ຢູ່ດ່ານຊາຍແດນ ອາເດິດ - ຕາວາງ ມີສະມາຊິກຊາວໜຸ່ມເກືອບ 100 ຄົນຂອງປ້ອມປ້ອງກັນຊາຍແດນ ອາເດິດ , ຄະນະເສດຖະກິດ - ປ້ອງກັນຊາດ 92 (ທະຫານເຂດ 4) , ສະມາຊິກໜ່ວຍຊາວໜຸ່ມຕາແສງເຮື່ອງຟອງ, ເລິມເດິດ, ເມືອງ ອາເລືອຍ, ແຂວງ ເທື່ອທຽນເຫວ້ ໄດ້ກຽມພ້ອມສຳລັບພິທີອອກເຄື່ອນທັບບັ້ນຊາວໜຸ່ມອາສາສະໝັກລະດູຮ້ອນ. ເຂົ້າຮ່ວມບັ້ນດັ່ງກ່າວ ກໍ່ມີພະນັກງານ, ນັກຮົບ ຄ້າຍຕຳຫຼວດ ຕາວາງ, ກອງຮ້ອຍປ້ອງກັນຊາຍແດນ 531, ແຂວງ ເຊກອງ ຂອງປະເທດ ລາວ.
 |
ສະມາຊິກຄະນະຊາວໜຸ່ມບັນດາຫົວໜ່ວຍຂອງສອງປະເທດ ຫວຽດນາມ - ລາວ ໄດ້ເຄົາລົບທຸງຢູ່ຫຼັກໝາຍ 666. |
ທີ່ພິທີອອກເຄື່ອນທັບບັ້ນອາສາສະໝັກລະດູຮ້ອນນີ້, ບັນດາຫົວໜ່ວຍໄດ້ຈັດຕັ້ງບັນດາການເຄື່ອນໄຫວທີ່ມີຄວາມໝາຍຄື: ເຄົາລົບທຸງຢູ່ຫຼັກໝາຍຊາຍແດນ; ໂຄສະນາໃຫ້ບັນດາສະມາຊິກຊາວໜຸ່ມກ່ຽວກັບຄວາມໝາຍຂອງເສັ້ນຊາຍແດນ, ຫຼັກໝາຍ, ອະທິປະໄຕຜືນແຜ່ນດິນ, ຄວາມໝັ້ນຄົງເຂດຊາຍແດນແຫ່ງຊາດ; ອະນາໄມລວມຢູ່ເຂດ ຫຼັກໝາຍ 666 ແລະ ເຂດ ດ່ານຊາຍແດນ ອາເດິດ – ຕາວາງ; ຖາງຕາມເສັ້ນທາງແຕ່ປ້ອມກວດກາຄ້າຍປ້ອງກັນຊາຍແດນ ອາເດິດ ໄປຄ້າຍຕຳຫຼວດ ຕາວາງ; ກໍ່ສ້າງປ້ອມຍາມໃຫ້ຊາວໜຸ່ມ ຄ້າຍຕຳຫຼວດ ຕາວາງ…
 |
| ອະນາໄມລວມຢູ່ເຂດດ່ານຊາຍແດນ ອາເດິດ - ຕາວາງ. |
ການເຄື່ອນໄຫວທີ່ແທດຈິງ ແລະ ມີຄວາມໝາຍນີ້ ແມ່ນເພື່ອແນໃສ່ໂຄສະນາ ແລະ ສຶກສາພະນັກງານ, ນັກຮົບ ແລະ ສະມາຊິກຊາວໜຸ່ມກ່ຽວກັບມູນເຊື້ອຂອງຄວາມສາມັກຄີແບບພິເສດລະຫວ່າງກຳລັງປະກອບອາວຸດ 2 ປະເທດ ແລະ ສອງຊົນເຜົ່າ, ຫວຽດນາມ - ລາວ. ຜ່ານນັ້ນ, ກໍ່ເສີມຂະຫຍາຍບົດບາດ, ຄວາມຮັບຜິດຊອບ, ມີນ້ຳໃຈຕໍ່ສູ້ ແລະ ຈິດໃຈອາສາສະໝັກຂອງໄວໜຸ່ມໃນບັນດາຫົວໜ່ວຍ ຮ່ວມແຮງຮ່ວມໃຈຮ່ວມກັບກຳລັງທະຫານຊາຍແດນໃນການຄຸ້ມຄອງ, ປົກປັກຮັກສາອະທິປະໄຕຜືນແຜ່ນດິນ ແລະ ຄວາມໝັ້ນຄົງຊາຍແດນແຫ່ງຊາດໃນສະພາບການໃຫມ່; ກໍ່ສ້າງສັນຕິພາບ, ມິດຕະພາບ, ການຮ່ວມມື ແລະ ພັດທະນາເຂດຊາຍແດນ.
ດີງເລື້ອງ
