ສະຖິຕິສະແດງໃຫ້ເຫັນວ່າ 6 ເດືອນຕົ້ນປີ 2023, ລາວໄດ້ຕ້ອນຮັບນັກທ່ອງທ່ຽວສາກົນ 1.674.436 ເທື່ອຄົນ, ໃນນັ້ນນັກທ່ອງທ່ຽວໄທເຂົ້າມາລາວຫຼາຍທີ່ສຸດ (668.595 ເທື່ອຄົນ), ຖັດຈາກນັ້ນແມ່ນ ຫວຽດນາມ (398.937 ເທື່ອຄົນ), ຈີນ (317.000 ກວ່າເທື່ອຄົນ) ແລະ ເກົາຫຼີ. (ເກືອບ 73,000 ເທື່ອຄົນ).
 |
| ເມືອງຫຼວງພະບາງ ເປັນໜຶ່ງໃນແຫຼ່ງທ່ອງທ່ຽວທີ່ໜ້າສົນໃຈທີ່ສຸດຂອງປະເທດລາວ. (ພາບ: ຈີ້ງຢູ່ງ) |
ເປັນໜ້າສົນໃຈວ່າ, ຈຳນວນນັກທ່ອງທ່ຽວຫວຽດນາມມາລາວນັບມື້ນັບເພີ່ມຂຶ້ນ. ເມື່ອທຽບໃສ່ໄລຍະດຽວກັນຂອງປີ 2022, ໃນ 6 ເດືອນຕົ້ນປີ 2023, ຈຳນວນນັກທ່ອງທ່ຽວຫວຽດນາມມາລາວເພີ່ມຂຶ້ນ 10,8%. ສະຖານທີ່ທ່ອງທ່ຽວຍອດນິຍົມທີ່ນັກທ່ອງທ່ຽວຊາວຫວຽດນາມເລືອກເຟັ້ນເມື່ອໄປລາວ ລວມມີ: ນະຄອນຫຼວງວຽງຈັນ, ເມືອງທ່ອງທ່ຽວວັງວຽງ ແລະ ເມືອງຫຼວງພະບາງ. ໃນທິດທາງກົງກັນຂ້າມ, ຈຳນວນນັກທ່ອງທ່ຽວລາວໄປຫວຽດນາມເພີ່ມຂຶ້ນ 42,7%.
ຫວ່າງມໍ່ໆມານີ້, ລາວໄດ້ຮັບການພິມໃນສື່ສິ່ງພິມກ່ຽວກັບການທ່ອງທ່ຽວທີ່ມີຊື່ສຽງຫຼາຍສະບັບຢ່າງລຽນຕິດເຊັ່ນ: National Geographic, CNN, Australian Travel Publication, Wanderlust và Fodor's ຈັດເຂົ້າໃນບັນຊີລາຍຊື່ສະຖານທີ່ທ່ອງທ່ຽວທີ່ຈັບໃຈທີ່ສຸດໃນໂລກໃນປີ 2023.
ຕາມກົມພັດທະນາການທ່ອງທ່ຽວລາວແລ້ວ, ຮອດປີ 2023, ປະເທດນີ້ຈະສາມາດດຶງດູດນັກທ່ອງທ່ຽວສາກົນປະມານ 2 ລ້ານ ຫຼື ກວ່າ 2 ລ້ານເທື່ອຄົນ. ລາວຍັງໄດ້ວາງຄາດໝາຍສູ້ຊົນປີທ່ອງທ່ຽວລາວ 2024 ຈະດຶງດູດນັກທ່ອງທ່ຽວໃຫ້ໄດ້ 4,6 ລ້ານເທື່ອຄົນ, ດ້ວຍລາຍຮັບປະມານ 712 ລ້ານໂດລາສະຫະລັດ.
ເພື່ອບັນລຸຄາດໝາຍທີ່ກ່າວມາຂ້າງເທິງນັ້ນ, ລັດຖະບານລາວ ພວມຕັ້ງໜ້າລົງທຶນປັບປຸງພື້ນຖານໂຄງລ່າງ, ຍົກສູງຄຸນນະພາບການບໍລິການທ່ອງທ່ຽວ, ຊຸກຍູ້ການໂຄສະນາການທ່ອງທ່ຽວໃນໂປຼແກຼມດີຈິຕອນ.
ດີງເລື້ອງ
