| ຫວຽດນາມ ຊຸກຍູ້ຄວາມສາມັກຄີ ແລະ ຄວາມເຫັນດີເຫັນພ້ອມໃນອາຊຽນ | |
| ຫວຽດນາມ ເຂົ້າຮ່ວມກອງປະຊຸມ AMM-55 ແລະ ບັນດາກອງປະຊຸມທີ່ກ່ຽວຂ້ອງ |
ຕອນບ່າຍວັນດຽວກັນ, ໄດ້ຈັດກອງປະຊຸມຄົບຄະນະລັດຖະມົນຕີການຕ່າງປະເທດ ອາຊຽນ ຄັ້ງທີ 56 ດ້ວຍຈຸດສຸມແມ່ນປຶກສາຫາລືກ່ຽວກັບວິວັດທະນາການສ້າງປະຊາຄົມ ອາຊຽນ, ຜັນຂະຫຍາຍວິໄສທັດ ອາຊຽນ ກ່ຽວກັບ ມະຫາສະໝຸດ ອິນເດຍ - ປາຊີຟິກ, ການພົວພັນຕ່າງປະເທດ ແລະ ໂຄງປະກອບພາກພື້ນ. ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ເຂົ້າຮ່ວມກອງປະຊຸມ.
ນະທີ່ນີ້, ບັນດາລັດຖະມົນຕີ ເຫັນດີເປັນເອກະພາບປັບປຸງຄວາມສາມາດສ້າງຄວາມເຂັ້ມແຂງດ້ວຍຕົນເອງ ແລະ ປັບຕົວຢ່າງມີໄຫວພິບຂອງ ອາຊຽນ ຕໍ່ໜ້າທຸກກາລະໂອກາດ ແລະ ສິ່ງທ້າທາຍທີ່ວາງອອກໃຫ້ພາກພື້ນ. ກອງປະຊຸມເຫັນດີເປັນເອກະພາບຊຸກຍູ້ການຜັນຂະຫຍາຍວິໄສທັດ ອາຊຽນ ກ່ຽວກັບມະຫາສະໝຸດ ອິນເດຍ - ປາຊີຟິກ ຢ່າງມີປະສິດທິຜົນ, ສົ່ງເສີມບັນດາຄູ່ຮ່ວມມືລະອຽດ, ແທດຈິງກັບ ອາຊຽນ ໃນບັນດາຂົງເຂດບຸລິມະສິດ ກ່ຽວກັບການເຊື່ອມຕໍ່, ການຮ່ວມມືໃນການເດີນທະເລ, ພັດທະນາແບບຍືນຍົງ ແລະ ເສດຖະກິດ, ໜູນຊ່ວຍ ອາຊຽນ ສ້າງປະຊາຄົມ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ວັດທະນາຖາວອນຂອງພາກພື້ນ.
 |
ທ່ານລັດຖະມົນຕີ ບຸຍແທັງເຊີນ ຊົມເຊີຍລັດຖະບານອິນເດຍ ແລະ ທ່ານລັດຖະມົນຕີ Subrahmanyam Jaishankar ສ່ວນຕົວຕໍ່ບັນດາຜົນງານທີ່ບັນລຸໄດ້ໃນການພົວພັນຕ່າງປະເທດໃນໄລຍະຜ່ານມາ, ພ້ອມທັງຕີລາຄາສູງເລື່ອງອິນເດຍ ສະໜັບສະໜູນ ອາຊຽນ ຮັກສາຄວາມສາມັກຄີ, ຄວາມເປັນໃຈກາງ.
ລັດຖະມົນຕີ 2 ທ່ານ ໄດ້ຕີລາຄາສູງບັນດາບາດກ້າວພັດທະນາຢ່າງແຮງຂອງການພົວພັນມິດຕະພາບທີ່ເປັນມູນເຊື້ອ ແລະ ການພົວພັນຄູ່ຮ່ວມມືຍຸດທະສາດຮອບດ້ານ, ພິເສດແມ່ນໃນຂົງເຂດເສດຖະກິດ ແລະ ການຄ້າ. 2 ຝ່າຍເຫັນດີເປັນເອກະພາບຈັດຕັ້ງບັນດາການພົບປະແລກປ່ຽນຄະນະຜູ້ແທນຂັ້ນສູງຢ່າງມີປະສິດທິຜົນ ແລະ ຜັນຂະຫຍາຍບັນດາກົນໄກຮ່ວມມືທີ່ມີຢູ່ແລ້ວຄື: ຄະນະກຳມະການປະສົມຄັ້ງທີ 18.
 |
ຮັກສາສັນຕິພາບ ແລະ ສະຖຽນລະພາບ ໃນພາກພື້ນ ແມ່ນພື້ນຖານເພື່ອຫັນສະມາຄົມປະຊາຊາດ ອາຊີຕາເວັນອອກສ່ຽງໃຕ້ (ອາຊຽນ) ກາຍເປັນຈຸດສຸມຂອງການເຕີບໂຕ. ອາຊຽນ ຄວນຮັກສາໃຫ້ ອາຊີຕາເວັນອອກສ່ຽງໃຕ້ ແມ່ນພາກພື້ນປອດອາວຸດນິວເຄຼຍ. ນີ້ແມ່ນຄຳຢັ້ງຢືນຂອງທ່ານລັດຖະມົນຕີການຕ່າງປະເທດ ອິນໂດເນເຊຍ Retno Masurdi ທີ່ວາລະໄຂກອງປະຊຸມມຄະນະກຳມະການສົນທິສັນຍາ ພາກພື້ນ ອາຊີຕາເວັນອອກສ່ຽງໃຕ້ ປອດອາວຸດນິວເຄຼຍ (SEANWFZ), ຊຶ່ງຈັດຂຶ້ນໃນຕອນເຊົ້າວັນທີ 11 ກໍລະກົດ, ຢູ່ນະຄອນຫຼວງ ຈາກາຕາ, ປະເທດ ອິນໂດເນເຊຍ.
ກອງປະຊຸມ SEANWFZ ແລະ ວາລະປຶກສາຫາລືກັບບັນດາຜູ້ຕາງໜ້າຄະນະກຳມະການລະຫວ່າງລັດຖະບານ ອາຊຽນ ກ່ຽວກັບສິດທິມະນຸດ (AICHR) ແມ່ນການເຄື່ອນໄຫວທຳອິດຂອງບັນດາລັດຖະມົນຕີການຕ່າງປະເທດ ອາຊຽນ ໃນຂອບເຂດກອງປະຊຸມ AMM 56 ແລະ ບັນດາກອງປະຊຸມທີ່ກ່ຽວຂ້ອງ. ກ່າວຄຳເຫັນໄຂກອງປະຊຸມ SEANWFZ, ທ່ານລັດຖະມົນຕີການຕ່າງປະເທດ ອິນໂດເນເຊຍ Retno Masurdi ເນັ້ນໜັກວ່າ: ການຮັກສາສັນຕິພາບ ແລະ ສະຖຽນລະພາບໃນພາກພື້ນແມ່ນບຸລິມະສິດແຖວໜ້າ, ນັ້ນແມ່ນພື້ນຖານເພື່ອຫັນພາກພື້ນກາຍເປັນຈຸດສຸມຂອງການເຕີບໂຕ. ອາຊຽນ ຄວນຮັກສາໃຫ້ ພາກພື້ນ ອາຊີຕາເວັນອອກສ່ຽງໃຕ້ ກາຍເປັນພາກພື້ນປອດອາວຸດນິວເຄຼຍ.
ຄຳຮຸ່ງ
