ເປີດຊຸດຝຶກອົບຮົມໃຫ້ພະນັກງານນາຍທະຫານແຂວງ ຜົ້ງສາລີ, ລາວ

17:53 | 04/08/2023

ຍສໝ - ຕອນບ່າຍວັນທີ 2 ສິງຫາ, ຢູ່ກອງພັນຝຶກອົບຮົມ - ເຄື່ອນທີ່ພິເສດ, ກອງບັນຊາການທະຫານປ້ອງກັນຊາຍແດນ ດ້ຽນບຽນ ໄດ້ຈັດພິທີເປີດຊຸດອົບຮົມວິຊາສະເພາະວຽກງານຊາຍແດນໃຫ້ພະນັກງານຂຶ້ນກັບກອງບັນຊາການທະຫານແຂວງ ຜົ້ງສາລີ, ລາວ 20 ທ່ານ.

ຕາມແຜນການແລ້ວ, ໃນໄລຍະ 1 ເດືອນ, ບັນດາພະນັກງານຈະໄດ້ຮັບການຝຶກອົບຮົມຕາມຫຼັກສູດຂອງກອງບັນຊາການທະຫານປ້ອງກັນຊາຍແດນກ່ຽວກັບການຝຶກອົບຮົມໃຫ້ບັນດາກຳລັງປ້ອງກັນຊາຍແດນຂອງກອງທັບປະຊາຊົນລາວ ດ້ວຍເນື້ອໃນຄື: ປະຫວັດສາດສາຍພົວພັນມິດຕະພາບທີ່ເປັນມູນເຊື້ອພິເສດຫວຽດນາມ-ລາວ; ບາງຄວາມຮັບຮູ້ທົ່ວໄປກ່ຽວກັບເຂດດິນແດນຊາຍແດນແຫ່ງຊາດ; ສັນຍາກ່ຽວກັບລະບຽບການຄຸ້ມຄອງຊາຍແດນ ແລະ ດ່ານຊາຍແດນທາງບົກລະຫວ່າງ ຫວຽດນາມ ແລະ ລາວ; ກົນອຸບາຍ, ເລ່ລ່ຽມການເຄື່ອນໄຫວຂອງບັນດາກໍາລັງປໍລະປັກ, ປະຕິການ; ວຽກງານລາດຕະເວນ, ຂົນຂວາຍມະຫາຊົນ, ວຽກງານການຮັບປະກັນດ້ານເຕັກນິກ, ພະລາທິການໃນການປ້ອງກັນຊາຍແດນ.

ເປີດຊຸດຝຶກອົບຮົມໃຫ້ພະນັກງານນາຍທະຫານແຂວງ ຜົ້ງສາລີ, ລາວ

ພະນັກງານກອງບັນຊາການທະຫານແຂວງ ຜົ້ງສາລີ, ລາວ ເຂົ້າຮ່ວມການຝຶກອົບຮົມ. ພາບ: ເເອງຢຸງ

ຜ່ານການຝຶກອົບຮົມ, ຊ່ວຍເຫຼືອພະນັກງານ, ນັກຮົບກອງບັນຊາການທະຫານແຂວງ ຜົ້ງສາລີ ໄດ້ກຳແໜ້ນວິຊາສະເພາະວຽກງານທີ່ຄຸ້ມຄອງ, ປ້ອງກັນຊາຍແດນຕອບສະໜອງຄວາມຮຽກຮ້ອງ, ໜ້າທີ່ວຽກງານໃນສະພາບການໃໝ່. ພ້ອມກັນນັ້ນ, ກໍ່ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງສອງປະເທດ, ສອງແຂວງ, ພິເສດແມ່ນກອງບັນຊາການທະຫານປ້ອງກັນຊາຍແດນ ດ້ຽນບຽນ ແລະ ກອງບັນຊາການທະຫານແຂວງ ຜົ້ງສາລີ.