| ລາວ ໄຂກອງປະຊຸມສະໄໝສາມັນເທື່ອທີ 5 ສະພາແຫ່ງຊາດ ຊຸດທີ IX | |
| ປະທານສະພາແຫ່ງຊາດ ມອບຂອງຂວັນໃຫ້ແກ່ຊາວຫວຽດນາມ ຢູ່ 4 ແຂວງພາກໃຕ້ຂອງລາວ |
ໃນກໍລະກົດ, ຢູ່ນະຄອນ ຟູ໋ກວກ, ແຂວງກຽນຢາງ, ທ່ານ ເຈີ່ນແທັງເມີ້ນ ກຳມະການກົມການເມືອງ, ຮອງປະທານສະພາແຫ່ງຊາດ ຫວຽດນາມ ໄດ້ໃຫ້ການຕ້ອນຮັບທ່ານນາງ ສູນທອນ ໄຊຍະຈັກ - ຮອງປະທານສະພາແຫ່ງຊາດລາວ, ປະທານຄະນະມິດຕະພາບລັດຖະສະພາ ລາວ - ຫວຽດນາມ ແລະ ຄະນະຜູ້ແທນສະພາແຫ່ງຊາດລາວ ທີ່ເດີນທາງມາຫວຽດນາມ ເພື່ອເຂົ້າຮ່ວມກອງປະຊຸມຄັ້ງທີ 14 ຂອງກຸ່ມທີ່ປຶກສາລະຫວ່າງລັດຖະສະພາອາຊີຕາເວັນອອກສ່ຽງໃຕ້ (AIPA Caucus 14).
ທີ່ການພົບປະ, ທ່ານປະທານສະພາແຫ່ງຊາດ ເຈີ່ນແທັງເມີ້ນ ຢືນຢັນວ່າ ຍາມໃດຫວຽດນາມ ກໍ່ຖືເປັນສຳຄັນ ແລະ ປາດຖະໜາຢາກພັດທະນາສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ໃຫ້ເລິກເຊິ່ງກວ້າງຂວາງ.
 |
ຕາງໜ້າໃຫ້ສະພາແຫ່ງຊາດຫວຽດນາມ, ທ່ານຮອງປະທານສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບທ່ານນາງ ສູນທອນ ໄຊຍະຈັກ ຮອງປະທານສະພາແຫ່ງຊາດລາວ ທີ່ມາຫວຽດນາມ ເຂົ້າຮ່ວມກອງປະຊຸມ AIPA Caucus ຄັ້ງ 14; ພ້ອມກັນນັ້ນ ກໍສະແດງຄວາມຊົມເຊີຍປະເທດ ແລະ ປະຊາຊົນລາວ ບັນລຸໄດ້ບັນດາຜົນງານໃນການພັດທະນາເສດຖະກິດ-ສັງຄົມ ໃນປີ 2022.
ທ່ານຮອງປະທານສະພາແຫ່ງຊາດ ເຈີ່ນແທັງເມີ້ນ ຕີລາຄາວ່າ: ໃນໄລຍະຜ່ານມາ, ການພົວພັນມິດຕະພາບ ແລະ ການຮ່ວມມືລະຫວ່າງສະພາແຫ່ງຊາດ 2 ປະເທດ ສືບຕໍ່ໄດ້ຮັບການຊຸກຍູ້, ຈັດຕັ້ງປະຕິບັດຢ່າງກົງໄປກົງມາ, ເລິກເຊິ່ງ, ແທດຈິງ ແລະ ມີປະສິດທິຜົນ.
ປະຈຸບັນ, ຄະນະຜູ້ແທນຄະນະປະຈຳສະພາແຫ່ງຊາດ ຫວຽດນາມ ພວມສົມທົບກັນຈັດຕັ້ງຊຸດອົບຮົມ ໃຫ້ຜູ້ແທນສະພາແຫ່ງຊາດລາວ, ຫ້ອງວ່າການສະພາແຫ່ງຊາດຫວຽດນາມ ພວມຈັດຕັ້ງຊຸດອົບຮົມພາສາຫວຽດນາມ ໃຫ້ແກ່ຄະນະເລຂາທິການ ສະພາແຫ່ງຊາດລາວ.
ທ່ານນາງ ສູນທອນ ໄຊຍະຈັກ - ຮອງປະທານສະພາແຫ່ງຊາດລາວ ໄດ້ຂອບໃຈພັກ, ລັດຖະບານ ແລະ ສະພາແຫ່ງຊາດຫວຽດນາມ ທີ່ໄດ້ໃຫ້ການສະໜັບສະໜູນ ແລະ ຄຽງບ່າຄຽງໄຫຼ່ກັບລາວ ໃນໄລຍະຜ່ານມາ.
ໂດຍຕີລາຄາສູງການຮ່ວມມືຢ່າງມີປະສິດທິຜົນລະຫວ່າງສອງສະພາແຫ່ງຊາດ ແລະ ປະຊາຊົນສອງປະເທດຜ່ານບັນດາໂຄງການຮ່ວມມືລະຫວ່າງສອງປະເທດ, ທ່ານນາງຮອງປະທານສະພາແຫ່ງຊາດລາວ ຫວັງວ່າ 2 ຝ່າຍຈະມານະພະຍາຍາມຍູ້ໄວ ແລະ ສຳເລັດບັນດາໂຄງການຮ່ວມມືລົງທຶນຈາກຫວຽດນາມ.
ຄຳຮຸ່ງ
