫ່ງຊາດ ຫວຽດນາມ , ກຳມະການຜູ້ປະຈຳການກຳມາທິການວັດທະນະທຳ ແລະ ສຶກສາ ຂອງສະພາແຫ່ງຊາດ ໃຫ້ຮູ້ວ່າ: ໃນຖະແຫຼງການໂລກ ກ່ຽວກັບຄວາມຫຼາກຫຼາຍດ້ານວັດທະນະທຳ ປີ 2001, ອົງການສຶກສາ ແລະ ວິທະຍາສາດ ແລະ ວັດທະນະທຳ ສະຫະປະຊາຊາດ (UNESCO) ຢືນຢັນວ່າ ຄວາມຫຼາກຫຼາຍດ້ານວັດທະນະທຳ ແມ່ນຊັບສົມບັດລວມອັນລ້ຳຄ່າຂອງມວນມະນຸດ, ເຊິ່ງເປັນສິ່ງຈຳເປັນຂອງມວນມະນຸດຄື ຄວາມຫຼາກຫຼາຍດ້ານຊີວະພາບຕໍ່ກັບທຳມະຊາດ, ເປັນແຫຼ່ງເລີ່ມຕົ້ນການພົບປະແລກປ່ຽນ, ປ່ຽນແປງໃໝ່ ແລະ ປະດິດຄິດສ້າງ.
ຄຽງຂ້າງກັນນັ້ນ, ຄວາມຫຼາກຫຼາຍທາງດ້ານວັດທະນະທຳ ກໍ່ມີບົດບາດທີ່ສຳຄັນໃນການປະຕິບັດບັນດາສິດທິມະນຸດ ແລະ ສິດເສລີພາບພື້ນຖານຂອງມະນຸດຢ່າງຄົບຖ້ວນ, ຍົກສູງບົດບາດ ແລະ ຖານະຂອງແມ່ຍິງໃນສັງຄົມ, ສ້າງການເຊື່ອມຕໍ່, ຄວາມປອງດອງກັນໃນສັງຄົມ. ດັ່ງນັ້ນ, ຕ້ອງເຊື່ອມໂຍງຄວາມຫຼາກຫຼາຍທາງດ້ານວັດທະນະທຳເປັນໜຶ່ງອົງປະກອບຍຸດທະສາດ ເຂົ້າໃນບັນດານະໂຍບາຍພັດທະນາປະເທດຊາດ ແລະ ສາກົນ, ປະຕິບັດເປົ້າໝາຍພັດທະນາແບບຍືນຍົງ ຂອງສະຫະປະຊາຊາດ...
ປະກອບຄຳເຫັນທີ່ກອງປະຊຸມ, ຜູ້ແທນສະພາແຫ່ງຊາດລາວ ໃຫ້ຮູ້ວ່າ: ລາວກໍ່ມີລະບຽບກົດໝາຍເພື່ອປົກປັກຮັກສາຄວາມຫຼາກຫຼາຍທາງດ້ານວັດທະນະທຳຂອງປະເທດຊາດ (ລະອຽດແມ່ນຂະແໜງການທ່ອງທ່ຽວວັດທະນະທຳ, ມໍລະດົກທາງດ້ານວັດທະນະທຳ...) ເພື່ອຮັກສາ ແລະ ເສີມຂະຫຍາຍສີສັນວັດທະນະທຳຂອງຊາດລາວ ແລະ ປຸກລຸກນ້ຳໃຈຮັກຊາດຂອງຮຸ້ນໜຸ່ມ.
ຜູ້ແທນສະພາແຫ່ງຊາດລາວ ເຊື່ອໝັ້ນວ່າ: ກອງປະຊຸມຄັ້ງນີ້ ຈະເປັນໂອກາດເພື່ອໃຫ້ສະມາຊິກລັດຖະສະພາໜຸ່ມທົ່ວໂລກ ພ້ອມກັນແລກປ່ຽນບົດຮຽນຂອງຕົນ ໃນການພົບປະແລກປ່ຽນປະຊາຊົນ ແລະ ພັບປະແລກປ່ຽນວັດທະນະທຳ, ປະກອບສ່ວນຍົກລະດັບການຮ່ວມມື ລະຫວ່າງບັນດາປະເທດໃຫ້ພັດທະນາແບບຍືນຍົງ.
ວັດທະນະທໍາເຊື່ອມຕໍ່ສັນຕິພາບ
ເມື່ອແລກປ່ຽນກ່ຽວກັບວັດທະນະທຳຂອງອິນໂດເນເຊຍ ທີ່ກອງປະຊຸມ, ສະມາຊິກລັດຖະສະພາອິນໂດເນເຊຍ ກ່າວວ່າ ປະເທດນີ້ມີຄວາມຫຼາກຫຼາຍທາງດ້ານວັດທະນະທຳສູງ, ມີຫຼາຍຊົນເຜົ່າ ແລະ ຫຼາຍຮ້ອຍພາສາ. ເຖິງວ່າຈະມີຄວາມແຕກຕ່າງກັນທາງດ້ານວັດທະນະທຳຫຼາຍຢ່າງກໍ່ຕາມ, ແຕ່ຊາວອິນໂດເນເຊຍ ລ້ວນແຕ່ສະໜິດສະໜົມ ແລະ ຍາດແຍ່ງເອົາຄວາມຮູ້ຂອງທ້ອງຖິ່ນ ເພື່ອນໍາໄປພັດທະນາປະເທດ. ອິນໂດເນເຊຍໄດ້ມານະພະຍາຍາມບັນລຸເປົ້າໝາຍລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຊຸກຍູ້ການສຶກສາ, ປົກປັກຮັກສາສິ່ງແວດລ້ອມ, ຮັບມືກັບການປ່ຽນແປງຂອງດິນຟ້າອາກາດ, ຮັກສາຊີວະນາໆພັນ. ບັນດາເປົ້າໝາຍດັ່ງກ່າວ ໄດ້ເຊື່ອມໂຍງເຂົ້າກັນຢ່າງແໜ້ນແຟ້ນ ເພື່ອນຳເອົາສັນຕິພາບ ແລະ ການຮ່ວມມືມາສູ່ບັນດາປະເທດ ແລະ ພາກພື້ນ.
 |
ສະມາຊິກສະພາແຫ່ງຊາດ ກໍາປູເຈຍໃຫ້ຮູ້ວ່າວ່າ ກຳປູເຈຍ ໄດ້ຊຸກຍູ້ຄວາມຫຼາກຫຼາຍດ້ານວັດທະນະທຳ ແລະ ຄວາມຫຼາກຫຼາຍ ຂອງຊົນເຜົ່າສ່ວນໜ້ອຍຢ່າງແຮງ ເພື່ອພັດທະນາປະເທດຊາດ, ສັນຕິພາບ ແລະ ຄວາມປອງດອງກັນຂອງສັງຄົມ.
ຕາມສະມາຊິກສະພາແຫ່ງຊາດ ກຳປູເຈຍ ແລ້ວ, ພາກພຶ້ນສາກົນ ມີຄວາມເຂົ້າໃຈຜິດບາງຢ່າງກ່ຽວກັບຄຸນຄ່າວັດທະນະທຳ. ບາງພື້ນຖານວັດທະນະທຳອື່ນໆ ມີການພັດທະນາແບບຖົດຖອຍ ຂາດຄວາມມີສີວິໄລ. ສະນັ້ນ, ກອງປະຊຸມເປັນໂອກາດເພື່ອໃຫ້ບັນດາສະມາຊິກພ້ອມກັນແບ່ງປັນກ່ຽວກັບຄຸນຄ່າທາງດ້ານວັດທະນະທຳ, ຜ່ານນັ້ນ ກໍ່ຮັດແຄບຊ່ອງຫວ່າງໃນສັງຄົມ, ວັດທະນະທຳ ແລະ ຊຸກຍູ້ສັນຕິພາບ, ຮັບປະກັນຜົນປະໂຫຍດຂອງສັງຄົມ, ຂອງຊາດ ແລະ ໃນໂລກ.
ທ່ານ Kamal Ait Mik, ສະມາຊິກສະພາຕ່ຳ ມາຣົກ ແລະ ສະມາຊິກຄະນະການນໍາ ເວທີ່ປາໄສສະມາຊິກລັດຖະສະພາໜຸ່ມ IPU ເນັ້ນໜັກວ່າ: ການສົນທະນາລະຫວ່າງສາສະໜາ ແລະ ລະຫວ່າງວັດທະນະທຳ, ຊຸກຍູ້ຄວາມຫຼາກຫຼາຍ ທາງດ້ານວັດທະນະທຳ ແມ່ນຈຳເປັນທີ່ສຸດ, ພິເສດແມ່ນມຸ່ງໄປເຖິງບັນດາຄົນທີ່ອອ່ນແອກວ່າເຊັ່ນ: ແມ່ຍິງ, ເດັກນ້ອຍ, ຄົນເຄື່ອນຍ້າຍຖິ່ນຖານ, ໄວຫນຸ່ມ ແລະ ຄົນພິການ. ໃນກອງປະຊຸມຄັ້ງນີ້, ພວກເຮົາແນໃສ່ເປົ້າໝາຍຊາວໜຸ່ມ, ເຊິ່ງເປັນໜໍ່ແໜງໃນອະນາຄົດ, ສວມບົດບາດທີ່ສຳຄັນ ແລະ ຕ້ອງມີທີ່ຕັ້ງທີ່ດີກວ່າເກົ່າໃນສັງຄົມ.
Anousay
